2014-12-27

යන්න එපා පාවඩ සමගින් ( මනා කියන මගේ කවිය 2 )


අකුරට ගියාට එන තුරු පෙරමග
සිනහ කවට කෙලි කතා කමෙන්
කැත කිලි කුනු ගෙන යන්නට ආවම
සිටියේ නුඹ නන්නාදුනන ලෙසින්

ගං දිය සේදී සුසිනිදි වු ඒ
නුඔ දැතත් මං මගහරිමින්
ජීවිතයේ අලුයම දිය කෙරුවේ
මා මව් සිත රිදවනු බැරියෙන්

ඇ දෙන ගෙන යන පෙරමග පාවඩ
ගෙන ආවේ කහටක් නැතිදෝ
සමාවෙලා ඉදපන් රත්තරනේ
යන්න එපා පාවඩ සමගින්

මනා හදපු සින්දුව මෙතනින් අහල බලන්න





2014-12-23

අටං ඉස්ටයිල් කලවං වඩේ


මට හිතුනා වඩේ හදන්ඩ , හැබැයි ටිකක් වෙනස් විදිහට , ඔක්කොම ජාති එකට දාල , මං මේකට ගත්තේ

මයිසුර් පරිප්පු
කඩල පරිප්පු
සුදු කව්පි
උළුදු

ඔක්කොම ටික දැම්මා ඊයේ රැ පෙගෙන්ඩ ,

අද උදේ නැගිටල



 රම්පේ
කරපිංචා
ළුණු
කෑලි මිරිස්
අමු මිරිස්
ලුණු


එහෙම දාල හොදට අඹරල කොටල ගත්තා , ටිකක් විතර කෑලී හිටින්ඩ

2014-12-07

ගමේ ඇමති සහ සීනි


ඔන්න පහුනු දවසක අදේ වරුවක අපේ අහල පහල ගෙදරක අංකල් කෙනෙක් විකියලගේ තාත්තයි , තව එයාලගේ ගජටෙකුයි එක්ක ඇවිත් කියුවා මයිත්තිරිපාල මහත්තයලට සහයෝගේ දීලා කොරන රුස්වීමක් එයැයිලගේ ගෙදර අද තියනවය ඒකට එන්ඩය කියල , මමත් ඉතින් කියනකොට ඔලුව වනල

‘‘හා අංකල් ‘‘

කියුවට යනවද නොයනවද කියල තීරනය කොරල තිබුන්නැ , මොකද ඔය රටකෑම ගැන මගේ එහෙව් පවුරු පාසානමක් නැති හන්දා , ඒ උනාට මොකද අද කවදාවත් නොවෙන වැඩක් උනානේ අප්පා , පෝය දවසත් වෙලා කනක් ඇහිල හිටියා පන්සලේ ලවුස් පීකරේ සද්දයක් තිබුන්නැ , රැස්වීම හින්දා ගස්බැදල නැතුවද නැත්තං රැස්වීමට ගස් බදින්ඩ දීලද මන්දා ,
පස්සේ ඉතින් මං හවස් අතේ සද්දේ ඇහෙනකොට ඒ පැත්තට ඔලුව දැම්මා , විකියවත් ඇතිනේ ඔය පැත්තේ කියල , ම්හු ඌත් පේන්ඩ නැ , හැබැයි උන්ගෙ තාත්තනං හිටියා , ඔය පස්සෙන් රස්සා ඇරගනත් උන්වත් එතනට නොබහින එකනං කැතයි , සමහරක් යු ඇන් පී කාරයෝ ඔය කොස් ඇට බෑවිල්ලට කැමති නැ කවුරු මොනව කියුවත්.

ඇයි දෙයියනේ කොහෙදෝ යන පිට මිනිහෙක් ගෙට පැනල ගෑණි නිදාගන ඉන්න ඇදේ බුදිය ගත්තා වාගෙනේ.

පස්සේ ඉතින් ගෙදර එන්ඩ හැරෙන කොට ඔන්න ගමේ ඇමතිතුමත්  ආවා , ඒ සද්දේ අහගන එනකොට තමා අපේ විකියා ඔය කන බොන තැනක මොනවහරි ගේන්ඩ කියල පිටත් කොරන්ඩ හදනකොට දාන සිංහ වාක්කිය මතක් උනේ.

‘‘ අනේ මේ තොපිට ඕන්නං ඕන එකෙක් කඩේ පලයව් ....අඩෝ  මං අහවල් ඇමති තුමාවත් කඩේ ඇරිය කොල්ලෙක් ‘‘

2014-12-04

යුග දිවී රස



‘‘හෙල්ලෝඕ‘‘

‘‘අනේ ..ක්‍රීස්ටිනා ....කෝ මයේ පුතා ඉන්නවද රත්තරනේ ‘‘

‘‘ සරත් නැ අම්මා අදත් ඔන්න ඔපිස් එකේ මොකක්ද වැඩක් කියල ගියා ...ඇයි අම්මා කලබලෙන් ‘‘

‘‘අනේ මට බැ රත්තරනේ ඉහි..ඉහි මේ මිනිහ එක්ක ..මාව මරාගන කන්ඩ හදනව ‘‘

‘‘ඇයි අම්මා මොකද අඩන්නේ ..මොකද උනේ කෝ තාත්ත ‘‘

‘‘ අනේ මෙතන මට රන්ඩු කරල බඩු මුට්ටුත් එහෙට මෙහෙට විසික් කරල මාව තල්ලු කරල දාල එලියට බැහැල කොහෙද ගියා පුතේ ..........මගේ කොන්දත් අමාරුයි , මට නං මේ දුක තවත් විදින්ඩ බැ පුතේ . අවුරුදු හතලිහක් තිස්සේ මන් වින්ද වද වේදනාවක් ‘‘

‘‘ අනේ මන්දා මේ තාත්තලත් පොඩි උන් වෙන්ඩ හදනවනේ ........ෆොන් එක තියන්ඩකෝ අම්මේ ...සරත් කීයට එයිද දන්නේ නැ , මං එන්නං ‘‘

‘‘ හා පුතේ ...අනේ එන්ඩ කෙල්ලෙ ...ඈ..මට මේවා කියන්ඩ ඉන්නේ ඔයාල විතරයි ‘‘

‘‘ හා හා අම්මා ඉන්ඩකෝ ..මම ඉක්මනට එන්නං ‘‘

..........................................................................................

‘‘ මයිගෝඩ් ගේ පිස්සං කොටුව වාගේ ......අපරාදේ මේ වාස් එකත් කැඩිලා , මොකද අම්මා උනේ ...අනේ මන්ද ............කොල්ලො ..කෙල්ලො වාගේ මොකද අම්මා මේ ඔයාල රිලැක්ස් එකේ ඉන්න ඕන කාලේ පිස්සු කරන්නේ , අපිවත් ඔහොම නැනේ ‘‘

‘‘ අනේ රත්තරනේ මට නං බනින්ඩ එපා . මන් වගේ දුක් කන්දරාවක් මිහිපිට කිසිම ගැණියෙක් විදල නැතුව ඇති , මයේ අතේ වරදක් නැ පුතේ ........තිබ්බනං එකම වරද එයා කරන කරන හැම දේටම එදා ඉදන් කරබාගන හිටිය එක විතරයි ‘‘

‘‘ නැ අම්මා මම ඔයාට වරදක් කියනව නෙමෙයි , මං අහන්නේ නිදහසේ සතුටෙන් ජීවත් වෙන්නෙ ඕන කාලේ ඇයි ඔයාල මෙහෙම හැසිරෙන්නේ කියල , මොන ප්‍රශ්නයක්ද , මොන කරදරයක්ද ‘‘

‘‘ දෙයියො තමා දන්නෙ පුතේ , මේ මනුස්සයට එන්ඩ එන්ඩම මාව රුස්සන්නේ නැතුව යනව , මං මොන වරදක් කලාටද , උදේම පත්තර ගොඩ බදාගන ඉන්නකොට මං ලගට ගිහින් හවසට පන්සල් පැත්තේ යන්ද ඇහුවහම ඩෝං ගියා , ඊලගට උදේ කනකොට බත බෙරිවෙලා කියල නොක්කඩු කිය කිය ඉදල , අනල පැත්තකට දාල නැගිටිල හාන්සි පුටුවේ ඉදගන වරුවක් විතර බුලත් කෙල ඉස්සා මිදුල පුරා , අර බාබන්ඩේසියා පාත්තියේ ගන්ඩ දෙයක් නැ , මම ඔව්වටවත් වචනයක් කියන ගෑනියෙක්ද ...ඉහි ඉහි ..........බ්රැස් .........සිරිස්.සුස් ‘‘

2014-11-30

ඔන්න ලොකු පුතේ මං බොට ණය නැ



බොලාට මතකද මං අර ඉස්සර පැල් බැදගන බ්ලොග් ලියන කාලේ ලියාපු ‘‘උඹ වෙලාවට නාව නං‘‘ කතන්දරේ . ඔව් ඔව් අපේ අම්මා අර දිවියලෝකේ එලිපත්ත උඩ ටික වෙලාවක් වාඩිවෙලා උන්න කතන්දරේ තමා , අද කියන්ඩ යන්නේ අපේ අම්මා ජීවිතේට කරපු ලොකුම ගොංකම ගැන .

ඔන්න ඉතින් ඒකාලේ මට ඔය මොනවහරි ගලවන්ඩ හදන්ඩ නිර්මානේ කොරන්ඩ තියනවනං වෙන මොකවත් ඕන නැනේ , කාලෙන් කාලෙට එන වසන්ගත මං ඕනවටත් වැඩිය බදාගන හැල්මේ දුහනව , ආයේ ඉතින් කෑමක් බීමක් නින්දක් නැ . මොකක් හරි කොරනකොට පුරස්නයක් ආවද ඒක විසදගන්න කං මං නෙමෙයි පස්ස බලන්නේ ,

ආයේ ඉතින් බයිසිකලේ ගලවල කෙලව ගත්තනං විංකලේ අංකලයත් එක්කම දවසම එතන ඉදල හරි හදන විදිහත් බලාගන අයින් කරපු කෑල්ලක්  ඉල්ලගන ඇවිත් ගොඩදාල මිසක් පස්ස බලන්නේ නැ , ඒ කාලේ සමහරක් කාර්මිකයෝ , මේසන් බාස්ලනං මම වැඩ පොලක් කරන තැනකට එනවටත් කැමති නැ , ඇයි ඉතින් ඒකල වැඩක් කොරගන්ඩ යැ , මම අහන එව්වට උත්තර දෙනව ඇර ,

හිතමුකෝ කොහේහරි පොල් ගහක් කපනව කියල , ගහ කපන්ඩ ඒ මනුස්සය දාන කට් එකත් මට හෙන පුරස්නයක් ,

‘‘ අංකල් ඇයි මේ පැත්ත ඉස්සෙල්ලා කැපුවේ ‘‘

‘‘ ඉතින් ඒ පැත්තෙන්ම කැපුවනං ඉවරයිනේ මොකට දෙපැත්තක් කපනවද ‘‘

2014-11-05

මල් සින්දු කියන මල්ලියෙක්ට




නිනව් නැතිව පෙමින් වෙලි අපි ඇවිද්ද මේ         මාවත
ඇගිලි තුඩින් ඉලිප්පෙමින් හාදු දුන්න ඔබ මා        වෙත
පාලුව කෝ කොහෙද ගියේ සෙමරසැලු දෙදෙනා වෙත
නුඹේ සුවද හද පතුලේ ගැඹුරු කොනක පිරිලා     ඇත

මල් වැට නැ පාරදිගේ ගල් බැම්මක් බැදිලා           අද
ඇලපාරෙත් ලස්සන නැ කාණු වතුර          වැටිලාමද
එදා තිබුන නී හඩ නැ බස් රථයක්                දුහලාමද
ටික දිනකින් නුඹ නාවේ මේ වෙන දේ      දැනිලාමද

මගහැරගිය මේ පාරෙම බස් රථයට        නැගෙනාවිට
දරාගන්න බැරි වෙනකොට හිත වරදින්  පෙලෙනාවිට
කවුළු දොරෙන් අනන්තයේ ඇත ඉමක්   සොයනාවිට
පෙරට වඩා හිත රිදෙන්නෙ ඔබ මා මග       හරිනාවිට


2014-10-24

වායු කෝඨර ප්‍රදාහය හෙවත් sinusitis ( කරුම ඔලුවේ කැක්කුම ) සහ hot water jug



මම නං කියන්නේ මේක මහ කරුම ලෙඩක් , පුදුම මලවදයක්නේ අප්පා තියෙන්නේ , එක්කො ඇස්දෙක ඇරගන්ඩ බැ ඇස් දෙකෙත් එක්ක ඔලුව රිදෙනව , එහෙමත් නැත්තං එක ඇහැක් එක්ක ඔලුවේ ඒ පැත්ත රිදෙනව , එක්කො කන පිටි පස්සේ රිදෙනව , නැත්තං ඉස්මුදුන රිදෙනව ඉන්ඩ බැ , එක්කො නලල පැලෙන්ඩ එනව , එක්කෝ බෙල්ල පටන් ගන්න හරියෙන් ඔලුව රිදෙනව , සමහරක් වෙලාවට ඔලුව කෙලින් තියාගන ඉන්ඩ බැ පුදුම බරගතියක් දැනෙන්නේ , එහෙමත් නැත්තං එකපාරටම ඔලුව දිගේ කරන්ට් එකක් දුහනව වාගේ එහෙම වෙනකොටනං ඉන්ඩම බැ එකතැන ගල්ටික් වෙනව , එක්කො කන්දෙක ඇහෙන්නේ නැ අගුල් වැටිල.

                                               

 කොච්චර කාලයක්නං මං මේ ලෙඩෙන් බැට කනවද , සිංහල වෙද මහත්තුරුන්ගෙන් බෙහෙත් ගත්තහම හොදට අප්පච්චියේ , ලෙඩෙන් බැටකනවට වඩා අමාරුයි , කියන වතාවත් කොරන්ඩ ගියහම රස්සාවක් කොරගන්ඩ බැරි විදිහටම හිර වෙනව , ලෙඩේ නිට්ටාවටම සුව වෙනව කියල තමයි කියන්නේ ඒ උනාට එතකං සතියක් දෙකක් රස්සාව කරගන්ඩත් බැ , ඊට හපන් බෙහෙත් හැදිල්ල ,  එතනින් ගියහම බෙහෙත් සරීරගත කිරිල්ල , ඔක්කොමත් හරි වෙද මහත්තය කියනවිදිහට පේවෙලා ඉන්න එකනේ කොරන්ඩම බැරි වැඩේ.




අනේ ඉතින් හැමදාම වගේ පිහිටට එන්නේ අපි හතරදෙනාගෙම ගැලවුම්කාරි තමා , කෙල්ලො දෙන්නා කියන විදිහට දයානි ඩොක්ට ආන්ටී , උන්දැ ඇත්තටම දක්ෂයි , තාම කෙල්ල උනාට මොකද ලෙඩ්ඩු එක්ක වැඩකරද්දි බය නැ , තමන් දන්න සාත්තරේට අනුව සැර බෙහෙතක් , අළුත් බෙහෙතක් හේතක් ලියල දෙන්ඩ , අවධානමක් උනත් කිරල මැනල බලල හොදම තීරණය ගන්ඩ , ලෙඩාට හොදට ඇහුන්කං දෙන්ඩ , සැකයක් දැනුන දෙයක් , මොකක් හරි පුංචීම දෙයක් හරි වෙනවද කියල දැනුනොත් ඒක හාර හාරා අහන්ඩ කාලය වැය කරන්ඩ පැකිලෙන්නේ නැ කොහොමටවත් . කොටින්ම ලේ එකක්වත් බලවන්නේ නැ බොරුවට.

