ජනරංජනී

‘‘ගාට් නෝනා ගාට් නෝනා කෝ ගෙදර කවුරුවත් නැද්දෝ‘‘

‘‘ආ මේ සොපි නැන්දනෙ‘‘

‘‘උදේ වැටිල තිබුන රටඅඹ .......කොලුවට දීල යන්ඩ ආවා , මයේ කිරි ගෙනාපු හොර්ලිස් බෝතල් දෙකකුත් මෙහෙ නේද නෝනා‘‘

............අනේ එයාගෙ අඹේ ............එනව මෙතන මට අඹ කවන්ඩ .......මට තියෙන්නෙ ලෑටි පුකකුයි ..........පුක මැස්සෝ බීලයි කිය කියා , ලොඹු කටෙං ලොඹ ලොඹ ගගා,  .....අපිටත් ඕන්නං ඔය තියෙන් යාපනේ අඹයි , පොල් අඹයි ...............දැං ඕක මේං කියලම හම්බෙයි මට ...........හැමදාම කනව කියයි ...අඔ හරි සැරයි කියයි තුවාල දානව කියයි. හංගගන ඒ දෙන්නා කයි..................ආව මෙතන

‘‘අම්මේ මට ඉස්කෝලෙ යන්ඩ ඕන ‘‘

‘‘යන්කො යන්කෝ දැං හොද පුතා වගේ ඇද උඩට වෙලා අකුරු ලියන්ඩකෝ‘‘

‘‘ඇට්ටිච්චා වගේ ඉදගන වයසක්යැ ඉස්කෝලේ  යන්ට ‘‘

‘‘ නැ නැන්දේ ජනවාරිනෙ , අවුරුද්දක් කලින් ඉස්කෝලෙ ගිය හැකි , සාවස්තිපුර මොන්ටිසෝරියක් තියනව කියල අපේ එක්කෙනා කියුවා , ලබන අවුරුද්දෙ ගමේ අරිනකං ඒකටවත් දානව‘‘

‘‘එතකොට එක ළමයෙක්වත් ගෙදර කොයි‘‘

‘‘ලොකු දුවට නං එන්ඩ බෑලු චූටි දුවවවත් ගෙන්න ගන්නව . මේ කැලේ ඉස්කෝලෙට නං දාල හරියන් නැ කෙල්ලව , අනුරාධපුරේටවත් දානව , උදේට අරය වැඩට යන කොට බයිසිකලේ ඇරල දවල්ට මට බස් එකේ ගිහින් ගන්ඩවත් බැරියැ‘‘

‘‘අම්මේ...වැලිආත්ත ගහේ ගෙඩි ඉදිල ඇති ‘‘

‘‘යන්නෙ එහෙම නැ ..ඒ පැත්ත පලාතෙ දැක්ක නේ එදා හිටිය නයා ‘‘

‘‘නයා ආයෙත් ආවෙයි‘‘


‘‘ එකනේ නැන්දෙ බලන්ඩකො ඒකා දැන් යන්නෙම නැ , ඊයේ දවාලෙත් තැඹිලි පැලේ උඩ උන්නා , ගිය ඉරිද අපි රේල් පාර දිගේ ඇවිත් ලිද පැත්තෙන් වත්තට පැන්නා , බුරුත ගහ මුලින් එනකොට .....පුෂ්......ගාල පිම්බහමයි  දැක්කේ  මේක ඉන්නව මුල උඩටවෙලා , අපේ මනුස්සය ගෙට ඇවිත් තුවක්කුව ගේනකලුත් ගියේ නැතුව පෙනේ කරගන හිටියනෙ‘‘

‘‘මරන්ට දෙන්ට එපා ..ඔය එන්නේ නෝනලගෙ ආරස්සාවට ..දැක්කනෙ එදා පෑගිලාවත් කැවේ නැ නේ.....මෙතුවක් කාලෙකට මං ඔහෙම දිග එකෙක් දැක්කමයි , ...දිස්නෙ ගහන පාට ............නයෙක් නෙවෙයි නාග රාජයෙක් වෙන්ටැ ‘‘