‘‘ ඩොක්ට අපි දරුවගේ ලේ එකක් බලමුද ‘‘

‘‘ බොරුවට කලබල වෙන්ඩ එපා මෙයා මේ ෆිට් එකේ ඉන්නේ ... උණ අඩු උනේ නැත්තං හෙට හවසට බලමු , මම ලියල දෙන්නං එහෙම උනොත් විතරක් දෙකට තුනට විතර ගිහින් ලේ එකක් දිලා රිපෝට් එකත් අරගන හවසට එන්ඩ ...............ආ එක්කො එපා .................අනිද්දා උදේටම එන්ඩ , ඒ අතරේ වෙනසක් තියනවනං මට කොල් එකක් දෙන්ඩ ..හැබැයි හවස තුන විතර වෙනකං මම තියටර් එකේ ෆෝන් එක වැඩ කරන එකක් නැ ....දිගටම කෝල් කරන්ඩ මම දකිනේ , අක්කයි නංගියි ටැප් එක ලගට ගිහින් නානවට බැදල ගේ ඇතුලේ දාල තියාගන්ඩ‘‘

2014-10-07

හරක්මස්

‘‘සර් මම මේ කතා කරන්නේ ජයසිංහ රාලහාමිගේ මල්ලි ‘‘

‘‘ මොන ජයසිංහද ‘‘

‘‘ ඇල්ලේවෙල ජයසිංහ .....සර් ...වරකපලට මාරුවෙලා ගියේ ....එයාගේ මල්ලි ‘‘

‘‘ අප්පට සිරි මල්ලියා කියහං ..මොකද බං මේ වෙලාවේ ‘‘

‘‘ සර් මං මේ ගමනක් ගිහින් යාලුවෙක් එක්ක එනගමන් රැ උනා කෙටිපාර හන්දා තේක්ක කැලේ මැද්දෙන් පැනගන්ඩ ආවේ , කැලේ අස්සේ සද්දයක් ආවට බැලුවහම වැන් එකකට හරක්  පටවනව ‘‘

‘‘ වැන් එකකට ‘‘

‘‘ ඔව් සර් හයිරූප් එකක් වැඩිය කතා කරකර ඉන්ඩ බැ ...........‘‘

‘‘ බලහං නොම්බරේ ‘‘

‘‘ නොම්මර බලන්ඩ ලං වෙන්ඩ බැ සර් ...අපිව මාට්ටු වෙයි .......එතන කට්ටි තුන්දෙනෙක් ඉන්නව ...ලොකු උන් දෙන්නෙක් පැටෙව්වා , තව පැටියයි මහ එකයි ඉන්නව ....... සර්ල ඉක්මනට බටපැලැස්ස හන්දිය පහු කරල ඇල්ලේවෙල පාරේ ආවොත් උන්ට වෙන යන්ඩ පාරක් නැ , මුනටම මාට්ටු වෙනව ‘‘

‘‘ මං මේ තේ එකක් බොන්ඩ නයිට් කඩේට ඇවිත් ඉන්නේ අපි ටක් ගාල එන්නං , උඹල ඔහොම හිටහල්ලා ‘‘

‘‘ අපිට සීන් එකට පේස් කරන්ඩ බැ සර් ගමේ එකෙක් ඉන්නව , අනික සර්ල එනකොට උන් මෙතනින් අනිවා පිටවෙනවා , අපි යන්නං සර්ල එන්න ‘‘

‘‘ හරි හරි එහෙනං පලයං ..., ෆෝන් ඒක ඕප් කරන්නේ නැතුව තියාගනින්‘‘

‘‘ හරි සර් එහෙනං ජයවේවා ‘‘

‘‘ එයි කොල්ලෝ ............ඉක්මනට සිකරට් දහය අරගන ඇවිත් මේ විදුරු ටික අරන් පලයං ‘‘

‘‘ හරි සර් මේ එනව ‘‘

‘‘ යකෝ උඹ තාම කනවද .... ඔය  %ත්ත  ඉක්මනට කාල මේ @යිය ඉස්ටාට් කරල ගනිං ‘‘

ඉතිරිව තිබු බිත්තර රොටී කෑලි කිහිපය හනිකට කටට ඔබාගත් පොලිස් රියැදුරා දෙකකුල් මැදින් තබාගන හුන් ප්ලේන්ටියෙන් උගුරු දෙකක් ගිලදමා වේටර් කොලුවාට පිගාන සහ ප්ලේන්ටිය දී ජිප් රථය පනගන්වා ගත්තේය

‘‘ යමන් ඉක්මනට ඇල්ලේවෙල පාරට ‘‘

‘‘ සර් අපි හතරදෙනයිනේ ‘‘

‘‘ මොන  %කටද  තොපි දෙන්නා වේපන් එකක් අරගන ආවේ ‘‘

2014-10-02

රාහු ගිල්ල ආදරේ


'' මල්ලි .......මල්ලි......පොඩි දෙන්නව අරගන එනවද ''

'' මොනවද හලෝ ...ගිහිල්ලා එනවකෝ ...........ටිකක් නිදාගන්ඩවත් තියන දවසේ  උදෙත් ඇහැරෙව්වා ''

'' පුදුම නින්දක්නේ මේක , ගෙදර හිටියොත් බුදි , තමුසෙ කොල්ලෙක් නේද ....ගේ අස්සට රිංගගන ඉන්නේ නැතුව ටිකක් එලියට පහලියට බැහැල ඇවිදිනවකෝ ''

'' මං කොහේ යන්ඩද ..............වදදෙන්නේ නැතුව ගිහින් එක්ක එනව ''

'' මොනවද මල්ලි එහෙම උදව්ක්වත් කරනවකෝ ................ඔය කම්මැලිකම හන්ද තමයි තමුසෙට තව කෙල්ලෙක්වත් යාලු කරගන්ඩ බැරි උනේ ''

'' අම්මෝ මේ ...ඔන්න අදත් පටන්ගන්ඩයි යන්නේ .......ගෑනු නං එපා ''

'' මේ අර බොරලැස්ගමුවේ ළමයගේ ගෙදරින් කතා කරා කියල අම්මා කියුවා ..........ඒ ළමයත් තමුසෙ වගේ බලන හැම එකටම බැ කියකිය ඉදලා එදා අපි ගිය දවසේ රෑම කැමතියි කියුවලු , නිකං බොරුවට මිනිස්සුන්ට බලාපොරොත්තු දීලා මඩවන්නේ නැතුව මේකටවත් කැමති වෙලා පිලිවලක් වෙනවා''

එතෙක් වේලා මුනින්  අතට කොට්ටයට මුහුන හංගාගන නිදා උන් සිදත් , ඇද කොනේ හිදගන තමන්ගේ දකුනු කකුලේ ගනව වැඩුනු රෝම කූපයන් සියුම් වේදනාවක් නැගෙන ලෙස අදිමින් උන් සොහොයුරියගෙන් පය මුදවාගන ඇද විට්ටම මතට කොට්ටය විසිකර ඒ කොට්ටයට පිට තද කරමින්

'' අනේ මේ ..ලොකු ..අක්කේ මට වද නොදි ඉන්නව ''

'' නිකං පලක් නැති විකාර වැඩ කරන්ඩ එපා මල්ලි .................තමුසේ බදින්නේ නැත්තං ඒක කෙලින්ම කියල ..අපිව රස්තියාදු නොකර නිකං ඉන්නව .............අර අම්මටයි තාත්තටයිත් වද දිදි රට ව‍ටේ ගෙවල් ගානේ ඇවිද ඇවිද කකා බිබි , මොනවද මේ කරන්නෙ ''

2014-09-23

How to Add youtube video, Image, Smileys & Emoticons, color text, marquee text in Blogger Comments

youtube video, Image, Smileys & Emoticons, color text, marquee text  කමෙන්ට් වලට දාගත්තේ  මෙන්න මේ විදිහටයි

හිනා මුහුනු මෙන්න මෙතනින් ගත්තා http://www.hackinguniversity.in/2014/01/emoticons-blogger-comments.html

පීන්තුර දාන හැටි මෙන්න මෙතනින් ගත්තා http://nohimlokaya.blogspot.com/2012/08/blog-comment-box-video-image-comment.html?m=1

සමහරක් විට  මේකත් ඕනවෙයි www.bloggersentral.com/p/html-escape-tool

2014-09-14

මටම දාවුණ පැටවුනට සහ මටද අම්මා වන්



'' ඇයි සරත් අදත් අටේ බස් එක මගඇරුනද ''

'' දැක දැක ඇද්දුවනේ අළුත් කොන්දෙක්ද කොහෙද ''

'' හවස ගත්ත මාළුටික දැනුයි සුද්දකරල ලිපට කරේ , ඔයාට තේ එකක් හදලා දෙන්නං ''

'' ඔන්නැ ...බත්ම කමු ''

'' මාළු ටික ලිපෙන් තිබ්බේ දැන් , ඔයාට කන්ඩ හාල් ටිකක් තියන්ඩත් ඕන , ඇග හෝදගන එන්ඩ මම තේ හදන්නං  ''

'' එපා ඕන නැ ''

'' එහෙනං මම ඉක්මනට ඇග හෝදගන එන්නද ''

'' හා ''

'' මාළු එක ලිපේ චුට්ටක් බලනවද ''

'' මොන මාළුද  ගත්තේ ''

'' කෑලි මාලු වෙන මොකවත් තිබුන්නැ අනේ , තෝර දෙසිය පනහක් ගත්තා  හාරසීයක් ''

පිටු පස දොරින් ලිද ලගට යන බිරිදගේ හඩට සවන් දෙමින් කාමරයට වැදුන සරත් දරු දෙදෙනා අවදි වේයැයි බියෙන් විදුලි පහන නොදල්වා ඇද සිටි ඇදුම් උනා දමමින් යට ඇදුමට උඩින් තුවාය ඉන දවටාගන පැමින ලිප මත තිබෙන ඇතිලියේ කරමූඩිය මතින් පොලුකටු හැන්ද රැගෙන කරමුඩිය ඉවත් කලේය

..................යකෝ දෙසිය පනහට මාඵ කෑලි පහද අල්ලන්නේ.............

දෙතුන් විඩක් හොද්ද හැදිගා වසාදැමු සරත් , කුස්සියෙන් මිදුලට බැස හදිස්සියෙන් සියොලග සබන් තවරන බිරිද දෙස බලමින් ලීං ගැට්ට මතින් හිද ගත්තේය.

'' දවල් නාගන්ඩ හම්බුන්නැ අනේ අර දෙන්න අද නිදාගත්තේ නැ , මං නාන්ඩ ආවනං එයාලටත් නාන්ඩ ඕන වෙනව , තාම සෙම ''

'' අද දෙන්න රංඩු උනේ නැද්ද ''

'' දෝනිගේ ඉස්කෝලෙ පොතක් ඉරුවනේ පුතා ''

'' අච්චු පොතක් ''

'' නැ.......සිංහල ලියන  පොත , අරන් දීල සතියක් නැ අනේ , හොද වෙලාවට පිටු හතරයි පහයි ලියල තිබුනේ , ...මම අරන් තියපු පොතක් තිබිල දුන්නා ...පවු කෙල්ල ඔයා ආපුවහම කියනව කියල අඩ අඩා ඉරපු පොතේ තිබිච්ච අළුත් පොතේ ලියාගත්තා ''

'' කොල්ලට ගැහුවද ''

'' හයියෙන් නෙමෙයි අනේ හිමීට පාරක් ගැහුවා ..........එයත් බලාගන හිටියේ ඔයා එනකං ............කියල මට හොද වැඩක් කරවන්නංකෝ කිය කිය හිටියේ ''

2014-09-04

මට හෙන බුදි මතයි



තාත්ත අපේ කට්ට කාල අරන්දුන්න මට
බයිසිකලේ තෝ කෑවා මතකද පෙර දින
එපා කියද්දි නැගල ඒදණ්ඩක් උඩ
කෙලෙව්ව හැටි මතකද තොට පෙරදා බෝ දුර

බයිසිකලේ පැදගන්ඩත් ඉගැන්නුවේ මම
හති රටේ කරක් ගසා වින්කල් එක එක
මවුන්ටන් එකක් ගෙනැවිත් පරණ කඩේ කින
හද‍ා දුන්න හැටි මතකද පෙරදා මං තොට

දහදාහට චැලි කට්ටක් කොහෙන්ද අරගන
දුන්නද තෝ එක වටයක් ආසාවට ම‍ට
පස්සේ කාලේ අරගත් අර ඩීටී පිප්ටිය
තල්ලු කලේ මං හිසකේ ගානට

රාගම යන්ඩ මං බස්නැවතුමේ ඉන්නේ
ත්‍රීවිල් කට්ටේ නැග තෝ දැක දැක යන්නේ
තව වෙන දිනක හයර් එකට මම නැග්ගේ
එකසිය තිහට දෙසියක්ම තෝ ගත්තේ

එහෙම කලත් ලැජ්ජාවක් මට නැත්තේ
මගේ පොඩි කෙල්ල වැන් එකට තොගේ දැම්මේ
දරුවන් අතර ඉස්කෝලට ලග ඉන්නේ
ඔක්කොම බස්සලයි කෙල්ලව ගෙන එන්නේ

හෙ‍ාදහැටි පදං දාගන දැන් මං එන්නේ
පාන්දර දෙකයි වොච් එක පවසන්නේ
වැන් එකක් නවත‍ාගන දැන් ඉන්නේ
ජංගී යාලුවා පාරට අත දැම්මේ

බැට්රියෙ වයර් බුරුල් වෙලයි දැන් ඇත්තේ
පෙට්ටියේ පියන ඇරලා දැන් දිය යුත්තේ
ඇණයේ නියම සයිස් එකත් නොම දන්නේ
ෂිප්ටර් එකක් රත්තරනේ දීපන්නේ

අයියෝ වස්තුවේ ආයුද බාමින්නේ
රහමෙර බිමටයි ගෙදරින් පිටවුයේ
කවුරුන්‍ හෝ ගෙනත් ගේමක් ගහගන්නේ
මට හෙන බුදි මතයි අටමා පිට වෙන්නේ

2014-08-31

හොර ගෑණු



'' හෙලෝ මේ ''

'' කියන්න අනුර ....හදිස්සියක්ද ........මම මේ අවුලක පැටලිලා කස්ටමර් කෙනෙක් කවුන්ටර් එකේ ඉන්න ළමයෙක්ට රන්ඩු කරනවා , ඒ ෆයිල් එක බලන ගමන් ''

'' අර රාධිකා මතකයි නේද ඔයාට ''

'' කවුද මතක නැ ......ඉතින් කියන්ඩකෝ ''

'' ඇයි අර සුමිත්ගේ වෙඩින් එකේදි හම්බුනේ ..මගේ ක්ලාස්මේට් .....අර............ ''

'' අනේ අර මැරි කරල නැති එක්කෙනා නේද ...........ඉතින් කියන්නකා් ''

'' ඔව් ඔව් .එයා එදා අපිට දුන්න නම්බර් එකෙන් කතා කලා ''

'' හරි අනේ ..........ගෙදර ආපුවහම කතා කරමු .මං හිතුවා හදිස්සියක් කියල ''

'' හෝව් ..හෝව් ........මේ ... මේ .....තියන්ඩ එපා .. දුලානි..........''

'' කියන්ඩ අනේ ඔලුව ගිනි අරන් ඉන්න වෙලාවේ ඔයත් වද දෙනව ''

'' මේ අහන්ඩකෝ ..එදා රාධිකා දුන්න නම්බර් එකෙන් කතාකලේ ..එයාලගේ .....අම්මා ''

'' ඉතින් ''

'' එයාලගේ තාත්ත වැඩකරන ලොරියට මනුස්සයෙක් හැප්පිලා ...............රිමාන්ඩ් කරලලු ''

'' පව් අනේ ...''

'' උසාවියෙන් විසිදාහක  දඩයක් ගහලලු ...........එයාලගාව සල්ලි නැලු අංකල්ව ගන්ඩ ........විසිදාහක් දෙන්ඩ පුලුවන්ද අහනව ''

'' ඉතින් ඔයා මොකද කියුවේ ''

'' ඒක තමයි මම මේ ඔයාට කතා කලේ ............... ntb එකවුන්ට් එකෙන් අරගන දෙන්ඩද අහන්ඩ ''

'' කියක්ද දැන් එයා දෙන්ඩ හදන්නේ ''

'' දඩය විසිදාහ ගෙවාගන්ඩ සල්ලි නැ කියන්නේ ...........හිරවෙලානේ ඇත්තේ ........අනික විසිදාහ කියුවට තව මොනවට ඕන වෙයිද දන්නැනේ .............මම ඒ ඇන්ටිගෙන් ඇහුවා ...........ඉතින් විසිදාහ ඇති වෙයිද කියල ................පව් බබා ඒ මනුස්සය අඩ අඩා කියනව ............අනේ පුතේ තියනවනං විසිපන්දාහක් දෙන්ඩලු ''

'' කොහෙටද දැන් සල්ලි දෙන්ඩ යන්නේ ''

' එකවුන්ට් නම්බර් එකක් දුන්නා ''

'' ඉතින අනේ තව පැය බාගයක්වත් නැනේ බැංකු වහන්ඩ ''

'' ඒක තමයි ........මම සල්ලි දෙන්ඩද ...........අද අංකල්ව එලියට ගන්ඩ බැරි උනොත් ලබන සදුදා වෙනකං ඉන්ඩ වෙනවලු ''

'' හරි හරි ඕන එකක් කරන්ඩ .....ඔයාට ඉතින් මාසෙකට දෙකකට සැරයක් ඔහොම නාස්තියක් කරේ නැත්තං නින්ද යන්නේ නැනේ ..........මං තියනව ''

ජංගම දුරකතනය සහ පසුම්බිය රැගෙන නිලකාමරයෙන් පිටතට පැමිනි අනුර

'' හංසිකා මම එලියට යනව කොල්ස් ආවොත් ආන්සර් කරන්න ''

2014-08-08

බැද දමා තිබු තැනින්

ගගදිගේ දුර මගක තරනයට සැරසෙනා
ඔරුකදක් තනිකමට රැහැනකට අමතලා
යන මගේ තැනින් තැන විඩාවට සුවදෙනා
නවතිනා තැනින් තැන ඉසබුවක් ලැබ දෙනා

ටික දුරක් ගංදියේ කඩිසරව පාවෙලා
ගලායන සැඩරලේ රුහැන් පට බිදදමා
බැද දමා තිබු තැනින් ඔරුකදත් ගිලිහුනා
රැහැන් පට ගං දියේ එක තැනම පාවුනා

සැඩරලේ බිහිසුනුව සිව්අතේ පාවෙලා
නිසල දිය ඇති තැනදි මොහොතකට නැවතිලා
යන අතර තැනින් තැන ලැබෙන දේ පුරවලා
සෙල්මුවා තොටුපලක ඔරුකදක් නැවතුනා