‘‘කොහෙද නැන්දෙ පොඩ්ඩක් කටේ ගාගත්තහම කියන එකක් අහන එකක් යැ , පොරකාල උදුර නොගන්ඩ මේ මිනිහ වෙඩි තියනව .....පවුකාර කම ..බකමූණටත් වෙඩි තිබ්බ මිනිහනෙ‘‘


‘‘නයි මැරිල්ලනං පරංපරාවකට සහගහන වැඩක් නෝනේ ඔය ආනංතරියනං කොරන්ට දෙන්ට එපා‘‘

‘‘ ඒකනේ නැන්දේ........ ඔය අපේ ලොකු මල්ලි ඒ දවස්වල ගෙදෙට්ට ආපු නයෙක් මැරුවා , ඒකද කොහෙද ඔච්චර හොදට ඉගන ගනත් රස්සාවකුත් නැ , පලස්තාවකුත් නැ ‘‘

‘‘..අපේ අමාමෑනියන්ට සතියක් සෙවන දුන්න මුචලින්ද කුලේනෙ දෙයිහාමුදුරුවනේ‘‘

‘‘අම්මේ මං ජනරංජනිලැ ගෙදර යන්නං ‘‘

‘‘හැබැයි මංඤක්කා ගස් අස්සෙ රිංගන්නැ හරිද ‘‘

‘‘මං මොකටද එහෙ යන්නේ මංඤක්කා කොටුවේ මල්ලිල ගෙදර නැ එයාලගේ අම්මත් එක්ක නංගියෙක් හරි මල්ලියෙක් හරි ගේන්ඩ කියල ඉසිපිරිතාලෙ ගිහින්‘‘

‘‘කවුද නෝනේ ජනරංජනි කියන්නේ‘‘

‘‘ඔහේ ඇති එකෙක් නැ නැන්දේ අකුල් අස්සේ රිංග රිංග තනියම කියවනව.... .මෙතන මනුස්සයෙක්ට එන්ඩ නැ වචනයක් දෙකක් කතා කරන්ඩ නැ මයේ අස්සෙම රිංගනව , දැං ඔය නැන්ද ඉන්න හන්ද ඔය‘‘

..........මට අරක මේක කිය කිය ගුටි ගගහ ....මං ටල්අම්මලැ දිහැ ගියහම බලාගන්ඩ බැරියැ මෙයා තනියම ඉන්න හැටි ....අඩ අඩා...............

බයිසිකලේම යනව ,  මංඤක්කා කොටුවෙ මල්ලිත් නැති එකේ ජනරංජනීට හොදට බයිසිකල් පැද්දහැකි , ඒ මෝඩය ඉන්නකොට ඒ ළමයට පදින්ඩ දෙන එකක් යැ , .................බ්රුම්  බ්රූම්.....ඇම්ම්ම්ම්ම්....ම්ං..ම්...........කරාස්.....

...............ජනරංජනී.    ...ජනරංජනී......ඔයාල ගෙදර නැද්දො ..............ජනරංජනීලැ නැන්දේ....ජනරංජනිලැ නැන්දෙ..............කෝ අප්පා මේ ගොල්ලො ගෙදර නැනේ........ මංඤක්කා මල්ලිලැ චුටි බබාව ගේන්ඩ මේ ගොල්ලොත් ගිහින්ද දන්නැ .............එ්ත් මීයුවත් පේන්ඩ නැනේ .................මීයු ...මීයු .......ඉසේ ඉසේ......ඉසේ...ඉසේ.......මියු මියු ....පූස් ..පූස් ...පුස් ඉදා පුස් ඉදා..............කවුද අප්ප ඉස්පිරිතාලෙට පූසන්ව එක්ක යන්නේ............

.............සෙල්ලං කරන්ඩ කෙනෙකුත් නැ , කම්මැලිත් එක්ක ....බෙරයත් අරගන ඇවිත් පෙරහැරක් ගියානං හරි ...........ඒකටත් කෑගහයිද දන්නැ .....එහෙම කොහෙද තාත්තගෙනේ බෙරේ, එයා මට ලණුවකුත් දාල දුන්නේ බෙල්ලෙ එල්ලගන පෙරහැරේ යන්ඩනෙ................කුස්සි දොරෙන් ගිහින් හොරෙන්ම අරං එනව එතකොට කොහෙද අම්ම දකින්නෙ