බැද තිබු උණ පදුරෙ කාලයක් පැටලිලා
ගං දියේ හතර අත දුක්බරව පාවෙලා
ගග හිදෙන ඉඩෝරේ වැලි මත්තේ වේලිලා
උඩු අතට දිය ගලයි රැහන්පට සැනසිලා

සෙල්මුවා තොටුපලෙන් තොටියෙකුත් ගොඩවෙලා
දුර්වර්ණ ඔරුබදට සායමක් ගෑවිලා
බිහිසුනුම සැඩරලෙත් කීකරුව පාවෙලා
තොටුපලේ ඔරුකදක් ගං දැල සනසනා

ඒ ගොඩත් මේ ගොඩත් කාලයක් සැරිසරා
පරිවාර තොටියනුත් තොටි තෙමොට පුදකලා
පැතුයේ තොටුපලක් නොවන බව සිහිවෙලා
රැහැන්පට තනියෙන්ම ගං දියේ වැලපුනා

2014-08-05

අයිරගේ නම කෙටුවානං යාන්තමට ඉඩක් අරං



කෑලි කෑලි අමුන අමුන අත් මැසිමෙන් නුල්             වියං
නේක නේක රටා මවන් පාපිස්සක හැඩය               අරං
ගෙයක් ගානේ ඇවිද ඇවිද කාසි ටිකක් මිට       මොලවං
හවස් අතේ ගෙදර එන්නේ කෑලි කඩෙන් රෙදිත්      අරං

වසර හතක් එකතු කලේ මං දඹදිව යන්න            හිතං
චුට්ට චුට්ට ඉහල නගින අපේ ගමේ වෙහෙර        බලං
එකතු වෙච්ච හැටදාහම බෙලෙක්කයේ පියන      ඇරං
ලෝබ නැතුව මං දුන්නේ දනින් වැටිල දැත්          වැදං

ගල් ඇන්දක් හයිකරල ඇත් බැම්මට වාරු            කරං
ලස්ස ගනන් දුන්න අයගේ නං ගං අකුරකට         නගං
ගල් ඇන්දේ යටින් තියන මල් ලියකම අයින්      කරං
අයිරගේ නම කෙටුවානං යාන්තමට ඉඩක්            අරං

2014-07-26

යුදෙව්වන් වෙසෙන අසිරිමත් ඊශ්‍රායිලය ගැන ඔබ නොදත් දේ




මුළු අරාබිකරයේම ඉන්න මුස්ලිම්වරුන්ට රිදෙන්න ගහපු පුංචිම පුංචි රටක් ගැන තමයි මේ කියන්න යන්නේ. මේක තමයි මැදපෙරදිග තියෙන එකම මුස්ලිම් නොවන රට. ලංකාවෙන් ⅓ විතර තමයි වෙන්නෙ. සිවිල් වැසියො විදිහට මැදපෙරදිගට සංක්‍රමණය වෙච්ච මේගොල්ලො, කෙළවරක් නැති මුස්ලිම් ආක්‍රමණ නිසා පස්සෙ කාලෙක බොහෝම බිහිසුණු, දක්ශ වගේම කාර්‍යක්ශම හමුදාවක් බවට පත් වෙනවා.

රට බිහිවෙලා අවුරුදු 25 ක් ඇතුලත අරාබි හමුදා වල ආක්‍රමණ 3 කටම සාර්ථකව මුහුණ දෙනවා.ඒ හැම වතාවකදීම අරාබි හමුදා මේ රටේ හමුදාවට වඩා ප්‍රමාණයෙන් ඉතාම විශාල වුණා. මේ මොන යුද්ධ තිබුණත්, 21 සියවස වෙද්දි මේ රට ලෝක වාර්තා රැසක් පිහිටුවනවා. කියන්නෙ මේ රට මුළු ලෝකෙන්ම වෛද්‍ය විද්‍යා උපාංග වැඩිම ගණනකට පේටන්ට් හිමිකරගන්නවා. වැඩිම නොබෙල් ත්‍යාග ප්‍රතිශතයක් ලබාගන්නවා. දෙවෙනියට හොඳම අභ්‍යවකාශ තාක්ශනයට හිමිකම් කියනවා. දැනට මේ ඇති.. මේ ලිස්ට් එක ගොඩාක් දිගයි ……..ඉතිං මේ රටෙන් තමයි පස්සෙ කාලෙක මුස්ලිම් අන්තවාදීන්ට නෙළන හැටි මුළු ලෝකෙම ඉගෙන ගන්නෙ.

ඊශ්‍රායලයේ ඉතිහාසය කොටින්ම හොලිවුඩ් ඇක්ශන් ෆිල්ම් එකක් වගේ. මුස්ලිම්වරු ඇරුනහම මැදපෙරදිග හිටපු සුළු ජාතියක් තමයි යුදෙව්වො (Jews) කියල කියන්නෙ. මේ මිනිස්සු මුස්ලිමුන් අතින් මහ මග නිතර නිතර ඝාතනයට ලක්වෙන්න ගත්තා.

මුස්ලිම් අය දැනගෙන හිටියෙ නෑ තමන් වලියට ගියේ වැරදි ජාතියක් එක්ක කියන එක ! මේ වැඩේ හැමදාමත් කරන්න බැරි නිසා යුදෙව්වන්, තමන්ගෙම කියල රටක් හදාගන්නවා. ඒ තමයි ඊශ්‍රායලය. ඉතින් 1948 මේ පුංචි රට ප්‍රකාශයට පත් කරපු දිනයට පහුවදාම අරාබි රටවල් 5 ක දැවැන්ත හමුදා 5 ක් එකවර ආක්‍රමණය කරනවා.

මේ වෙද්දි රටේ වැඩිහරියක් හිටියෙ හිට්ලර් ගෙන් බැටකාලා යුරෝපයෙන් පැනලා ආපු සිවිල් වැසියො. ඒ කාටවත් හරි හමං හමුදා පුහූණුවක් තිබුනේ නෑ.

අරාබි හමුදා, සටන් පෙරමුණට එනකොට ලෝකෙ වටේ හිටපු යුධ විශ්ලේෂකයන් හිතුවෙ නෑ ඊශ්‍රායලය සති දෙකක් වත් තියේවි කියලා.

ඒත් මාස 9 ක් පුරාවට වෙච්ච මේ යුද්ධයේ අන්තිමටම ඊශ්‍රායලය වැසියන්, සියළුම අරාබි හමුදා පැරැද්දුවෙ කවුරුත්ම හිතපු නැති විදිහට !

ඊශ්‍රායල වැසියො දැනගෙන හිටියා මේක අවසානය නෙවෙයි. ඉස්සරහටත් මුස්ලිම් රටවල් එක්ක හැප්පෙන්න වෙනවා කියන එක. ඒක නිසා ඒගොල්ලො ඔක්කොම අකුලගෙන ආපහු යුරෝපෙටම ගියා ? මොන පිස්සුද. මේ පාර වෙච්ච වැරදිත් හදාගෙන ඊලඟ යුද්ධෙට ලෑස්ති වුණා.

දැන් තමයි හොඳම හරිය එන්නේ. තවත් අවුරුදු 19 ට පස්සෙ විශාල අරාබි රටවල් 4ක් එකවර පහරදෙන්නෙ මුලු අරාබිකරයේම විතරක් නෙවෙයි පකිස්තානෙන් පවා සහය අරගෙන. ඊශ්‍රායලය දවස් 6 න් මුං ඔක්කොටම ගහල දැම්මා….. !ඔව්……. දවස් 6 යි.

මේ යුදෙව්වන් තමන්ගෙ රට defend කරල නිකං හිටියෙ නෑ. තමන්ගෙ රට වගේ 3 ගුණයක් විශාල බිම් කොටස් අර හැම අරාබි රටකින්ම අල්ලා ගත්තා දඬුවමක් විදිහට.

අපි අවුරුදු 30 ක් තිස්සෙ කරන ජාතියේ යුද්ධ මේ ගොල්ලො කරන්නෙ දවස් 6 කින්. (ඔන්න දැන්නං යන්තම් ඊශ්‍රායලය ලංකාව තරම්ම ලොකුයි)

මේක නං මුළු ලෝකය පුරාම 6-Day-War නමින් ගොඩක් ජනප්‍රිය වුණා. යුද්ධයට අණ දුන්න ඊශ්‍රායලය Generals ල International Celebrity ල ගෙ තත්වෙට ආවා.

පිටරට පත්තර හිටං මේ විශ්මිත ජයග්‍රහණය ගැන මුල් පිටුවෙ පළ කළා. යුධ විශේෂඥයෝ ඊශ්‍රායලය හමුදා නිළධාරීන් ගෙ සටහන් අධ්‍යයනය කරන්න ගත්තා. ඉතිං ඊශ්‍රායලය ආක්‍රමණය කරන එක පැත්තක තියලා තමන්ට අහිමි උන ඉඩම් කෑලි ටිකවත් ආපහු ගන්න කියලා, අවුරුදු 6ක් ඇතුලත නැවතත් අරාබි රටවල් 2ක් ආක්‍රමණයක් දියත් කරනවා (‍Yom Kippur War)

රටවල් දෙකක් වුණාට මේ යුද්ධය නං කලින් වගේ ලේසි වුණෙ නෑ. රුසියාවෙන් ලැබුණු නවීනතම ආයුධ අරාබි ජාතිකයන් සතු වුණා. ඊශ්‍රායලය යුදෙව්වන් කියන්නෙ සෙල්ලම් නෙවෙයි කියන එකත් ඒගොල්ලන්ට හොඳටම තේරිලයි තිබුණෙ. මේ නිසා මාස ගණනක් තමන්ගෙ සටන හොඳින් සැළසුම් කළා.

2014-07-23

පිරිකර ඇරුනහම ලියුං කවර ටිකකුත්


'' අපේ හාමුදුරුවනේ දානෙට ඔබවහන්සෙල  වඩම්මන්ඩ කියල ''

''  මම කරඩුවහන්සෙ වඩම්මගන අනිත්  උන්නාන්සෙල එක්ක එන්නං .  මහත්තයල දංගෙට ගිහින් බාස්කට් ටික වාහනේට දාගත්තනං''

'' අපේ හාමුදුරුවනේ හත් නමක් සම්පූර්නයි නේද ''

'' හත් නමට දහ නමක් ඉන්නව මහත්තයෝ ''

'' එහෙමයි හාමුදුරුවනේ ''

'' ‍අපේ පොඩි උන්නාන්සෙල තුන්නමයි මමයි හතර නමයි , අනිත් උන්නාන්සෙල පිටින් තමයි වැඩමෙව්වේ , පිරිකර ඇරුනහම ලියුං කවර ටිකකුත් පිලිගන්වන්ඩ වෙයි ගමං ගාස්තුවට ''

'' එහෙමයි හාමුදුරුවනේ ''

'' ඒක ඔය සබේ මැද්දේ දික් කොරන්ට ඕන නැ , ආපහු වඩම්මනකොට දුන්නහම ඇති ''

'' එහෙමයි ''

යැයි කියු සමන්තිලක තමන් සේවය කරන රජයේ කාර්යාලයේ තමන් පදවන වැන් රථයට නැගි රියැදුරු අසුනින් හිදගත්තේය , දානේ බාස්කට් රැගෙන පැමිනි ජගත් පසු පස දොර හැර සියල්ල පටවා . ඉදිරිපස පැති දොර හැර බලා සිටියේය.ධාතු  කරඩුවද රැගෙන වැන් රථයේ ඉදිරි අසුනට ලොකු හාමුදුරුවන් නැගුනු පසුව විඩින් විඩ ඉතිරි හිමිවරුන්ද නැගුන පසුව.

'' අවසරයි හාමුදුරුවනේ ''

'' එකොලහයි යං යං ''

තම නිවහනේ මිදුලේ රථය නවත්වා දානයට වැඩම කල හිමිවරුන් බිමට බහින්නටත් පෙර නිවස තුලට දිව ගිය සමන්තිලක

'' තව ටිකක් ලංකරල තව අසන තුනක් හරිගස්සහල්ලා තව තුන්නමක් වැඩියා ''

'' එතකොට ....ඒයි .....පිරිකර .....''

'' කාවහරි කඩේට ඇරල මොනවහරි පාර්සල් කරල ගෙන්න ගම්මු ''

'' මොනවහරි .... කියන්නේ පිස්සුද අනේ පිරිකරට ගැලපෙන දෙයක් වෙන්ඩ එපැය ''

'' දැන් ඉතින් වෙන මොනව කරන්ඩද ''

'' මොනවද අනේ..... ඔයාට තිබුනේ ලොකු හාමුදුරුවන්ගෙන් පස්සේ සල්ලි දෙන්නං කියල හරි තව අටපිරිකර තුනක් ඉල්ලං එන්ඩ , .....තේරෙන්නේ  නැද්ද තුන්නමකට වෙන මොකවත් දෙන ඒක හරිනැ කියල . ...අනික ලොකු හාමුදුරුවන්ටත් තිබ්බා කලින් ඔය ගැන කියන්ඩ ''

'' හරි හරි ...අන්න ලොකු හාමුදුරුවෝ දෙපා දෝවල ඇතුලට වැඩිය , තමුසේ කුස්සිය පැත්ත බලල දුහල එනව , මං කාවහරි  ටවුමට අරල එන්න ''

තවමත් සාමනේර හිමි වරුන්ගේ දේපා දෝවන ඉදිරිපස උළුඅස්සෙන් එලියට යාගත නොහැකි නිසා , සුදු සරම දෙපසින් ඔසවාගන උස ජනේලයෙන් එලියට පහසුවෙන් පය තැබු සමන්තිලක තම ජංගම දුරකතනය ගෙන අංකයක් ඇමතුවේය

'' ...හෙලෝ ....ප්‍රසන්න මල්ලි ............මම............තිලක්අයියා .........අනේ මල්ලි මට  ලොකු උදව්වක් කරහං ......මං අපේ මස්සිනාව එවන්නං . උඹ දන්නවනේ උෟව ...ජගත ....ජගත ...අනේ කොල්ලෝ ..ඔය පිරිකරට හරියන මොනවහරි පාර්සල් තුනක් ඔතල , පන්සීයේ කොල දහයක් ලියුං කවරවලට දාල ....ජගත අතේ එවහං මචෝ , මං උඹට අරගත්ත බඩු වල බැලන්ස් එක දෙන ගමං දෙන්නං , අනේ කරදරයක් කියල හිතන්ඩ නං එපා රත්තරනේ ... මං හෙන අමාරුවක වැටිලයි ඉන්නේ .............හා හා .....එහෙම හොදා ........උඹ  දන්නවනේ ඉතින් මට වඩා ඔව්වට දෙන ඒවා ......හා මල්ලියේ හා ..........මේ ඒක නෙමෙයි  කාවහරි ඔතනට පට්ටල් කරල වරෙන්කෝ දවල්ට බත් කටක් කාල යන්ඩ

2014-07-15

මලහත්තිලව්වයි.... ...අපේ ගුරුන්නාන්සෙගේ හිත ගැස්සුනාද කොහෙද



'' කීර්ති අයියේ කෝල් එකක් ''

වීදුරුව තුලින් ගුවන් විදුලි මැදිරිය දෙස බලාගන හුන් කීර්තිරත්න තමා දෙස බලමින් වැඩ සටහන ඉදිරිපත් කරන නිවේදකයාට අතින් සියල්ල හොදින් සිදුවන බව සන් කරමින් රාත්‍රී කාර්යබාර නිලධාරියා දෙසට හැරුනේය

'' කාගෙන්ද ලලිත් ''

'' ජයතුංග කියල ‍හාදයෙක් අයියව දන්නව කියුව හන්දා විස්තර ඇහුවේ නැ ''

'' ජයතුංග ...... හිටහං බලන්ඩ ''

'' හෙලෝ...ඔ..''