‘‘ඒ පාර කොහෙද ඔය ඩෝලේ උස්සං යන්නෙ ‘‘

‘‘ මරවිසේට ඕක පලල දායිද දන්නැ නෝනා එහෙම උනොත් මහත්තය එක්ක මේකෙ වසන්ටද ‘‘

‘‘ඔන්න ඔහේ ඕන මගුලක් කරගත්තදෙන් නැන්දෙ ...නැත්තං මං  නිදහසේ කනක් ඇහිල ඉන්ඩද‘‘

‘‘ඕකත් එල්ලල අරින්ටයි තියෙන්නෙ මහතුන්ගෙ දේවාලේ උඩැක්කි ගහන්ට‘‘

කටේ හැටි.... ..මට අනං මනං කිය කිය ....එනකොටම රෝසිවත් කන්නැනේ කකුල .......අපේ ටල් අම්මනං එහෙම නැ ...ලස්සනට දතුත් තියනව සුදුම සුදුයි ....මෙයා නං කුණු පාටයි.

ඩං කුටු ......කුටු .....කුටු ....ඩං කුටු ....කුටු ....කුටු ...ඩං කුටු ...කුටු කුටු....ඩකුටු ..ඩඩං

ඩෙං කුටු...... කුටු ....ඩෙං කුටු..... කුටු ...ඩෙං කුටු ....කුටු .......ඩෙකුටු ....ඩෙගං

චැ ..චෑ ..ඒකත් හරියන්නැ ..කෝ නැට්ටුවේ..කෝ කසකාරයෝ.....තනියම මම අලියෙක්වත් වෙන්ඩ යැ....මේ බෙරෙත් උස්සගන .......... ගමේ ගියහමනං මට ෂෝක්එකට තියෙයි , සුදු මැනිකෙ නංගියි , කුමාරි අක්කයි , ලොකු නංගිලයි , වාසනා නංගිලත් එයි , එතකොට අපිට ඉස්කෝලයක් දැම්මහැකි .........නැ..නැ...දානව ඉස්පිරිතාලයක් ....මං දොස්තර වෙනව ...නර්ස්ල වෙන්ඩ ඔය ඉන්නෙ කෙල්ලො පේලිමක්ම..........


............ඇත්තටම මේ බෙරෙං කොහොමද අප්පා සද්දෙ එන්නෙ ..........., තාත්ත කියුවට මේකට හයිකරල තියන හමෙන් එනව කියල .......එහෙනං වෙන ඒවට ගහනකොටත් මෙහෙම සද්දෙ එන්ඩ එපැය , අනික එයා ගහන කොට එක විදිහක් මං ගහනකොට තව විදිහක්..........මේක එයාගෙ හන්දද දන්නැ.............බාගදා මාව රවට්ටන්ඩ කියුවද දන්නැ ..........රේඩියෝ එකේ සද්දේ එන්නේ ඒක ඇතුලෙ ඉදං සින්දු කියල නෙමෙයි , කොළඹ ඉදං , අනුරාධපුරේ ඉදං කියන සින්දු හුලං දිගේ ඇවිත් කියුවට ......කෝ එහෙනං ලොකු අක්කයි චූටි අක්කයි කියන ඒවත් මට ඒකෙන් ඇහෙන්ඩ එපැය .................මොකක් හරි හොරයක් තියන හන්දනෙ රේඩියෝ එක ගලවල බලමු කියුවහම... ..බෑ කියල .....අල්මාරිය උඩිනුත් තිබ්බෙ.

........මේක පලල බැලුවනං හරි මේ තියෙන්නේ කැඩිච්ච කුඩේ මිට ...........කුඩ ණනේට අත කැපිල ආයෙත් අල්ලන්ඩ එපා කියල අම්ම විසික්කරාට මට කියුවේ නැනේ කුඩ මිට අල්ලන්ඩ එපා කියල .

.........දබං.....දබං....දබං...දීං.......

...........මේක ඇතුලෙ මොකවත් නැනේ ..........අපරාදේ ..............දැන් පොඩි පැත්තට ගැහුවටත් සද්දේ නැ ,.......  කවුද මේක පැලුවෙ කියල ඇහුවහම මොකද කරන්නෙ.............අම්ම නාන්ඩ ගියහම සද්ද නැතුව මේක ගිහින් තියනව ...එතකං කොස් ගහ මුල තිබිච්චාවේ , ආයේ තාත්ත මේක හොයන්නේ කවුරු හරි ඇවිත් අරක්කු බීපු දවසටනේ.............අවුරුද්දත් ලගයිනෙ

 .......සුදු මල්ලි දැන්නං සිංදුවක් ගැහුවනං හොදයි ඇරං එමුකෝ ඩෝලේ ...........කියුවහම පත්තර පත්තු කරල පුච්චල එහෙම ගන්නේ සුදු මාමනේ එයාව  අහුවෙන්නැතැ පැලිච්ච එකට ...........

.....සීනි අහුරක් කාල වතුර ටිකක් බිලා ඇවිත් බයිසිකල්වත් පදිනව.......මේ තියෙන්නෙ අම්ම බැද්ද මුං කැවුං මුට්ටිය මේස යටට දාල .......අවුරුද්දට කන ඒවා කලින් කන්ඩ හොද නැ කියල මට එකක්වත් දුන්නැ ...ලෝබ කමට පත්තර කොල දාල කට බැන්ද ...සීනී එපා කනව කැවුං .........

මේ මොනවද එතකොට සිමෙන්ති කවරයක් අස්සේ දාල තියෙන්නෙ......ආව් ..ආව්..රතිඥඤ පෙට්ටියක්.....කඩල බලන්ඩ ඕන ...හම්ම්  සුවද.....තාත්ත පත්තු කරන විදිහටනං මේක මට පත්තු කරන්ඩ බැ ......අරගන ගිහිල්ලා පිලිකන්නෙන් තියල , ....ගිණි පෙනෙල්ලක් අරන් ගිහින් මේක උඩට දාන්ඩ ඕන ...........


.........තාත්ත රතිඥඤ පත්තු කරන්ඩ කලින්  නුල්වල තියන මේ කොල ඉරල ගලවල දානව .....හම් දැං හරි ....ගිනි පෙනෙල්ල ගෙනත් දාල බඩඉරුගු ගස් අස්සේ හැංගිලා බලා ඉන්ඩ ඕන ....මේකට නං මට අම්මගෙන් ගුටියක් දෙකක් කන්ඩ වෙනව මයි , තාත්ත ආවහම බැරියැ එලියට එන්ඩ.........

......කෝ අප්පා තාම නැනේ .......ෂික් ...මට අමතක උනානේ තාත්ත වගේ ගිනිපෙනෙල්ලට පිඹල ඉවරවෙලා රතිඥඤ උඩින් තියන්ඩ ..........ගිනි පෙනෙල්ල අහකට වැටිලද කියල ලගට ගිහින් බලන්ඩත් බැ ....මං යනකොටම පිපුරුවොත් එහෙම........

ඩෝං...පටොං ...ඩිඩිං ...ඩං...ඩං.....දඩබඩං....දඩදඩං...ඩංඩං...ඩං....

‘‘ පුතේ පුතේ උඹ කොහෙද මයේ පුතේ..............අනේ බලන්ඩ නැන්දේ .......මේ වරත්තුවා කරල තියන වැඩේ.....අදනං මං මූට ‘‘

‘‘ඔය කොහේ හරි අකුලකට රිංගල නැතැ , දෙන්ට එපා කන්ට මරවිසේ බහිනකං‘‘

‘‘ කන්ඩ නෙමෙයි මම අද උන්දැට දෙන්නේ , අම්මප මේ පොල්ලෙන් ගහනව නැන්දේ මලත් කමක් නැ‘‘

‘‘ හපොයි නෝනේ මෙන්න මේකත් දෙපලුවෙලා, අරින්ටයි තියෙන්නේ මග්ගොන‘‘

‘‘ හැංගිලා ඉන්න තැනකිං වරෙන් කොල්ලෝ එලියට , කැලේ අස්සේ රිංගල සත්තු සරපයි එල්ල ගන්නේ නැතුව , මහ මිනිහ එනකොට මම තෝව එල්ලල තියනව කොහොඹ ගහේ ‘‘