'' කීර්ති රත්න මහත්තයද.......මහත්තය මං ජයතුංග ... අර එදා ගම්මඩුවට  ඇවිත් හම්බුනේ''

'' ආ මතකයි කියන්ඩ ''

''මහත්තය එදා කියුවනේ  මහත්තයට  රහසේ කරන ගුර‍ැකමක් බලන්ඩ ඕන කියල ''

'' ඔව් ඉතින් ''

'' මහත්තය මේක ලේසි පාසු කෙරුවාවක් නෙමෙයි මීනි වලක දපල කරන වැඩක් ''

'' ඉතින්''

'' මං මේ රෙස්හවුස් එකේ මහත්තයට කියල ටැලිපොං කරේ . කරුවල වැටෙනකොට පිටත් වෙමු ''

'' හරි තමුසේ එනවකෝ  ''

'' මහත්තය කලිසං ඇදං එන්ඩ එපා , සරමක් හොදා ''

'' හරි හරි තමුසේ දැං ගේට්ටුවට කියල ඇතුලට එනව . මම ඉන්නේ ඇතුලෙ''

'' ඔන්නැ මහත්තය මං එනකං එලියෙන් ඉන්නං ''

'' කැමැත්තක් ..එහෙනං හය හමාරට ගේට්ටුව ගාවට එනව''

යැයි කියු කීර්තිරත්න රිසිවරය ටෙලිපෝනය මතට අත හැර

'' ලලිත් සෝමපාලට කියන්ඩ ජිප් ඒක අරගන හයයි කාලට ක්වාටර්ස් එකට එන්ඩ කියල , එනකොට මිනිහ අතේ එවන්ඩ අවුට්ඩෝර් රෙකෝඩර් එක  ටේප් එකක් ලෝඩ් කරල , ..අනේ කොල්ලෝ මතක ඇතුව අළුත් ටේප් දෙකකුත් එවපං''

කීර්තිරත්නගේ මුහුණ දෙස මොහොතක් බලාසිටි ලලිත් අමාරුවෙන් වචන ගැට ගසන්නට විය

'' කීර්ති මහත්තය ......අනුමැතිය ''

'' අනේ මන්දා බං උඹලත් වෙලාවකට බබ්බු වෙන්ඩ හදනවනේ , මම හෙට ලොක්කට කියන්නං ''

'' ඒ උනාට අයියේ .....ගමගේ මහත්තය කියල තියෙන්නේ එයාගේ අනුමැතියකින් තොරව මොකුත් එලියට ගෙනියන්ඩ එපා කියල ''

'' හරි හරි බං මම හෙට උදේට ලොක්කට කියල සයින් එකක් දාලා දෙන්නං ,  උඹ එන්ට්‍රීය ගහපන්කෝ පාරම්පරික ශාන්තිකර්ම පටිගත කිරිමකට අහවලා පිටතට ගෙන ගියා කියල ''

2014-07-06

ලාංකීය තාරුණ්‍යයේ ශෝකාලාපය



පරම්පරා ගැටුම් ඉතින් එදා ඉදං හැමදාම තිබ්බනේ . වැඩිහිටියන්ට ඉතින් පොඩි උන් කරන දේවල් පේන්නේ මහ මලවිකාර තේරුමක් නැති වැඩ වාගේ තමයි , සමහරක් ආච්චිල කියනව මං අහල තියනව

'' අර නැටිච්චියන්ගේ මහ උන්ගේ ඇස් වලට හෙන ගහලද අර කෙල්ලන්ට අරහම අන්දගන යන්නේ ''

අනේ අර දරුවා ඇදගන යන්නේ ටයිඩ් ඩෙනිමක් , ඒක නරකයි කියන ආච්චි අම්මගේ කැබිනට් එක උඩ තියනව කළු සුදු  ෆොටෝ කෑල්ලක්  , උන්දැ ඒක හරි උජාරුවෙන් දූවිලි පිහදාල එහෙම තියාගන ඉන්නේ, අනේ ඒ පොටෝ එකේ උන්දැ ඉන්නේ තව කෙල්ලෝ සැට් එකකුත් එක්ක කොට ගවුමක් ගහගන , ඒක දැක්කහම මට නං හිතෙන්නේ , අපේ සීයලගේ තාත්තලගේ තරං මගේ ඇස් පිං කරල නැ කියල . ඇයි හත් දෙයියනේ අර ආච්චිගේ පස්සත් පේන නොපෙනෙන ගාන.

සීයල ඊටත් හපං , උන්ගේ කලිසං වල යට වාටිය ඉනටත් ‍වඩා ලොකුයි , ඕකත් ඇදගන කොන්ඩය කාක් කුඩයක් වගේ වවාගන අවුල් කරගන , කකුලක් පිට කකුලක්  එහෙම දාගන නැයිකට් එකක් ෆෝඒස් එකක් ගහගන එහෙම තමා පොරවල් ෆොටෝ අල්ලල තියෙන්නේ ,

තව ඔය ඉටියා බජාර් පොරවල් ගංවල චන්ඩි , කසිප්පු මුදලාලිලා ඒම , බලන්ඩ එපැය පොරවල්ගේ ඉට්ටැයිල් , සුදු සරමක් හරි , වටින රට සරමක් හරි ඇදල , දැල් බැනියමක් සරමට යට කරල , ඒකට උඩින් සුදු යකඩ බොත්තං වලින් පොඩි පර්ස් කෑල්ලක් එහෙම අල්ලපු පටියක් බැදල , දුහුල් නයිලොන් ෂර්ට් එකේ යට බොත්තං තුන විතරක් දාලා සාක්කුවට දෙකට නමාපු සීයේ කොලයක් එහෙම දාගන අත්නමාගන එක පැත්තකින් සරම උස්සගෙන පාරේ ඇවිද්ද ලස්සන ,

කරුමේ කියන්නේ ඒ පරම්පරාවට අපේ කාලේ මෝස්තර දිරවාගන්ඩ බැරි වෙච්ච එක තමා , දැං තත්වය එන්ඩ එන්ඩම දරුණුයි.

මේ කාලේ නිතරම අහන්ඩ ලැබෙන දෙයක් තමයි අපේ වැඩිහිටියෝ කියනව

''අර හුජ්ජ කොල්ලගේ පුදුම ඉලන්දාරි කමක්නේ තියෙන්නේ''

''අර කෙල්ලගේ තියන නැටිල්ල , ඇටෙන් පොත්තෙන් එලියට එන්ඩ කලින් ලමිස්සි වෙන්ඩ හදනව''

ඒ උනාට අප්පා දැං හැදෙන කොල්ලෝ ඒ කාලේ තරං නරක නැ , අපේ කාලේ කොල්ලෝ කරපුව ( මං නෙකෙරුවට ) කොටු පැනිලිද , ගල් කැපිලිද , වතුවලට පැනල වතු පාලු කෙරිලිද , චැලෙන්ජ් කරල එකෙක් වැටෙනකං ගහ ගැනිලිද . ගෑණු නාන වෙලාවටම ඇලේ ,දොලේ , ලිදේ, නාන්ඩ යෑම්ද , ( කොල්ලෝ කුලප්පු කරන්ඩම හිතා මතාම එලියේ දාගන කුණු අතුල්ලපු කෙල්ලො , ගෑණු එහෙමත් හිටියා ) , ඔහොම එව්වා කොහෙද දැන් හැදෙන කොල්ලන්ට.

ඒ කාලේ කෙල්ලෝ ඔයිට හපං , දැං ඔය කෙල්ලංව කෝටු මස් කරන්ඩ කතා කරන නාකි හුචක්කු  පදුරු හත අටකුත් තලල අවුරුදු  පහලවක් දාසයක් වෙන කොට ළමයි එකෙක් දෙන්නෙකුත් හම්බ කරල ,

දැං ඔය හෙන ලොකුවට කතා වෙන එකක් තමා පුක පල්ලට එල්ලෙන්ඩ කලිසම අදින එක , දැං ඉතින් හැම ළමයම වාගේ අදින්නේ එහෙම , කොටින්ම මගේ අර ඇබිටිල්ලං ලොකු කෙල්ලත් කලිසමක් අදින වෙලාවට පාත් කරගන්නව කලිසම ඉනෙනුත් පහලට , අපේ පවුල නං කෙල්ලට කැගහනව උනාට මං නං හිනාවෙල අහක බලාගන්න.

මට මතක විදිහට ඕක ලංකාවේ මැද පන්තියේ සහ පහල පන්තියේ තරුණ කොටස් අතරේ ජනප්‍රීය උනේ අනුව දශකය අගභාගේ අපේ ගන්දබ්බ කාලේ ,  ගල්ෆ් යුද්දෙට එහෙම ගිහිං ඇවිත් සින්දු කියපු Shaggy  ලංකාවේ ජනප්‍රීය උනේ අන්න ඒකාලේ . ඔය මෝස්තරය ලංකාවේ ජනප්‍රීය වෙන්ඩ ආසන්නතම හේතුව විදිහට මටනං මතක ඔය Shaggy ගේ අමුතුම තාලේ Reggae ඉට්ටයිල් එක අපේ කොල්ලො කෙල්ලෝ අතරේ ජනප්‍රීය වීම සමග ඇති වෙච්ච Shaggy ගේ විලාසීතා අනුගමනය කිරිම කියලයි මට හිතෙන්නේ.

2014-07-01

අටං ඉට්ටයිල් තලපත් ambulthiyal (ඇඹුල්තියල්)


අටං ඉට්ටයිල් තලපත් ඇඹුල්තියල්

කට්ට අයින් වෙන්ඩ කපල අළුත් තලපත් මාලු 500යි
ගොරක බික් 8යි
ලුණු තේ හැදි 3යි
ගම්බිරිස් කුඩු තේ හැදි 6යි
කුරුදු පොතු අගල් දෙකක විතර කැල්ලයි
එනසාල් ගෙඩි 4යි
කරාබු නැටි 6යි
අමුමිරිස් කරල් 3යි ( පවුලගෙ රික්වෙස්ට් )
රම්පේ සුට්ටං කෑල්ලයි ( පවුලගෙ රික්වෙස්ට් )
කරපිංචා අහුරක් ( ගොං කරපිංචා එපා , පට්ට කොල  රහයි )

ඉස්සෙල්ලම පවුලට නොපෙනේන්ඩ එකපාරක් මාළු හෝදනව

ගොරක ටික වතුර ජුන්ඩක් දාල ටිකක් තම්බනව ( එහෙම කරහම ගොරකවල තියන අමිහිරි ගතිය නැති වෙනව )

ඊලගට වතුර අයින් කරගත්ත ගොරක බික් 8යි, ලුණු තේ හැදි 3යි ,කුරුදු පොතු අගල් දෙකක විතර කැල්ලයි, එනසාල් ගෙඩි 4යි , කරාබු නැටි 6යි ‍බ්ලෙන්ඩරේට දාල අඹරගන්නවා අන්දෝසංසාර කුඩු  සම්බෝල වෙන්ඩ

දානව පැතලි හට්ටියකට කරපිංචා අහුර ස්පෙඩ් කරල

එලනව මාලු ටික කරපිංචා උඩින් ( ඔතනදි කරපිංචා රසකාරකයක් විතරක් නෙමෙයි ) මාළු ටික අඩිය නොඅල්ලා ඉන්ඩත් හෙල්ප් එකක් දෙනව

ඊලගට අර අමුමිරිස් කරල් 3 පළල දානව අර මාළු වලට උඩින්

ඊලගට අර අන්දෝසංසාර කුඩු  සම්බෝල වෙන්ඩ අඹරගත්ත එකට වතුර අඩු කෝප්ප එකක් දාලා දිය කරගන අර මාළු ටික උඩින් වක්කරල ගෑස් කුකර් එකේ ගින්දර පුලුවං තරං අඩු කරල ගින්දර දාලා වාෂ්ප එලියට නොයන විදිහට වහලා දානව

ඊලගට පවුලට ඒ අහලකටවත් එන්ඩ තහනං කරනව ( නැත්තං සැරින් සැරේ ඇරල බලල උන්දැ ඕකට කෙලවල දානව )

ඊලගට තියෙන්නේ බ්ලොගක් දෙකක් කියවල කමෙන්ට් එකක් දෙකක් දාන එක ( ඇනෝ නෙමෙයි මනුස්සයෝ ෆෝපයිල් එකෙන් )

වැඩේට යන වෙලාව හරියට කියන්ඩ බැරි   හුළංවල ස්වභාවය , වළංවල ස්වභාවය , මාළු වල ස්වභාවය , ගින්දර හන්දා වෙනස්වෙන හන්දා . නහය ටිකක් ඇරගන ඉදලා ලාවට අඩිය අල්ලාගන එනකොට ලිප ඕෆ් කලහම හරි.

වැඩේට අල්ල යන්නේ මැටි හට්ටියක් තමා , දර ලිපක  කරනවනං උඩින් තව හට්ටියක් තියල ඒකට ගිනි අගුරු දානවනං පංකාදු පහයි , අනික තමා එතකොට ගිනි පෙල්ල එලියට ඇදලා අගුරු වලින් ගේම දෙන එක

නැ නැ අපි බෙන්තර ගගෙන් එහේ නෙමෙයි , කැලණි ගගෙන් එහා පැත්තේ සබරගමුවේ

2014-06-29

දැං කොහොමද මං ( දුක්බර සොමිබර සත්‍ය කතාවක් )



දන්නා තැනක මං නිතරම යන එන්නේ
පුතුන් දෙදෙන සමගින් පියෙකුයි ඉන්නේ
ඒ තිදෙනාට රුකවරනය සලසන්නේ
හිරු සදු වගේ මව්තුමියත් ගෙයි ඉන්නේ

පෙරකල පටන් මත් වතුරට ලොල් වන්නේ
බීගත් කලට වෙසමුනියා සමවන්නේ
පිය බිරිදටත් දරුවන්ටත් ගුටි දෙන්නේ
පෙරකල පටන් ඔහු එහෙමයි හැසිරන්නේ

සට සට ගාල කඩ්ඩෙන්මයි දොඩවන්නේ
ලොකු ලොකු තැන්වලයි රස්සාවට යන්නේ
යන යන තැනින් ටික දිනකින් අස්වෙන්නේ
උගතෙක් නිසා තව තැනකින් වැද්දන්නේ

මම ලොකු පොරක් මං ඇර ජගතෙක් නැනේ
ඔය ගද යක්කු මට රට කජ්ජක් වැන්නේ
නින්දිත ලෙසින් අන් මිනිසුන් පාගන්නේ
අසරණයන්ට නිතරම කරදර දුන්නේ

අසල් වැසියනට ගූ බෙට්ටක් වැන්නේ
නැදෑ හිතවතුන් මිනිහව හැර යන්නේ
හැදු වැඩු පියා සමගත් වලියට යන්නේ
තම සොහොයුරා නැ ඔහු හමුවට එන්නේ

කාල‍ය වේගයෙන් ගතවී වැය වන්නේ
දරුවන් දෙදෙන දැන් ටික ටික ලොකු වෙන්නේ
සීයගේ පිං පතෙන් උන් පොත පත ගන්නේ
කරදර මැදින් ඉස්කෝලෙන් පිට වන්නේ

සරසවි දොරටුවට දෙන්නා පිවිසෙන්නේ
විය පැහැදමට කොහොමද මිළ සරිවන්නේ
අයියා ළමයින්ට ශිල්පය ලැබදෙන්නේ
මලයා ගෙයින් ගෙට ඒක එක විකුනන්නේ

කොහොමින් කොහොමහරි දෙන්නා ගොඩයන්නේ
නමගිය කන්තෝරු දෙකකයි වැජබෙන්නේ
හද බැදි යුවතියව නිවසට කැදවමිනේ
අයියා තුමා යුගදිවියට එලබෙන්නේ

ලොක්කගේ ඉට්ටයිල් කෙල්ලට ගල් වැන්නේ
මාසෙන් දෙකෙන් කේසුත් ලිපිගොනු වන්නේ
ඔයලගේ තාත්තා එක්කල  මට බැනේ
කුලියට කමක් නැ අයියෝ අපි යන්නේ

අතේ තිබුන සියලුම සේසතදාලා
බැංකුවකට එහෙම හිමිහිට අත‍පාලා
ආදර බිරිදගේ මනසේ සුවතකලා
ගෙපැලක් ඇටෙව්වා වත්තේ කොන බලලා

කොල්ලගේ ආදරේ කෙල්ලගේ බඩ පුරලා
වාං දොරටුවත් හිමිහිට ඇහැ වහලා
අමතර ගමං නැ හවසට ගෙට වැදිලා
අයියා දොයියන්නේ බංඩිය අතගාලා

කොලු පැටියෙක් ඇවිත් පොර සීයා වෙන්නේ
පෙරකල ගතිසිරිත් නැ අඩුවක් වන්නේ
කොල්ලත් ටිකෙන් ටික බහ හෙම තෝරන්නේ
ඇටවු පැල දාල කොහෙදෝ දැං යන්නේ

මල්ලිට බදින්නැයි අම්මා වද දෙන්නේ
අක්කට දෙන වදේ නැද්දො දකින්නේ
ලොක්කා මැරෙනකං මං නැ හිරගන්නේ
කොල්ලගේ වයස තිහ පැනල ඉගිලෙන්නේ

රස්සාවකට ගොස් කෙලවාගන එන්නේ
අත ඇති මුදල් ටික ටික ටික වැය වෙන්නේ
ටික ටික අරන් දැන් කොල්ලොත් නොම දෙන්නේ
ලොක්කා සීරුවට ලේලිය වෙත යන්නේ

වැඩකල තැන මුදල් වගයක් ඇත එන්න
එය ලැබු සැනින් ඔබ වෙත ගෙනැවිත් දෙන්න
පුත්තරයාට නං මේ බව නොකියන්න
රුපියල් වලින් දාහක් මට ගෙන එන්න

අයියෝ තාත්තේ මාලග නැ සල්ලි
තිබුනත් දෙන්න බැ මට අමිතගේ  සෝලි
මේ මාසයෙත් කුස්සියේ වියදං සල්ලි
අම්මට මම දුන්නේ මං මාලග තිබු සල්ලි

මට දාහක් ඕන ඔය බොරු පවසන්නේ
අම්මට දෙන හරිය මොකදෝ නොම දන්නේ
කොන්ඩය තඹ වෙන්නේ කොට ගවුමක් ගන්නේ
මගේ වියදමෙන් ඔය අමිතය ගොඩ යන්නේ

මොකටද තාත්තේ ඔය බොරු පවසන්නේ
අමිතගේ ඉගනුමට කොහෙදෝ ඔබ දුන්නේ
සීයත් දුන්න දේ අමිතට මදිවෙන්නේ
ඒකයි තැනින් තැන ටියුෂන් ලැබ දුන්නේ

ඇ බොල පරට්ටියේ තෝ මට කෙලින්ඩද
මේකත් මගේ තෝ වෙන කොහේ ලගින්ඩද
ඉඩමට ලස්ස දහයයි කෝ තෝ දෙයිද
තොගේ මහ එවුන් තඹ සතයක් තොට දෙයිද

කියමින් ලොක්ක දුම්මල වරමක් ගන්නේ
හරුප වැලක් මහ හයියෙන් දොඩ මින්නේ
බිම අත ගගා තඩි ගල් ගෙඩි අහුලන්නේ
රැං ගාල වහලයටයි පියබන්නේ

අසරන කෙල්ල තම පුතු ගෙට කැදවන්නේ
දොරගුලු දමා කාමරයේ හැංගෙන්නේ
දුරබනු ඇමතුමක් හනිකට අරගන්නේ
සිදු උන කාරනා හිමියට පවසන්නේ

පූරුවෙ මහපවක් මමනං කර ඇත්තේ
පාඩුව ඉන්නවත් මූගෙන් ඉඩ නැත්තේ
ඔහොම තාත්තල මම නං දැක නැත්තේ
සොදුරියේ මෙමට නුඹ සමාව දිය යුත්තේ

තරහින් දුකෙන් මුළු දවසම පුපුරමිනේ
අමිතගේ දවස කන්තෝරුවෙ ගතවෙන්නේ
සේවාලාභියෙක් හවසට හමු වන්නේ
බෝතල් අඩිය දැං ටික ටික මතු වෙන්නේ

මිතුරට සමුදිල එන්නට පිට වෙන්නේ
නිවසට හැරෙන අතු මගටත් පිවිසෙන්නේ
ගමේ මිතුරු කැල අඩියක් ගසමින්නේ
මහ මග අයිනේ රථ දෙක නවතං උන්නේ

එතනත් නැවතිලා පොඩ්ඩක් අරගන්නේ
උඹලගේ තාත්තා පවුලට වද දෙන්නේ
කොහොමද මචං උඹ ඔව්වා ඉවසන්නේ
මම නං බෙල්ල ගලවල අතටයි දෙන්නේ

ඉස්සර ඉදන් මහ වදයක් මං වින්දේ
අඩුවක් නැනේ බලහං මිනිහගේ සද්දේ
කොච්චර කියල ඇද්දෝ මම සහ සුද්දේ
දවසක නවත්තනවා ඕකගේ යුද්දේ

එතනින් ගැලවිලා ගෙදරට පදවන්නේ
මහ ගෙයි මිදුල උඩිනුයි රිය පදවන්නේ
අම්මාත් ගෙදර නැ ඉරිදට ගම යන්නේ
මෝටර් රථය නැත්තේ මලයත් නැනේ

අද හොද දවස අතපය හිරි ඇරගන්න
තිස්හය වසක් විදි දුක්  සෝදාලන්න
ආයෙත් අපිට දුක් කරදර නොම දෙන්න
දත් ටික ලොක්කගේ දෑතට වඩමන්න

හිමිහිට බැහැල ගේ ඇතුලට රිංගන්නේ
පිං නැති පියාගේ බෙල්ලෙන් අල්ලන්නේ
මොකට යකෝ මයේ ගෑනිට වද දෙන්නේ
අද නං මං තෝව මරල හංගන්නේ

පාරක් දෙකක් මූනට ඇරලා දැම්මේ
හරියට වැදුන්නැ ලොක්කා අත දැම්මේ
දගලල කොහොම හරි කොල්ලව බිම දැම්මේ
පැනගන නාන කාමරයේ ලොක් දැම්මේ

ඉස්සර ඉදන් මම උඹගෙන් ගුටි කන්නේ
අම්මට මල්ලිලට දස වද මයි  දුන්නේ
මින් මතු කිසිදාක ආයෙත් නොම වෙන්නේ
ගහල මරල මම අද තෝ හංගන්නේ

ඇතුලට වෙලා දොර වෙත පිට දීගන්නේ
ලොක්කගේ බරට නැ දැන් දොර හෙල්ලෙන්නේ
ඒපා ලොකු පුතේ තාත්ත නොමරන්නේ
හිරගෙයි වැටිල අපායෙනුයි නව තින්නේ

කුස්සිය වෙත දුහල පිහියක් ගෙන එන්නේ
ඇග බරදාල දොර මැද්දෙන් බස්සන්නේ
හරියට කක්ක දාරය මැද්දෙන් යන්නේ
යන්තං තුඩ වැදිල ලොක්කා මොර දෙන්නේ

දෙවියන් බැලුව වාගේ මලයත් එන්නේ
බිරිදයි පුතයි හනි හනිකට දිව එන්නේ
අත අඹරලා පිහියෙන් අල්ලා ගන්නේ
මොකදෝ අයියේ මෙහි මොනවද සිදු වෙන්නේ

තාත්ති හරි නෝටි ඇයි සීයට ගැහුවේ
මට කියු හොද නරක ඇයි ඔබ නොතැකුවේ
එලියට එන්න සියේ ඇයි කැගැහුවේ
තාත්තව අරන් බාප්ප පිටවුවේ

බලපං පුතේ තාත්ත පිහියෙන් ඇන්නේ
හරියට කක්ක එන තැනමයි ලේ එන්නේ
කොහොමද ඩොකාලට මගේ පුක පෙන්නන්නේ
වැසිකිලි ගිහින් දැං කොහොමද මම රෙන්නේ

2014-06-21

හරක් පැටව් දෙන්නෙක් හදා ගත්තානං


''ඔයාට තේ හදන්ඩද , ඇගහෝදගනම එනවද''

''තේ එකක් බීලම ඉම්මු බබා ''

යැයි කියු අමල් දුරකථනය සහ මෝටර් රථයේ යතුර ස්ටුලය මත තබමින් තම සොහොයුරා ලගින් හිදගෙන රූපවාහිනියට දැස යොමු කලේය.

'' අයියේ වාහනේ පොඩ්ඩකට දෙනවකෝ''

''තමුසෙ සෙනසුරාදත් හොදට ගහල ආවේ , කාර් එකේ තියා බයික් එකේවත් බොන්ඩ යන්ඩ එපා ඕයි ''

'' දෙනවකෝ .....බොන්ඩ යන්ඩ නෙමෙයි . සමාදිලැ ගෙදරට දුහල එන්නං ''

''පොඩි පුතා ....දැං එහේ යන්ඩ හදන්නේ පිස්සුද බලනව වෙලාව නමයයි''

පෝටිපොව යට රූපවාහිනිය පෙනෙන පරිදි පුටුවක් තබ‍ාගන සිකරට්ටුවක් උරමින් හුන් පියාගේ හඩින් කරබාගන රුපවාහිණියට දැස් යොමු කල මලයන්ඩිය දෙස නොරුස්සනා බැල්මක් හෙලු අමල් 

'' හා යනව යනව ගිහින් ඉක්මනට එනව''

''අපෝ දැං ඉතින් ඇවිත් කනේ ඇබ ගහගන තමා ඉන්ඩ වෙන්නේ ,   අද පෙන්ෂන්''

කට වටේ තැවරී ඇති තේ කුඩු දඹරගිල්ලෙන් පිස දමමින් තේ කෝප්පයක් රැගෙන පැමිනි වත්සලා

''පුතා ඔයා එනකං බලාගන ඉදලා නිදා ගත්තා''

'' අනේ මට පරක්කු උනානේ , අර අපේ කම්පණි එකට වාහන ගන්න කතා කරපු සේල් එකේ ඔිනර් කොල් කරල එන්ඩ කියල මං මිනිහව හම්බවෙන්ඩ ගියානේ ''

'' ඒ මොකටද ''

'' ජරාව දෙන්ඩ ''

2014-05-31

how to replace sewing machine cabinet table

මහන මෙෂින් ලෑලී සහ කැබිනට් වර්ග 





ලාච්චු  දෙකක් සහිත ෆ්ලයිවුඩ් වලින් නිමවා ඇති මෙෂින් ලෑල්ලකි , මැෂිම ඇතුලට දමා වැසීමට පියනක් සහිතය. දැව නිමාවෙන්  තීන්ත ගල්ව‍ා පොළිෂ්කොට ඇත.







ශක්තිමත් වැඩි ඝණකමකින් ෆ්ලයිවුඩ් ලෑල්ලකින් නිමවා , මතුපිටට ‍අලංකාර ෆෝමිකා එකක් අලවා නිමා කොට ඇත , මැෂිම ඇතුලට දමා වැසීමට පියනක් සහිතය. දෙපසින් ලාච්චු දෙකක් සහිතය ,
                                                 





ශක්තිමත් වැඩි ඝණකමකින් ෆ්ලයිවුඩ් ලෑල්ලකින් නිමවා , මතුපිටට ‍අලංකාර ෆෝමිකා එකක් අලවා නිමා                         කොට ඇත , එක් ලාච්චුවක් සහිතය , මැසිම ඇතුලට දමා වැසීමට නොහැක.
                                                   

නිවසටම ගෙනැවිත් සවිකරගැනීමට විමසන්න
776531595

2014-05-30

මම දන්න ගුණයහපත් බල්ලෝ


මම ආසම කරන සතා තමයි බල්ලා .මම දන්න බල්ලො ගොඩක් ඉන්නවා.බල්ලො ගොඩක් ආසරය කරලත් තියනවා.බල්ලො මාව දන්නවා.මම බල්ලන්ව දන්නවා.හැබැයි මම බල්ලන්ට බයයි.
කුණුහබ්බ ලියුවොත් මටයි අපේ අම්මටයි අහවල් එක කොරනවා කියලා   කොමෙන්ටු  ගොඩක්  කොටලා තිබ්බා පහුගිය දොහක.
 ඇස් ඇම් ඇස්    එහෙමත් සැල්ටැල් එකට ඇවිත් තිබුනා . එව්වා ඇවිත් තිබුනේ සුවිඩැන් රටෙන් එන විදිහට.මම ඉතින් නුගත් බාසුන්නැහේ කෙනෙක් හන්දා එව්වා එහෙම එවන විදිහ එහෙම දන්නැ .ඒ හන්දා මට ස‍රමේ කක්කත් ගියා.
ඒ හන්දා මම තීරණය කොලා ආයේ එව්වා නොලියන්න.ඒත් හත් දෙයියනේ මම මොනවද ලියන්නේ.කූණුහබ්බ නැතූව ලියන්ඩ දෙයක් හිතන කොට තමයි මට මේ අදහස හිතට ආවේ

2014-05-28

දං පදුරු අස්සේ වහං වෙමුද මයේ දෙයියෝ


දුරඈත,  පිටිසර,  සුන්දර   පළාතක තිබ්බ කැළැ ගමක් වෙච්ච කනයාගම කියන ගමේ සිද්ධ වෙච්ච කතන්දරයක් තමයි මම අද ඔයාලට කියන්න යන්නේ. ඒ ගමේ එක ගෙදරක හිටියා ''කුසුමා'' කියලා   ගැමී කෙල්ලක් , ලස්සන හින්දමද මන්දා වයස විස්සක් වෙන්නත් කලින් දහ දොලොස් දෙනෙක් අතින්ම සල්ලං  වෙන්ඩ තරම් කෙල්ල අවාසනාවන්ත උනාද වාසනාවන්ත උනාද මන්දා, කොහොම උනත් ඒකී හැබැම හැඩ කාරී , දවසක් ජේමිසාගේ කඩපිල ඉස්සරහින් කුසුමා කෙල්ල යන කොට  ගමේ නඩලංකාර කොල්ලොත් එක්ක දාං අදිමින් උන්න පංසලේ ඇබිත්ත කං කොරන පුංචී අප්පු මාමා ලොකු හුස්මක් පිට කොරලා මෙහෙම කියුවා.

// අරකි කොල්ලෑව වගේ නලව නලවා යන හැටි බලාපියවු කොල්ලනේ , අම්මපා මට තොපිට වාගේ හයිය හත්තිය තිබ්බානං රිංගනවා ඕකිව උස්සගෙන බැද්දට //

මේ කතාවෙන්ම හිතාගන්ඩ පුළුවන්නේ ගමේ ඇතිවෙලා තිබ්බ තත්වය ඒ වෙනකොට , ඔය අල්ල පනල්ලෙම කූසුමගේ අප්පොච්චගේ දුරින් නෑදෑ නංගි කෙනෙකුගේ  ලොකූ කොල්ලා වෙච්ච තූංගදාසයාව කෙල්ල සහෙට දෙනවා කියලා ගෙන්නාගන තිබ්බා මහ උන්දලා දෙන්නා.  මහගෑණි තම්බලා දෙන දෙයක් ගිලලා කුඹුරට යන තූංගදාසයාව  හවස් කොරේට මොනවා හරි කොළපත් ගහලා දීලා හේනට දක්කනවා,

අනේ ඉතින් අසරණ තූංගයත් එළුවගේ ඇට දෙක වැටෙනකං පස්සෙන් ගෑටුව නරියා වාගේ , කුසුමගේ චීත්ත රෙද්ද තමන්ගේ දෙපතුල් ලග ගැලවිලා වැටෙනකං හීන දැක දැක කූඹුර පාරෙයි , හේන පාරෙයි ගාටනවා.

ඔන්න ඔය අතරේ  තමයි ගමේ තිබ්බ මුහන්දිරම් වළව්වට කොළඹ රටේ ඉදන් බයිස්කෝප්කාර නඩයක් කඩං වැටුනේ.   ලොකූ හාමුදුරුවෝ, ලොකු ඉස්කෝලේ මහත්තයා , විදානේ මාමා , පොඩි මහත්තයා , වගේ කිහිප දෙනෙක් මේ හුට්ටලංකාරයෝ ගමට පය තිබ්බ එකට විරුද්ධ උනත් මුහන්දිරම් වළව්වේ පොඩි හාමු මහත්තයා  ( ඉස්ටිවන් මහත්තයා ) ට තිබ්බ බලපුළුවන් කාරකං හන්දා කොරගන්ඩ දෙයක්  නැතුව , රකින කිකීළියෝ වාගේ කෙකරගගා නිකං හිටියා.

දැන් ඉතින් ගමේ බඩවැටියක් , රුස්ස ගහක් , ගල් තලාවක්,  ගානේ  පින්තූර ඇල්ලිල්ල ජයටම කෙරිගන යනව. කුසුමා කෙල්ලත් ඉතින් බයිස්කෝප්කාරයෝ යන යන තැනට පස්සෙන්යනවා, ඒකි කොහොමත් ඔයවාගේ සුකුරුත්තං වැඩවලට මනාප ගෑණි නෙවෑ.
ඒ බයිස්කෝප් එකේ හිටපු නෝනා පුටුවක ඉන්දවලා , ගෑණුකෙනෙක් වාගේ පද්ද පද්දා යන මහත් තැන් කෙනෙක් අර නෝනගේ මූණේ සායම් උලනකොට කූසුමට මෙහෙම හිතුනා

" ජාති ගවුමක් අන්දවලා සායම් ටිකක් මූනේ උලලා ගත්තානං මං ඒ ගෑණිට වඩා ලස්සනයි "

2014-05-19

සදේ නුඹ කොතැනා ( මනා කියන මගේ කවිය 1 )

සිතේ රැදුනා හදේ ඇඳුනා ඔබේ රුව මා
දුරක ඇදුනා තනිය දැනුනා අදුරු ලොව මා
අදුර බිදිනා රැයේ නැගෙනා සදේ නුඹ කොතැනා
සදේ නුඹ කොතැනා

ශිල්ප කරනා කලකපෙරදා සමග ඔබ මා
සෙනෙහෙ දැනුනා තනිය මැකුනා ලගින් ඔබ රැදුනා
ලොවක් දිනුවා ලෙසට දැනුනා සෝතැවුල් නිවුනා
සෝතැවුල් නිවුනා

ශිල්ප පුදනා ඔහුට බැඳුනා මුලාකර මා
හදේ නැගෙනා ලසෝ ගිනීදැල් දවන සියොලග මා
ඔබට උනුසුමවේ සිසිල් කතරේ යනෙන ඔහු සමගින්
යනෙන ඔහු සමගින්

මනා හදාපු සින්දුව අහල බලන්න මෙතනින්

2014-05-11

සිංහල බ්ලොග්කරුවන් '' සිංහල බ්ලොග් පෙරමුණ '' නමින් මීලග පාර්ලිමෙන්තු මැතිවරන තරග බිමට , Sinhala Bloggers are planning to contest for the Next Parliamentary Election as 'Sinhala Blogs Front'





ඇයි අවුල්ද .

හිනාවෙන්ඩ එපා ,

දැන් බලන්ඩකෝ රටේ මොන ප්‍රශ්නයක් උනත් එව්වට උත්තර තියනවනේ බ්ලොග් කාරයෝ ලග , නැ නිකමට හිතන්ඩකෝ අපිට එදිනෙදා අහන්ඩ දකින්ඩ ලැබෙන මොන ප්‍රශ්නයට ගැටලුවට උනත් උත්තරය තියනවනේ සිංහල බ්ලොග් වල , ආයේ ඉතින් රට කරවන , නීතිය කොරවන එකාලටවත් තියනවද රටේ ප්‍රශ්නවලට එහෙම නිර්මාණශීලි උත්තර , අපේ උන්ට රට බාර දුන්නානං ආයේ ඉතින් පණ ගහල සුරපුරයක් කොරල ගත්තහැකි එක අවුරුද්දට , නිකම්ම නෙමෙයි රට සංවර්ධනය කරල මිනිස්සුන්ගේ ආකල්පත් වෙනස් කරල නවීන ලෝකයට ගැලපෙන විදිහට.