......වෙනදට නං මරනව කියල නොමැරුවට අදනං අම්මා මාව ඇත්තටම මරයිද කොහෙද , පේන්නැද්ද අතේ තියන පොල්ල , එදා කක්කුස්සිය අස්සේ හිටිය පොළගට තාත්ත ගැහුවෙත් ඔය පොල්ලෙන් . දෙපාරද තුන්පාරද මන්ද ගැහුවේ , ......පොළගත් මැරුනා ...........ඔය පොල්ලෙන් ගුටි කෑවොත් මටත් වෙන්නේ ඉස්කෝලෙත් නොයා මැරෙන්ඩ . එතකොට මං කොහොමද ගෙවල් හදන්නේ , වාහන හදන්නේ , ගල් කඩන්නෙ .......

..........මෙහෙම්ම කැලේ අස්සෙන් හැංගිලා වැව අයිනෙන් පැනල රේල් පාරෙන් ඉස්ටේසමට ගිහින් නගිනව කෝච්චියට ......වේයන්ගොඩිං බැහැල නගිනව රතු ඉරි තියන රුවන්නැල්ල බස් එකට, ............ඉහලගම සමූපකාරේ ලගින් බැහැල යනව ටල්අම්මලගේ ගෙදර .....බලමුකෝ මං නැතුව ඉන්න හැටි ................

අම්මේ මැරෙයිදෝ එලිවෙන කොට හෙටට

නොසැහෙන්ඩ දොස් කියල අපේ          තාත්තට

අපි දෙන්නව ගෙනියන්නට අතින්     අදිනකොට

මගේ මල්ලිව තුරුල් කරන් එයාගේ         පපුවට

අපි දෙන්නව නොදුන්න හැටි මතකද       අම්මට

සුදු අම්මේ යන්න එපා කියල            අඩනකොට

මල්ලි කොල්ල අඩල අඩල සද්දෙත් නැති කොට
යන්න එපා ඉන්නට බැ ඔයා නැතුව              මට
තාත්තාගේ  කදුළු බින්දු වැටුනා              ඔලුවට

සරත් මාම ගෙට ඇවිදින් බෑග්              ගන්නකොට
තාත්තාට තරහගිහින් ගහන්ඩ                     පැන්නට
ඇවිත් උන්න අය ගහද්දි මගේ                    තාත්තට
එපා කියන්නට මොකදෝ ඇරුනෙ නැත්තෙ      කට

අස්සට දාන්නේ කොහොමද

කාලෙකට ඉස්සර මං වැඩකරපු තැනක මම යනකොටත් හිටියා අංකල් කෙනෙක් , පොරට සිංහල,  ඉංගිරිසි , දෙමළ ,අරාබී , ජාබාසාව , මාලදිවයිනේ බාසාව , එතනින් ගියහම හින්දි තව ඔය බන්ගලි බාසාවත් පුලුවන්ද කොහෙද , පොර කියන්නේ පොරට භාෂා එකොලහක් කතා කරන්ඩ පුලුවන් කියල ,

  සැහෙන කාලයක් එතන වැඩ කරගන හිටිය බුවා මගේ ආගමනය ගැනනං එච්චර සතුටක් දැක්කුවේ නැ , ලොක්කා පොරට කට් එක දෙන්ඩ මාව ගෙනත් දැම්මා කියන සිතුවිල්ල සහ මමත් පොරට අරී කියන සිතුවිල්ල තදින්ම මිනිහගේ හිතේ වැඩකලා . හැබැයි ලොක්කා මට වැඩට කතා කරනකොටම කියුවේ

‘‘ දැනටත් අපේ ටෙක්නීෂියන් කෙනෙක් ඉන්නව සමහරවිට ඔයා අදුරනවත් ඇතිනේ නිහාල්ව , දැන් මිනිහට වැඩ කරන්ඩ අමාරුයි හැටත් පැනලනේ, ඔයා බලල තියන වැඩටික කරල දාන්ඩ එයත් ඔය මොනවහරි කරගන ඉන්නේ නැතැ කියල‘‘