අනික තමයි සිංහල බ්ලොග් කාරයෝ අතරේ නැනේ ඔය ටෙන්ඩර් මගඩි කරන කොමිස් ගහන අඩුම තරමේ පාරේ වැටිලා තියන රුපියල් පහක්වත් සාක්කුවට දාගන්න එකෙක්වත් , ඒ විතරක් යැ පොඩි කාලේ බිජු කොටෝපු , කෙල්ලන්ව දං කඩන්ඩ එක්ක ගිය එකෙක්වත් නැ , සත්තු මරණ උන් නැ , කුණුහාරප කියන උන් නැ , ගහමරාගන්න උන් නැ , කොටින්ම ඩබල් ඉරි කපල ඉස්සර කරන , කන්තෝරුවෙන් ඒෆෝ කොලයක් ගෙදර ගෙනියන එකෙක්වත් නැ , රට ජාතියට පට්ට ආදරෙයි , පාරේ ඉන්න හිගන පැටියටත් උම්මා එකක් දීලා යන පොරවල් ඉන්නේ .

ඔය කාරනාව ජනතාව හොදට තේරුම් අරන් ඉන්න හන්දා තමයි මේ තරම් සිංහල බ්ලොග් කියවන්නේ , මගේ අම්මෝ කෑමක් හැදුව එකක් , වෙහෙරක් වදින්ඩ ගිය එකක් , බස් එකක් ජැක් ගැහුව එකක් , රෙද්ද අහක් වෙච්ච එකක් උනත් දැම්මහම තියන පේක්ෂක ප්‍රතිචාරේ , වෙන කවුරුවත් නෙමෙයි රටේ ජනතාව තමා ඔය එන්නේ බොගදාපුවා බලන්ඩ ,

ඒකනේ ඔච්චර ඇනෝල ඉන්නේ . ගුගල් ෆෝපයිල් එකක් , බ්ලොගර් ෆෝපයිල් එකක්වත් නැ , සර්වසුභවාදි , ජාතිකවාදි ( ජාතිවාදි නෙමෙයි ) පරමාදර්ශි ජනතාව තමයි ඔය කමෙන්ට් කරන්නේ ,

( මොකක්ද ..... ඔය එන්නේ බ්ලොග් කාරයෝමයි )

අනේ පලයං මල්ලි යන්ඩ එකෙක් දෙන්නෙක් ඉන්නව තමා කාණු පණුවෝ , ඒ උනාට සිංහල බ්ලොග් කාරයෝ බහුතරය අඹ මලෙන් උපන්  සිංහපෝතකයෝ , ආයේ ඉතින් වෙඩි වගේ තමා , පුක බිම ඇනුනත් බෙට්ට කෙලින් , කන්ඩ නැතත් ගු කන්නේ නැ , ප්ලැටිනම් වගේ පිරිසිදු සුපිරි පොරවල් .
ඒකනේ බං මිනිස්සු ඉල්ලන්නේ පස්සයක් අටවගන ඉල්ලන්ඩ කියල රට කොරන්ඩ , දැන් ඉතින් මිනිස්සු ඉල්ලන හන්දා මැතිවරනෙට ඉදිරිපත් වෙනවා මිසක් ,  බ්ලොග් කාරයන්ට නැනේ එහෙම පරම්පරා පෝසනය කොරන්ඩ ගොඩ ගහන . හොදට ඉන්න එකේකුට මඩ ගන්ඩ , චරිත ගාතනේ කොරන්ඩ ආසාවක් මිනිස්සු ඉල්ලන හන්දමයි මේ ඡන්දෙට ඉල්ලන්නේ .

අනිවා බඩේ බත් වාගේ සුවර් අපි දිනනවා , එහෙම දින්නහම අපි  පිහිටවන අපේ ජනතාවාදී රජයේ ඡායා ඇමති මංඩලයට දැනට යෝජනා වෙලා තියන නම් සහ තනතුරු තමයි මේ පහලින් තියෙන්නේ ,
තව ගොඩක් පුරප්පාඩු තියනවා , එව්වට ගැලපෙන කෙනෙක් යෝජනා කොරන්ඩත් පුළුවන් , දැනට යෝජනා කරපු නම් වලට කැමති නැත්තං ඒ ඇමතිකං වලට ගැලපෙන කෙනෙක් යෝජනා කරන්ඩත් පුළුවන් ,

එහෙමත් නැත්තං මට අරක ඕන මට මේක ඕන කියල කියන්ඩත් පුළුවන්, ඔය ඇමතිකං ඇරුනහම , තියනව නියෝජ්‍ය ඇමතිකං , සංස්ථා සභාපතිකං , එතනින් ගියහම තානාපති කං , ඇයි රජයට අනුබද්ධ ආයතනවල මුල්පුටු , ඒවට ඉතින් අපේ බ්ලොග් කාරයන්ට ඉල්ලිම් කරන්ඩ පුළුවං.

ඔන්න පහලින් ඉන්නව කට්ටිය , ටිපෙක්ස් කරන්ඩ ඕන කට්ටිය ටි‍පෙක්ස් කරන්ඩ , ටිපෙක්ස් උඩින් අළුත් නම් ලියන්ඩ , තවමත් පත් කරල නැති තනතුරුවලට කාවහරි යෝජනා කරන්ඩ පුළුවං , ඕන්නං අළුත් ඇමතිකං , තනතුරු එහෙමත් යෝජනාකරල අනුමත කරල පත්කරගන්ඩ පුළුවන් , අපි අපිනේ ඉතින් , මොනවා කරගන්ඩ බැරිද ,

2014-05-05

කදුලක්නැ මගේ නෙතට පෙර විදි රස දැනෙනාවිට


බින්දු බින්දු වැහිපිණිකැට පොලව සිබින හැන්දැවක
ඇවිද ගියා මතක නැද්ද බොරලු පිරුන වැලි පාරක
වැටෙන වැටෙන වැහිබිදුවම පොලව උරපු ගිම්හානෙක
අද තනියම මං යනවා නුඹ නැතිමුත් පෙරවාගෙම

වෙල්යායෙන් එගොඩවෙලා වැව් ලන්දේ දුර ඇතක
මිහිරසෙවු ඔබේ දෙතොලේ හැමවේලෙම කියුවා මට
නැවෙන්නේ කාගේවත් මා ඔබෙමයි හැමදාටම
සිහින ලොවක රස වින්දා සැබැ ලොවක් නැති ගානට

වැලි පාරේ ඇත කොනෙන් දුහුවිලි රැලි නංවාගන
පසුකරමින් නුඹ යන්නේ අතිතයක් නැති ගානට
කවුලු දොරන් එබීබලා නොදුටුව සේ දුහනාවිට
කදුලක්නැ මගේ නෙතට පෙර විදි රස දැනෙනාවිට

2014-04-22

how to paint your sewing machine

කිරිටොයියා වාගේ අළුත් එව්වා ගන්ඩ තියෙද්දි පරණ  එව්වා හොය හොයා ගන්න අය දැක්කහම අපි ගොඩක් වේලාවට නිකං සවුත්තුවට වාගේ ඒ මනුස්සයා දිහා බලනවානේ ,
සමහරක් භාණ්ඩ ගැන කතන්දරය එහෙම උනාට , හැම තැනකටම ඒක වලංගු නැ .
එහෙම එක තැනක් තමයි මහන මෙෂින් , තාක්ෂණයෙන් දියුණු වැඩ කෑලි ගොඩක් තියන සුපිරි මෙෂින් එක්ක බලන කොට ( මැෂිමේ කල්පැවැත්මෙන් , මනා ක්‍රියාකාරිත්වයෙන් නොවේ , මෝස්තර  වලින් පමණි )  ඒ කතාව පුස්සක් උනාට ,
තවම ලංකාවේ අපි වැඩිපුර පාවිච්චි කරන පරණ මාදිලි ගැන බලපුවහම  ( තවමත් චීනයේ , ඉන්දියාවේ  නිෂ්පාදනය කරන ) අළුත් මෙෂින් වලට වඩා දහස් වාරයක්,  අවුරුදු  පනහාහැට පරණ බ්‍රසීලයේ , ඇමරිකාවේ , එංගලන්තයේ , ඉතාලියේ , ජපානයේ , නිෂ්පාදන කරපු එව්වා    හැම පැත්තෙන්ම හොදයි,
ඉතින් ගොඩක් වෙලාවට පරණ මෙෂින් හොදයි කියලා කට්ටිය කියනවා , ඒත් ඒ ඉතින් පරණ මෙෂින් එකට අමතර කොටස් මීළදි ගන්න තියනවා නං විතරයි,
අපේ රට සියල්ලෙන් සපිරිලා හන්දා දැන් සල්ලි තියන මනුස්සයෙක්වත් අළුතින් මහන මැසිමක් ගන්නැ, පරණ එව්වාම හද හදා දුහනවා ,
පහළ තියන පීන්තූර පීන්තූර වල තියන මෙෂින් දෙකක්ම දුවට දෑවැද්දට දෙන්ඩ අම්මලා තාත්තලා අළුත් කරලා හදන මෙෂින්, දුවට දෑවැද්දට දෙන්ඩවත් අළුත් මෙෂිමක් ගන්ඩ සල්ලි නැති රටක් සංවර්ධනය වෙලා කියලා කියන්නේ කොහොමද කියලා මට නං තේරෙන්නේ නෑ.
මෙෂින් පාට කරලා අළුත් එකක් වාගේ හදන්ඩ තරමක වියදමක් දරන්ඩ වෙනවා ,
හදන එකාට හොදට මහන්සි වෙන්ඩත් වෙනවා ,
මැසිමේ අයිති කාරයාට නං වටිනා කියන වැඩක් උනාට ,
කාර්මිකයාට නං අමුදූව්‍ය වලට යන වියදම , ගතවෙන කාලය ,
මහන්සිය ගැන හිතනකොට නං වැඩක් ඇති වැඩක් නෙමෙයි,
ඒත් පින්තාරු කරපු මැසිම දිහා බලාගන අළුත් ඇදුමක් ඇන්ද තමන්ගේ දරුවෙකුගේ ලස්සන බලලා සතුටුවෙනවා වාගේ අප්‍රමාණ සතුටක් විදින්ඩ නං පුළුවන්.
මම පරණ මෙෂින් අළුත් කරලා දෙන විදිහ ගැන තමා මේ ලියන්නේ

2014-03-02

මගේ ලේනා මට හදන්ඩ ඉඩ අරින්ඩ


හුරතලේට සත්තු හැදිල්ල තියනවනේ ඕක ඇවිල්ලා පට්ටම ආතල් වැඩක් , ඔයිනුත් ආතල්ම වැඩේ තමයි අතේ තියාගන හැදිල්ල වැඩිල්ල , කරු‍මේ කියන්නේ මට ඔය අතේ තියාගන හැදිල්ල වැඩිල්ල හරියට කොරගන්ඩ හම්බුන්නැ වැඩි හරියක් කරේ ඔඩෙක්කේ තියාගන හැදිල්ල වැඩිල්ල ( නොදැක්ක කට්ටිය කොටලා බලන්ඩ ) කරන එක තමා.

හැබැයි ඔන්න එකපාරක් අතේ තියාගන හදා වඩා ගන්ඩත් හම්බුනා , ඒක උනෙත් අහම්බෙන් , ඒ දවස්වල මං පොඩි කොල්ලා , අපේ ගෙවල් පැත්තේ තිබුනා හෙන ලදු කැලැවක් , ඒක කලින් වගා බිමක් පස්සේ තමයි කැලැවට ගිහිල්ලා තියෙන්නේ , ඒක තමයි එකේ තැනින් තැන පේර ගස් කෙසෙල් ගස් රටඅඹ ගස් ජම්ඹු එහෙම තිබ්බේ , අලි පේර ගස් දිවුල් ගස් පොල් ගස් , තැඹිලි ගස් හිටං තිබ්බා , ඊට අමතරව ඉතින් චීනගෙඩි , දං , එරමිනියා , වල් ඇඹිල්ල , වගේ කෑලැ  ගඩාගෙඩිත් මදි නොකියන්ඩ තිබුනා,

ඒකට කියුවේ හිර ගෙදර කැලේ කියලා , තව කැලයක් තිබ්බා දඹුව කැලේ කියලා , තව ගල්වල වත්තේ කැළේ කියලත් එකක් තිබ්බා , එයිට අමතරව හතර වටේටම අක්කර හතර පහ ලොකු කැලේට ගිය මහ ලොකු ඉඩං , පිඹුරෝ , අදුන් දිවියෝ , ඉත්තැවෝ , වල් ඌරෝ , එතනින් ගියහම මිමින්නෝ වාගේ කෑළැ සත්තුත් එමට හිටියා , වෙඩි තියලා , මදු ගහලා , දුංගහලා ඔය සත්තුන්ව අල්ලපු උනුත් නොහිටියා නෙමෙයි , දවසක් දෙකක් එහෙම මාළුවක් අටමා වළදලත් තියනවා ,

කාලයත් එක්ක ඔය මිනිස්සුන්ට අයිති වෙලා තිිබ්බ ඉඩකඩන් කොටස් වෙලා විකිණිලා ගියා , මම දන්න කාලෙට කලින්ම එහෙම වෙලා තිබුනා , සියබලාගහවත්තට සහ රාගම වත්තට , එත් එවායෙත් එහෙමට ගෙවල් හැදිලා තිබුනේ නැ . සමහරක් ඉඩං පාලුවට ගිහින් තමා තිබුනේ .

ඔය අතරේ සාර සුබාවට තිබ්බ හිරගෙවල් පිටිපස්සේ සියබලා ගහවත්ත මායිමේ තිබ්බ ගල්වල අත ඇරලා දාලා සුද්දෝ යන්ඩ ගියා . ඒත් එක්කම නැලිගම ප්‍රංශ කොරියත් අත ඇරලා ප්‍රංශකාරයෝ යන්ඩ ගියා , දඹුව කැලය සහ ගල්වල ඒ වෙනකොටත් අත ඇරලා තිබුනා ආණ්ඩුවෙන් , ඒ ඉඩම අවුරුදු පනහක් විතර අත ඇරලා තිබිලා තියනවා කැලයට , ඒ කැලය මැද්දේ ඒ කාලේ තිබුනා කෝච්චි පෙට්ටි දෙකක් , අටං දකින කොටනං තිබුනේ රෝද සැට් එකයි රේල් පීලි කෑලි දෙක තුනකුයි විතරයි . ඒ වෙනකොට ලෑලි පෙට්ටි දිරලම ගිහිල්ලා , හැබැයි ඒ කෝච්චි පෙට්ටි තමන්ගේ නිවස කරගන ජීවත් වෙච්ච ආච්චි අම්මා අදටත් ජිවතුන් අතර ඉන්නවා , හැබැයි ඒ ඉඩමේ නෙමෙයි . ඒ ලගම වෙනත් සින්නක්කර ඉඩමක . ලස්සන කතන්දර ගොඩක් තියනවා උනත් යම් යම් හේතු කාරනා උඩ අටමා එව්වා නොකියා ඉන්නවා , සමහරක් දේවල් තියනවා අපි සිමාවක් තබාගන හෙලි කලයුතු .

නැලිගම ගල්වල ඒ වෙනකොට වරාය අදිකාරියට අයිති වෙලා තිබුන නිසා පස්සේ කාලෙක ඒක බද්දට ලැබුනා '' ඩෙවුකෝෂොවා'' කියන ජපන් කොම්පැණියට , ගල්වල වත්ත මිනිස්සු අල්ල ගත්තා , ඒත් එක්කම දඹුව වත්තත් අල්ල ගත්තා , හැබැයි ගල්වල වත්ත නිකම්ම මිනිස්සු අල්ල ගත්තට , දඹුව වත්ත අල්ල ගත්ත සමහරක්ට ඒ වෙනුවෙන් සමහරක් දේශපාලුවන්ට යම් මුදලක් ගෙවන්ඩ උනා . සමහරක් අයට තිබ්බ සම්බන්දතා නිසා නිකන්ම අල්ල ගත්තා උනත් ඔය අළුත් ගං දෙකේම දැනට ඉන්නේ ඒ ඉඩං අල්ල ගත්ත මිනිස්සුන්ගෙන් ලක්ස පහලවට විස්සට සල්ලි දීලා ගත්ත මිනිස්සු , දැන්නං පර්චර්ස් එක ලක්ස හතරට පහටත් යනවා .