ඇත්තටම පොර මා එක්කත් සැහෙන කාලයක් වැඩකරකර හිටියා . හැබැයි ඉතින් ටිකෙන් ටික මෙෂින්වලින් ඇත්කරල ඔය කඩේ යන වැඩ වාගේ පක්කලි වැඩ වලට පටලවන්ඩ තරම්  ලොක්කා කපටි උනා, නිහාල් හිටියේ කෙහොමටත් ඒ ගැන සතුටෙන් නෙමෙයි ඒකත් එක්ක පොර ලොක්කට දෙන්ඩ ඕන රිටන් ටිකත් මටම තමා දුන්නේ ,


කස්ටමර් කෙනෙක් ලෙඩක් දැම්මත් , ලොක්කා ලෙඩක් දැම්මත් , කුණු මැසිමක් හදන්ඩ ආවත් ගානට මගේ ඇගට කපල පොර ඇග බේරගත්තා , පොරට සෙල්ස් කරන ළමයෙක් හරි , මැනේජර් ළමය හරි ( කැෂියර් උනාට එයා හිතාගන හිටියේ එහෙම තමා ) මොකක් හරි කියුවහම

‘‘ඇයි අර බොස් ගත්තේ හෙන වැඩ්ඩෙක් ඌට කියන්ඩකො , මෙච්චර කාලයක් මේවා ඔක්කොම කොරගන මං හිටියේ ඔය එකෙක්වත් ඉදලද‘‘

කියල තමයි පොර කියන්නේ , හැබැයි ඉතින් ඩීලර් කෙනෙක්  ( නිකං නමට ඩීලර්ස්ල , උන්ට කිසිම පහසුකමක් දුන්නේ නැ , ඔයා අපේ හොදම ඩීලර් කෙනෙක් කියල අන්දල තිබ්බා මිසක් , නිකංම නිතර බඩු ගන්ඩ එන පොරවල් ) හරි වොරන්ටි තියන මැසිමක් උස්සං එන රීටෙල් කස්ටමර් කෙනෙක් හරි ආපුවහම නං පැනල තමයි මැසිම බදා ගන්නේ.

වැඩ කරන ගමං ..............තාම උදේට කෑවෙත් නැ කියල හරි .............ලොක්ක හරියට පඩි දෙන්නේ නැ කියල හරි ..............හීනියට ටෝක දාල එන එවුන්ගෙන් ගානක් කඩාගන්න එක තමයි පොරගේ වැඩේ හැමදාම. එතන ඉදපු අනිත් හතර පස්දෙනත් දිය යටින් ගින්දර ගෙනියන , ටොනික් මුඩියෙන් බෙල්ල කපන ,
 යක්කුන්ටත් කොක්කු පෙන්නන ඩයල් සෙට් එකක් , කොටින් හිටපු ගෑනු දෙන්නා ලංකට් අදිනකොට අනිත් පිරිමි අදින්නේ ජංගී , කට්ටිය මුලදි මුලදි මොන සෙල්ලං දැම්මත් ටික දවසකින් මගේ පුකේ ඇගිලි ගහන්ඩ එන එක නවත්තල දැම්මා , කාටවත් පෙන්නන්ඩ වරදක් නොකරන මම වැරැද්ද දැක්කහම ලොක්කට උනත් හොදම එකෙන් කියල දානව කියල දැක්කහම මට අරින්ඩ බැරි බව කට්ටිය දැනගත්තා.


ඒත් එක්ක උඩ ඉදන් පල්ලෙහාටම තියන කුණුකමයි , බලුකමයි , කැරිකමයි දැක්ක මමත් කට්ටියට ඕන විදිහට තම තමන්ගේ වැඩ සහ හොර වැඩ කරගන්ඩ දිලා මගේ පාඩුවේ වැඩ කරගන හිටියා , හැබැයි මගේ අතින් කිසිම වරදක් නොවෙන්ඩත් , මගේ යුතුකම හරියට කරන්ඩත් , උඩ ඉන්න එක්කෙනා කක්කි කරන්ඩ දුන්න එක වෙන වැඩ වලට පාවිච්චි නොකරන්ඩත් වග බලාගත්තා.