2014-02-26

උඹ වෙලාවට නාව නං


ඒ කාලේ අපි හිටියේ බන්ධනාගාර නිලනිවාසයක , ගෙදර හිටියේ මමයි මල්ලියි චුටි අක්කයි තාත්තයි අම්මයි , තාත්ත ඉන්නවා කියුවට ඉතින් ගෙදර ඇත්තෙම නැ , එයාට නියමිත රාජකාරියට අමතරව ලැබෙන වෙන මොකක් හරි ඕටි එකක් බටා ලැබෙන ක්‍රමයක් පස්සේ දුහන හන්දා උදේට ගෙදරින් ගියහම එන්නේ මහ රෑ වෙලා . එහෙමත් දවසක තමා ඉන්නෙ ගෙදර , සමහරක් දවසට රැට අටට නමයට නයිට් එකට යනවා දවාලෙත් වැඩ කරලා , රැ කෑමවේල මිස් වෙච්ච හන්දා දහයට එකොලහට ආයෙත් ගෙදර ඇවිත් දොරට තට්ටු කරනවා .අම්මා දොර ඇරපු ගමන් .

''සුදු හාමිනේ ටක් ගාලා බත් ටිකක් දෙන්ඩ අද ඉන්නේ මායි කුලසේන මහත්තයයි , අතුකෝරලයි , සේනකයි විතරයි , ටක් ගාලා යන්ඩ ඕන ''

'' දෙයිියනේ අද ඉන්නේ ඔය තුන්දෙනා විතරද ''

'' නැ නැ තව අළුත් කොල්ලෝ දෙන්නෙක් ඉන්නවා , එක්දාස් හයසීයකට පස් දෙනෙක් බම්බු ගහන්ඩද ''

'' ඉතින් නාගන ඉන්ඩකො''

'' බැ බැ යන්ඩ ඕන "'

අනේ ඉතින් තාත්තා බත් කාලා යන්ඩ හදනකොට අම්මා කියනවා ,

'' එහෙනං ඔය දාඩිය ඇදුම ගලවලා මේකවත් දාගන යන්ඩ''

'' ඕක තියන්ඩ හෙට උදේට , මං හෙට ගල්කිස්ස උසාවි ''

ඉතින් තාත්ත ඔහොම කියලා නිදාගන ඉන්න අප දිහා දොර රෙද්ද ඇත් කරලා බලලා යන්ඩ යනවා . අපි උදේට නැගිටිනකොට ඇද පත්ත උඩ තාත්තගේ දාඩිය ගද ගහන , කාකි කලිසමයි කමිසයයි විතරයි ,

එහෙම බලනකොට අපි හරි වාසනාවන්තයි , අපේ දරුවොත් වාසනාවන්තයි ,

අපි හිටපු ක්වාටස් එකට අපි ඉස්සෙල්ලම ආව දවසේ ගෙදර ලයිට් එකක්වත් වැඩ කලේ නැ , පස්සේ තාත්තා හෙන ‍ගේමක් දිලා මොකක්ද මගුලක් කරලා වයර් එහෙට මෙහෙට ඇදලා කරන්ට් එක ගත්තා ,


කාලයත් එක්ක මම වැඩෙන කොට ඔය පොත පත කියවලා . මිනිස්සු වැඩ කරන තැන්වල ඉස්කෝලේ ඇරිලා එන ගමන් තැක් ගැහිලා , ලබාගත්ත දැනුමත් එක්ක නිළ නිවාස සංකීර්ණයේ නිත්‍යය අළුත් වැඩියා කරන්නා උනා , ඒ කාලයේ බන්ධනාගාර සීමාව ඇතුලට දර කරත්තයක් නොආපු නිසාත් . විදුලි බිලක් විදිහට වේතනයෙන් බොහොම සුළු මුදලක් අයකල නිසාත් ( කොටින්ම මිටර් තිබුනට මනු කියවන්නෙක් ආවේ නැ ) හැම ගෙදරකම පාවිච්චි කලේ හොට් ප්ලේට් . සමහරක් ගෙවල් වල හොට් ප්ලේට් දෙක තුනක් තිබ්බා , ඉමර්ෂන් හීටර් තිබුනෙත් එහෙමත් ගෙදරක , සමහරක් ගෙවල්වල දර භාවිතයක් තිබුනා , ඒ අපි වාගේ කිලෝ මීටර් ගානක් බයිසිකල් පැදලා , දර හොන්ඩර බාගයක් බයිසිකලයේ බැදගන එන්ඩ පුළුවන් කොල්ලෙක් ඉන්න ගෙදරක විතරයි ,

2014-02-16

100 randam posts widget with image thumbnail and snippet බොගට දමාගන්නා ආකාරය



ඔන්න ඉතින් අටමා මෙහෙම එකක් ලියලම නැ , මෙහෙම එකක් මට ඕන විදිහට හදාගන්ඩ මට හෙන උවමනාවක් තිබුනා , ‍මොකද කියනවානං අර linkwithin  ගැජට් එක දැන් ටික දවසක ඉදන් වැඩ කරන්නේ නැ. මොන රෙද්දක් වෙලාද මන්දා.

මම මෙහෙම එව්වා හෙන ගොඩක් බාගන බොගට දාලා බැලුවත් මට ඕන විදිහට තිබුනේ නැ , ඉංගිරිසිත් හරියට බැරුව HTML/JavaScript නිකං ග්‍රීක් වාගේ කේස් එකක් උනාට මාත් ඉතින් ටිකක් දිග ඇරගන බැලුවා එඩිට් පාරක් දාන්ඩ ,

ගන්න ගන්න හැම  එකේම මොකක් හරි අල්ලන්නේ නැති කෑල්ලක් තියන හන්දා මම බැලුවා එඩිට් පාරක් දාලා මට ඕන විදිහට හදාගන්ඩ , ඔය අතරේ මට  සැට් උනා මෙන්න මේක,

<style>
#random-posts img{border-radius: 10px;float:left;margin-right:5px;
width:75px;height:75px;background-color: #F5F5F5;padding: 3px;transition: all 0.2s linear 0s;}
#random-posts img:hover{opacity: 0.6;}
ul#random-posts {list-style-type: none;padding: 0px;}
#random-posts a {font-size: 12px;text-transform:uppercase; padding: 0px auto 5px;}
#random-posts a:hover {text-decoration: none;}
.rp-snippet {font-size: 11px;background: none; padding: 5px; margin-right: 8px;}
#random-posts span {}
#random-posts li {margin-bottom: 10px;border-bottom: 1px solid #EEEEEE; padding: 4px;}
</style>
<ul id='random-posts'>
<script type='text/javaScript'>
var rdp_numposts=5;
var rdp_snippet_length=110;
var rdp_info='yes';
var rdp_comment='Comments';
var rdp_disable='Comments Disabled';
var rdp_current=[];var rdp_total_posts=0;var rdp_current=new Array(rdp_numposts);function totalposts(json){rdp_total_posts=json.feed.openSearch$totalResults.$t}document.write('<script type=\"text/javascript\" src=\"/feeds/posts/default?alt=json-in-script&max-results=0&callback=totalposts\"><\/script>');function getvalue(){for(var i=0;i<rdp_numposts;i++){var found=false;var rndValue=get_random();for(var j=0;j<rdp_current.length;j++){if(rdp_current[j]==rndValue){found=true;break}};if(found){i--}else{rdp_current[i]=rndValue}}};function get_random(){var ranNum=1+Math.round(Math.random()*(rdp_total_posts-1));return ranNum};
</script>
<script type='text/javaScript'> 
function random_posts(json){for(var i=0;i<rdp_numposts;i++){var entry=json.feed.entry[i];var rdp_posttitle=entry.title.$t;if('content'in entry){var rdp_get_snippet=entry.content.$t}else{if('summary'in entry){var rdp_get_snippet=entry.summary.$t}else{var rdp_get_snippet="";}};rdp_get_snippet=rdp_get_snippet.replace(/<[^>]*>/g,"");if(rdp_get_snippet.length<rdp_snippet_length){var rdp_snippet=rdp_get_snippet}else{rdp_get_snippet=rdp_get_snippet.substring(0,rdp_snippet_length);var space=rdp_get_snippet.lastIndexOf(" ");rdp_snippet=rdp_get_snippet.substring(0,space)+"…";};for(var j=0;j<entry.link.length;j++){if('thr$total'in entry){var rdp_commentsNum=entry.thr$total.$t+' '+rdp_comment}else{rdp_commentsNum=rdp_disable};if(entry.link[j].rel=='alternate'){var rdp_posturl=entry.link[j].href;var rdp_postdate=entry.published.$t;if('media$thumbnail'in entry){var rdp_thumb=entry.media$thumbnail.url}else{rdp_thumb="http://3.bp.blogspot.com/-5SoVe1K6JSk/Utl0OOmucAI/AAAAAAAAF6E/hQghgD_EJdQ/s1600/no_thumb.png"}}};document.write('<li>');document.write('<a href="'+rdp_posturl+'" rel="nofollow"><img alt="'+rdp_posttitle+'" src="'+rdp_thumb+'"/></a>');document.write('<div><a href="'+rdp_posturl+'" rel="nofollow" title="'+rdp_snippet+'">'+rdp_posttitle+'</a></div>');if(rdp_info=='yes'){document.write('<span><div  class="rp-info">'+rdp_postdate.substring(8,10)+'/'+rdp_postdate.substring(5,7)+'/'+rdp_postdate.substring(0,4)+' - '+rdp_commentsNum)+'</div></span>'};document.write('<br/><div class="rp-snippet">'+rdp_snippet+'</div><div style="clear:both"></div></li>')}};getvalue();for(var i=0;i<rdp_numposts;i++){document.write('<script type=\"text/javascript\" src=\"/feeds/posts/default?alt=json-in-script&start-index='+rdp_current[i]+'&max-results=1&callback=random_posts\"><\/script>')};
</script>
</ul>

මේක මට ඕන විදිහට තිබුනා උනත් අදාල පෝස්ට් එකට වැටුන කමෙන්ට් ප්‍රමාණය සහ දිනය පවා පෙන්නන හන්දා මම නොදන්න HTML/JavaScript වලට බැස්සා , තටම තමට කියවලා ( ඇයි යකෝ ඉංගිරිසිනේ ) කොහොමහරි මට ඕන නැති එව්වා මකලා හදා ගත්තා මට ඕන විදිහට , දැන් ඔය බොගේ වම් පැත්තේ තියෙන්නේ බැබලි බැබලී,
මෙන්න තියනවා ඒකේ ස්කිරිප්ට් කෑල්ල

2014-02-01

ඇබ්බැහියනං මොන දේටත් හොද නැතිය


වැලි කෙලි මිතුරන්ට නැති පද හදමින්නේ
නිවසේ උන්ට නැති බොරුමඩ ගහමින්නේ
ලෝකෙම ඉන්න උන් හට තග දාමින්නේ
මතකය හාර හාරා බොග කොටමින්නේ

කඩදාසියක් කියවන්නට වෙලා නැති
සෙල්ලමකටත් යන්නට දැන් හිතක් නැති 
මිතුරු ඇසුරෙනුත් ටික ටික ඈත් වෙති 
රස්සාවත් දැං පෝලිමේ දෙකට ඇති

ගෙට ගොඩ උන ගමං කමිසය ගලවන්නේ
කෙල්ලො දෙන්න එක්කල හුරතල් වෙන්නේ
අටමිත් එක්ක වචන දෙකක් කියවන්නේ
යටි හිත කියන්නේ මෙතනින් ඉදගන්නේ

කව්ද දන්නේ නැ මට අදහස් දුන්නේ
කව්ද යකෝ මේ පස්සෙං එල වන්නේ
ඊයෙත් ඇවිත් ගු ටෝක් නේ මු දුන්නේ
කවුද කියල දන්නව නං $*%$ වන්නේ 

හිරු නැගි හැම දිනේ මිනිසුන් ගැටෙන කොට
පරණ කම් කටොලු හදවත හපන විට
නැගෙනා සිතුවිල්ල එක එක විටින් විට 
බාගෙට වඩා ඇයි බැරි මට කොටන්නට

එන එන සිතුවිල්ල ටික ටික කොටමින්නේ
බාගෙට ලියපු ගොඩ ටික ටික වැඩි වෙන්නේ
දන්නා අකුරු දැං නං මට මදි වෙන්නේ 
ඇයි දෙයිය‍නේ ඉස්කෝලෙන් මං පැන්නේ

ලියපු එව්වා වැඩි හරියක් කුණුහරප
ඇයි බං ලියන්නේ උඹ ඔය කුණුහරප 
මං හැමදාම ඇහුවේ ඒ කුණුහරප
මොනවා ලියන්ඩද මං ඇර කුණුහරප


අටමා ලියන කොට අයියෝ ඈක්කා
අරයා ලියන කොට කෝ බං ඒ අක්කා
අක්කල හොදයි බලහංකෝ අර කුක්කා 
කැම්පස් ගියත් මටනං ඌ ගූ කක්කා

කියවන එවුන් පෙරලාගන වරෙල්ලා 
මොනවා උනත් සිංහලයෙන් කොටපල්ලා
දුපත් චින්තනෙයි අරකයි කියපල්ලා
අටමට කඩ්ඩ බැ අවුල්ද බොලංලා


අරයා හොදයි ඌ ගැජුවට් මගේ බොක්කා
මොක්කුද යකෝ අර කානුවේ ගු කක්කා
බොන්ඩ ඇවිත් අරයා අපිවම වික්කා
මේකට මොකට බං චාටර් ගූ කක්කා

හිත තුල තද කරන් චාටර් එක කන්නේ 
ඇරියස් තියං ලෝකයටම රිදවන්නේ
මොකටද අනේ අනිත් උන්ට වහ වෙන්නේ
හිත රෑදි සිතුවිල්ල හිමිහිට කොටපන්නේ

මෙය මහ සම්පතක් ඔව් ඒකත් හරිය
ඕනම දෙයක් හිතු මතයේ කිව හැකිය
ඔව්වා පට්ට ඇත්තය මෙය ගත යුතුය
ඇබ්බැහියනං මොන දේටත් හොද නැතිය

2014-01-25

dehiwala national zoological garden දෙහිවල සත්තුවත්තේ අරක පෙන්නපු සිංහයා



ජනවාරි 10 වෙනිදා ඉතින් අටමගේ  උපන්දිනය හන්දා උදේ පාන්දරම නැගිට්ට ලොකු කෙල්ල

''තාත්තියෝ ඔයා කේක් එකක් ගේනවද''

''මොන කේක්ද දෝණි''

''අනේ''

''කේක් නෙමෙයි දෝනි , අපිව කොහේහරි එක්කගන යන්ඩ කියන්ඩ .  තාත්තා මේ දවස්ටිකේ හොදට තනියම ඇවිද්දා අපිව කොහෙවත් එක්ක ගියේ නැ''

''එහෙනං අපි වෝටර් වර්ල්ඩ් යං ''

''අප්පෝ හරි යන්නේ නැ , වෙන කොහේ හරි යං ''

දකුණු ආසියාවේ ප්‍රථම උමං මින්මැදුර කියලා ටීවි කමර්ෂල් කර කර මිනිස්සු අන්දනවා . ඇති බිජජක් නැ . උමගේ අඩි දොලහක් විතර ඇති , කලින් පාර ගිහිල්ලා වෙච්ච දේවල් හන්දා ගත් කටටම මම කියුවා

'' එහෙනං දෙහිවල සත්තු වත්තේ ''

'' හා එහෙනං ''

මීට මාස හත අටකට කලින් ගිහිල්ලත් මේ ලෝකේ රහක් නොතිබ්බා උනත් මං කියුවා

ඔන්න ඉතින් කෙල්ලෝ දෙන්නයි අටමියි ලැස්ති කරාගන රාගමට ගිහින් කෝච්චියට නැගලා ඇතුලට යන්ඩ බැලුවා . ගොඩ වෙලා ටොයිලට් එක ලගින් පෙට්ටිය අස්සට රිංගගන්ඩ බැ , ෆෝසස් පොරක් උගේ තඩි බැග් දෙකට අමතරව තව පොල් ගෝනි දෙකක් දොරගාව හමන්නලා , හෙන අමාරුවෙන් අටමිවයි කෙල්ලෝ දෙන්නයි එතනින් පන්නලා අස්සට රිංගුවා , අපේ පස්සෙන්ම දුවයි මිනිපිරියයි එක්ක ඇතුලට ආපු ආච්චි අම්මා කෙනෙක් එඩේරමුල්ල හරියට එනකොට  ඉස්පිරිතාලේ ඉදන් එන කොට සේලයින් දිපු හිල වහන්ඩ ගහපු ප්ලාස්ටරය තියන අතින් කෙල්ලෝ දෙන්නගේ මුණ අතගානවා ,  උන්දැගේ අනිත් අතේ හපුටු කොට්ටයක් , හෙන අමාරුවෙන් කෙල්ලෝ දෙන්නත් එක්ක අනිත් පැත්ත හැරුනා.

ඇගිල්ලක් ගහන්ඩ ඉඩ නැති කෝච්චිය අස්සේ සැරින් සැරේ හිටගන ඉන්න උන් අඹරාගන , පෙරලගන පොත් කාරයොයි , අච්චාරු කාරයොයි , වඩේ කාරයොයි රිංගනවා , ඊටත් හපං අර රොකට් බැලුං කාරයෝ.ළමයින්ගේ අතට බලෙන් එවා ගහන්නේ, කාලයක් කොච්චිය අස්සට රිංගලා බඩු විකුණන එක නවත්තලා තිබුනා . දැන් ආයෙත් ''දිවිනැගුම'' යටතේ ජැකට් එකක් එහෙම අන්දලා සෙට් එකක් බස්සලා ,
අනේ ඉතින් ඕකෙන් දුප්පත් මිනිස්සු ටිකක් ජීවත් වෙනවා තමයි , ඒ උනාට සෙනග පිරිලා හුස්මක් කටක් ගන්ඩ බැරුව ඉන්නකොට ඒක මහා වදයක් .

ඒ කෝච්චිය දෙහිවල නවත්තන්නේ නැති හන්දා ගල්කිස්සෙන් බහින්ඩ අටමිව ඉස්සර කරගන ලොකු කෙල්ල මැද්දට කරගන පොඩ්ඩිව වඩාගත්ත මං හෙන ගේමක් දෙනවා , වයහ හතලිහක විතර කපල් එකක් දොරගාව ලව් කරනවා , කරන ලවක් ඇතුලට රිංගලා කරගත්තානං මොකද , අර අයියගේ පොල් ගෝනි දෙකයි , මේ තරුණකාලේ ඇරියස් අල්ලන අක්කයි අයියයි ඇරුනහ , තව මහත අක්කාකෙනෙක් බතික් සාරියක් එහෙම ගහගන මහා කෝණයක් දෙකකුල් වලින් පිහිටවාගන හිටගන ඉන්නවා , පෙනුමනං හරි වැදගත් පාටයි . අපේ උන්දා ඒ අක්කා ගාවින් එලියට රිංගන්ඩ හෙන ගේමක් දෙනවා.

''යං යං චූටී කෝචිය අද්දයි ''

'' යන්ඩ බැ ''

'' ඉඩ දෙන්නේ නැත්තං පොඩි තල්ලුවක් දාන්ඩ''

'' හං...තල්ලු කරන්ඩලු හරි කතාවක්නේ යකෝ ඒක ''

අක්කා කට ඇරියා , කච කච ගානවා ඉවරයක් නැ

'' මේ පොඩි දෙන්නෙකුත් ඉන්නවා ටිකක් එහාට වෙලා ඉඩ දෙන්ඩ , නැත්තං බැහැලා ඉඩ දෙන්ඩ ''

අපිට පස්සෙන්බහින්ඩ ආව  අවපාට නැෂනල් එකක් දාගන උන්න අංකල් කෙනෙක් කියුවා , ඒ අක්කානං ඉඩදෙන පාටක් නැති හන්දා ලොකු දුවට අපහසුවක් නොවෙන විදිහට අටමියි මගෙයි අතරේ ගැප් එකක් තියාගන අටමිට පොඩි තල්ලුවක් දුන්නා , අර අක්කා අස්සෙන් අටමිව රූටලා ගියාට මොකද ලොකු ළමයව තැලිලා යන විදහට අර අක්කා ආයෙත් එජස් උනා , අකාරුණික කං ඉදිරියේ නිර්ධය විදිහට අවදිවෙන මගේ තිරිසනා නිහඩව අවදි උනා පීංවතුනි ,අක්කගේ  සැන්ට් සුවද අස්සෙන් කෙල්ලවත් තල්ලු කරගන එන ගමන් මගේ ගල් ගෙඩියක් වාගේ සෙරෙප්පු අඩියේ විලුඹ හරියෙන් අක්කගේ ඇගිලිටිකත් බරු ගහගන යාන්තං එලියට පැන ගත්තා .

ගෙදරින් එනකොට ගෙනාපු සරිර අංගෝපාංග ටික තියනවද කියල චෙක් කරගන එහෙම අපි ඉස්ටේසම ඉස්සරහින් ත්‍රීවිලර් එකකට නැගගත්තා .

2014-01-15

අක්ක ඇන්ටිලා


දැන් කාලේ සමහරක් ගෙවල්වල රස්සාවක් නොකරන නෝනලාට වෑන්වල පටවලා දරුමල්ලෝ ඉස්කෝලේ දැක්කුවට පස්සේ , ගෙදර තියන ආටෝරාසියක් වැඩ කන්දරාව අහවර කරහම  දවල්ට ලැබෙන සුළු විවේක කාලයක් තියනවානේ, ඔය පුංචී විරාමයට ඉතින් වෙහෙස නිවා ගන්ඩ තියන හොදම ක්‍රමය තමයි ඉතින් අහල පහල ගෙවල් වල යෙහෙළියොත් එක්ක කතා බහක් දාන එක.
ඒක  මොන තරම් සැනසීමක්ද කියලා එහෙම ජීවිතයක් ගතකරන නෝනා කෙනෙකුගෙන් ඇහුවොත් කියයි. සමහරක් අය නං  ඔහොම නෝනලාගේ පතූරු ඇරියත් අටමා එහෙම නෑ, අටමට හොදට දැනෙනවා ''කාන්තා හදගැස්ම'' එතනින් ගියහම  "කාන්තා විමුක්තියේ දෝංකාරය''

( මොකද ඉතින් අටමා කාන්තාවොත් එක්ක දවස තිස්සෙම ගැවසෙන එකානේ,, මේ රස්සාව හින්දා අටමට දැන් පුළුවන් ගැහැණු කෙනෙක් දැක්ක ගමන් අනුමාන කරන්ඩ මේ අම්මන්ඩී මොන ජාතියේ ස්තිරියාවක්ද කියලා )

එක්තරා නගරයක තියන අතුරු පාරක තියන පුද්ගලික පාරක අක්කලා සෙට් එකක කතන්දරයක් තමයි අද මම කියන්ඩ යන්නේ.

තව පොඩ්ඩෙන් අමතක වෙනවා , ඒ පාරේ ඉන්නවා දරුවෝ කසාද බන්දලා දීලා තනියම ඉන්න වයසක ජෝඩුවකූත් ,

ඒ ඇන්ටි අර අක්කලාගේ ගැන්සියට සෙට් වෙන්ඩ හැදුවට අක්කලාගේ එච්චර මනාපයක් නැ ඒකට , මොකද දන්නවද වයස 29යේ  35හේ   41කේ  ගැන්සියක අක්කලාගේ සෙට් එකක් කියන කරන හැසිරෙන විදිහත් එක්ක 65ක් විතර වයස ඇන්ටි කෙනෙක් අනුගත කරගන්න එක අමාරු හන්දා.


ඔය පාරේ හිටියා අනූෂා කියලා අක්කා කෙනෙක් එයාගේ මහත්තයා වෝෆ් ක්ලාක් කෙනෙක් , හැම වේලාවකම ෆන් එකේ ඉන්න පොරක් , යෝධයට වඩා වැඩකාරයා යෝධයාගේ ගෑණී කියුවා වාගේ ( තව කතාවක් මතක් උනා වෙන දවසක ලියන්නං)  අක්කා අයියට වඩා සුන්දරයි ,
මොනවා උනත් ලොකුවට ගන්නැ, 16යේ කෑල්ල වාගේ තමයි කල්කිරියාව , හැබැයි නරක ගෑණියෙක් නෙමෙයි . දරුවන්ට ආදරය කරන , පති භක්තිය තියන , අනුන්ගේ දුකේදි  පිහිට වෙන , කියන්ට තියන දේ කෙලින්ම කියන මනුස්සයා.

එයාගේ ගෙදරට අල්ලපු,  බාගෙට හදපු ගෙදර ඉන්නේ ලගදී බැන්ද ජෝඩුවක් , කොල්ලා බෙහෙත් කොම්පැනියක ඒරියා මැනේජරයෙක් , කාර් කටුවක් එහෙම තියන මාසෙන් වැඩි දවසක්  චයිනීස් කන ඩබලක් , කෙල්ලගේ නම ෂෙරින්

ළමයත් ඉස්කෝලේ ඇරිලා එනවා ඇති



'' ගෙදර කව්දෝ ...ගෙදර කව්දෝ .....සරාත් ...සරාත් ...කව්රුවත් නැද්දෝ.''

''සරත් ගෙදර නැනේ ධනපාල මල්ලි''

අනාරාධනයෙන්ම ගේ තුලට පිවිසෙන ධනපාල

''ඇයිදැන් මිනිහ ගෙදර එන්නේ නැද්ද''

''ගෙදර නැවිත් කොහේ යන්ඩද මල්ලි , පානදුරෙ නැවතිලා වැඩ''

''හැමදාම ආවොත් වැඩ ඒ උනාට මගේ සල්ලි ටික දෙන්නැ''

''නොදි ඉන්නැ මල්ලි මේ දවස්වල අපිට හරියට කරදර''

''ඔයාල හන්දා මාත් හරි කරදරේකට පැටලිලා  ඉන්නේ . මොකද මං දන්සැල් දෙනවැ මේක මගේ රස්සාවනේ''

''අනේ මල්ලි අපි එහෙම හොරු නෙමෙයි ඉක්මනටම සල්ලි ටික දෙන්නං ''

''හොද ටික..... අදනං මට පොලියවත් ඕන''

''මාලග සල්ලි නැ මල්ලි''

''ඔය මාලේ කොච්චර වටිනවද ''

'' මේක රත්තරන් නෙමෙයි ඉමිටේෂන් එකක් කරපාලුවට දාගත්තේ''

''....ම් දැක්කහමනං පාලු පාටක් නැ , ඔය ඉන්නේ ලස්සනට , කෝ බලන්ඩ ඇත්තමට ඉමිටේෂන්ද කියලා , මාත් හොදට රත්තරන් අදුරනවා''

''අනේ මල්ලියේ ඇගට අත තියන්ඩ එපා. දැන් ළමයත් ඉස්කෝලේ ඇරිලා එනවා ඇති''

''මං හැදුවේ  තබක්කද කියලා බලන්ඩනේ  . එහෙනං පස්සේ වෙලාවක එන්ඩද මාලේ රත්තරන්ද බලන්ඩ''

''අනේ මල්ලියේ වැදලා කියන්නං ....මම කොහොමහරි සල්ලි ටික හොයලා දෙන්නං , මට කරදර කරන්නැතුව එලියට යන්ඩ . මම ඔයා හිතන ජාතියේ ගැනියෙක් නෙමෙයි''

''ඕන්න ඉතින් අපි අනුකම්පා කරහම ඔයාල රෝං ටෝක් දෙනවා , මේ ඉවසුවා හොදටම ඇති මට අද කොහොම හරි සල්ලි ඕන''

''අනේ මට සමා වෙලා එලියට යන්ඩ මහත්තයෝ , මෙන්න වැන්දා''

ෂර්ගේ පීටෙං යපිට දෙන් ඔදා



මේ සිද්ධිය වෙලා දැන් මාස කිහිපයක් වෙනවා.මගේ මිතූරෙක් ලග වැඩ කරන තවත් මිතූරෙකූගේ ගෙට ගෙවදීමකට ගිහිල්ලා වෙච්ච මගූලක් තමයි මේ
ඒ යාළුවගේ ගම කදුකර පළාතක දුර ගමක නිසා අපි කට්ටිය 15ක් විතර සෙට් එකක්, කලින් දවසෙ මහ රෑම පිටත් උනා.මගදිගට අනුමතවෙවි ගිය හන්දා පහුවදාට එළි උනා අදාල නිවසට ලගම නගරයට යනකොට.
වයින් ස්ටෝස් අරිනකං ඇලක නාලා , කඩයකින් බඩත් පැලිලා,දෙයියනේ කියලා ආයෙත් රහ මෙරත් බීලා එහෙම ගියා අපේ කොල්ලා හදපු ගේ බලන්ඩ.
ගෙයක් නෙමෙයි ඒක මාළිගාවක් නොවැ.පොඩී කන්දක් උඩ මූ පට්ටෙට ගේ හදලා.බිත්ති ටික එක එක මෝස්තරයට නිමකරලා.ලස්සන තිරරෙදි දාලා.
ලයිට් ටික සෙටප් කරලා තිබ්බ විදිහට තමයි මගේ හිත වැඩිපුරම ගියේ.එක අතකට එහෙම නොවී තියෙයිද, මේකා උදේ ඉදන් රෑ වෙනකං ෆිල්ම් බලන එකානේ.
දැන් අපේ කොල්ලා බොන්ඩ කතා කොරනවා, කොහෙට බොන්ඩද, බඩේ ඉඩක් තියෙන්ඩ එපෑය.මමයි අර බොස් යාළුවයි එළියේ ඉදගන සිකරට් එකක් ගහනවා.බොස්කාරයා යාළුවට අපි මෙතන ඉදන් කියමුකෝ සරත් කියලා.සරත් දැන් මට මෙහෙම කියනවා
!! බලපන් මචං මූ එළනේ නියමෙට ගේ හදලා. මූට මම දෙන්ඩ ගෙනාපු ගාන මදිද මන්දා.මටනං මාර ආසයි බං !!
!! සිරාවටම මමත් හිතූවේ නැ මචං මූ මෙහෙම හදලා ඇති කියලා !!
සරතට මාර හැපී , ඌ කොහොමත් ඌගේ ගෝලයාට ආදරෙයි, පණවගේ වීශ්වාසයි, ඒකනේ බිස්නස් එක පැත්තවත් නොබලා, තමන්ගේ රස්සාව කරගන ඉන්නේ , ගෝලයට ඕන විදිහට කොරගන්ඩ කියලා.
දැන් අපි දෙන්නා කියව කියව ඉන්න තැනට ආවා ගෝලයා යාළුවාගේ  තාත්තා
!! ෂර් යපේ පුතාගේ ගේ ලෂ්ෂනයිද !!
!! ෂා අංකල් මරු ඇ මගේ ගෙදරවත් මෙච්චර ලස්සන නැ !!
!! ෂර් දෙන ෂල්ලි ඕකොම පුතා නාෂ්ති කරේ නේ ෂර් ගෙටම තමා දෙම්මා !!
!! ෂර් ‍යෙදා ගේ ඔපනින් යෙකට ‍ගෙදර යෙනකොටත් ෂල්ලි වගයක් දිලා , යෙක ගෙදර වෙඩට ගන්න කීලා,යෙතකොට අපි යොක්කොම ඉවරතමා කොරලා ගේදර වෙඩ, 
යේ ෂල්ලි ඹක්කොම නාෂ්තී තමා කෙරැවේ නැ, ෂර්ලා යෙද යෙන නිෂා යපි ඊයේ හවස තමා ගිල්ලා යේක යේ ෂල්ලි වලට     වේෂියෝ දෙන්නා තමා යෙක්ක ආවා,
යේක අපේ ඉතත් ෂන්තෝෂ  මත්තියාගේ ඉතත්  ෂන්තෝෂ, යේ යෙක්ක යාපු දෙන්නා පල්ලෙ කාමරේ තමා යින්නවා ,යෙන්ඩ ෂර් බලමු, යෙන් යෙන් !!

කියලා අංකල්කාරයා පල්ලෙහා තියන බ්ලොග් ගල්වලින් හදලා ඇස්බැස්ටස් හෙවිල්ලපු පුංචී ගෙයක් වගේ එකක් පෙන්නුවා. ( ඇත්තටම ඒක අත ඇරපු පරණ ගෙයක් )
!! නෑ.... නෑහැ..... අංකල් ඕන් නෑ !!
!! ෂයි ෂියියෝ මාත්තියා යෙන්ඩ ලෂ්ෂනයි ,රතූ වේෂී ඉන්නවා මාත්තියා ටිකාක් වයෂ යෙත් වදලා නේ, යෙක පොඩී කෙල්ල වගේ,
කළු වේෂි නං මාත්තියා තාම පෙඩී !!
!! අංකල් හා එහෙනං පස්සේ බලමුකෝ !!
!! ෂර් මම කූස්ෂිය පෙත්තට තමා යෙනවා , මාත්තියා ගිහිල්ලා බලන්ඩ, පාර එහා පෙත්ත උනාට යේකත් අප්පිල අල්ලපු කේල්ල, යේකට දෙන් කව්රැත් යෙන් නැ යේකත් යපේ !!
සරතයි මම දෙන්නගේ මූණු බලාගන ගල්ටික්වෙලා හිටියා ගොඩක් වෙලා, ටිකකින් සරතා හිමිහිට කට ඇරියා
!! පව් බං මම එදා ගෙදර එනකොට මේ   --තට සල්ලි වගයක් දුන්නා , ඒ සල්ලි වලින් අපිට බඩු දෙකකූත් ගෙනල්ලා !!
!! පිස්සුද ලොකු අයියේ මොකක් හරි අවුලක් තියනවා !!
!! මම දන්නවනේ බං අංකලුත් බඩු කාරයා , කියන්ඩ බෑ , වරෙන් කෝකටත් ඔලුව දාලා බලමු !!
සුරාසොඩෙක් උනත් කවදාවත් ස්ත්‍රී ලෝලියෙක් නොවුනු මම නෙමෙයි පුටුවෙන් නැගිට්ටේ, දැන් අපේ බුවා පල්ලම බැහැලා මහපාරත් පැන්න, දැන් බුවා  අර ගෙයක් වගේ එක ඉස්සරහා පැත්තට ගිහින් නොපෙනී ගියා, ඕන්නං තප්පර 10ක් යන්ඩ ඇති, සරතා හීං හිනාවක් දාගන කන්ද නැගලා ඇවීත් මා ලගින් වාඩී උනා.
!! මොකද බං හරි නැද්ද !!
!! උඹ කාටවත් කියන්ඩ එපා හරිද, " වැස්සියෝ දෙන්නෙක් " බං !!
මම නං මේ වෙනකං කාටවත් කියලා නැ, උඹලත් කාටවත් කියන්න එපා.කව්රුහරි දැනගත්තොත් සරතට හරි නෑනේ බං