ඔහොම ටික කාලයක් යන කොට ඉතින් මට පේනවා එක එක්කෙනා ගහන ගේම් , කැෂියර් එකෙන් සල්ලි උස්සන ඒවා , කැෂියර් එකේ සල්ලි රෝල් කරන ඒවා , බඩු ගන්ඩ එන උන්ට වැඩිපුර බඩු දීලා රහසින් වෙන වෙන ද්‍රවය්‍යමය ලාභ ගන්න ඒවා ( ඔය කෑම බීම එහෙම , පොඩි පොඩි තෑගී එහෙම ) , එතනින් ගියහම බඩු මාරුකරල දෙන ඒවා ( වොරන්ටි නැති මෙෂින් එහෙම මරු කරල දුන්නහම කීයක් හරි මිට මොලවනවනේ ) හැමෝගෙම ඉතින් මොනවම හරි අයතා වැඩක් තිබුනා උනත් එකෙකුට එකෙක් නැ , අරිනේ කාටද ඒ කොහොමද කියල තමයි බලාගන උන්නේ ,

මට ඔව්වා පේන්ඩ බැරි උනත් මොකවත් නොකියා නොදැක්කා සේ හිටියෙ අනිත් අතට ගත්තහම ලොක්කත් ඒ ජාතියෙම හන්දා , තමන්ගේ වැඩේ කරගන්නවා විතරක් මිසක් , සේවකයෝ ගැන කිසිම ඇල්මක් බැල්මක් නැති . තිරිසං ගති තියන මිනිහෙක් වෙනුවෙන් මොනවට නහිනවද කියල මට හිතුනා.

සමහරක් වෙලාවට විකුණන්ඩ තියන බඩු ඇවිදිනව , ඔන්න එක දවසක් රාක්කයේ නියමිත තැන තිබුන ෆීඩ් රෙගියුලේටරයක්  තියනව යට තට්ටුවේ එහාට වෙන්ඩ , තව පැයකින් හමාරකින් බිම පෙට්ටි ගෙඩක් අස්සේ දොරට ටිකක් ලං වෙන්ඩ , තව ටිකකින් එලියට බැහැල බැංකුවට යන එකාගේ සාක්කුවේ , ආයේ ඌ එනකොට ඒක වටිනාකමෙන් බාගයකට සල්ලි වෙලා පර්ස් එකේ.

ලොක්ක බඩු හොරපාරේ යනව කියල දන්නව උනත් කවදාවත් ගාණක් මිම්මක් තියාගන්ඩ බැ , හොරු අල්ලන්ඩත් බැ , කෑළි කීයක් තියනවද , කීයක් විකුණලද , කීයක් ඩැමේජ්ද කියල හොයන්නේ කොහොමද , කෑලි පන්දාහක් ගෙන්නල පන්සීයක් කියල කස්ටම් එකට කියල ( එයාලත් බබ්බුනේ ) , සෙල්ස් කරනකොට බිල් දුන්නත් එව්වා මෙෂින් වලින් මකල , පොත් වලින් ඉරල ටැක්ස් වලින් බේරෙනකොට.

ඔන්න දවසක් මගේ වැඩ මේසය අස්සේ මම මෙෂින් වලින් ගලවල  විසික්කරලදාන පරණ කෑලි දාන්න තියන් උන්න පෙට්ටිය අස්සේ තියනව හොදට ෂොපින් බැග් දෙකකටම දාල ගැටගහපු පොදියක්. දිග ඇරල බලපුවහම එකම මෙෂින් මොඩල් එකකට අයිති අළුත්ම කෑලි පහ හයක් , වටිනාකමත් පොඩි නැ රුපියල් දෙදහකටත් එහා.

ඒක දැක්ක ගමං මට ඉතින් සිහියට ආවේ නිහාල් ලොක්කවම තමා , මේකත් ඌ ගෙනියන්ඩ ගහපු පොදියක් තමා කියල  හිතුනත් එකපාරටම මගේ හිතට වෙන අදහසක් ආවා

............මේක මට කෙලවන්ඩ හිතාගන අටවපු උගුලක් වෙන්ඩ බැරිද.............

බාගදා එහෙම නොවුනත් වෙන එකෙක් මේක මෙතන තියනව දැකල ලොක්කට පෙන්නුවොත් නිරපරාදේ මං හොරෙක් වෙනව.

කාටවත් හොයාගන්ඩ බැරිවෙන්ඩ පොට්ටනිය වෙන තැනක හැංගුව මං මොකවත් නොදන්න ගානට පාඩුවේ හිටියා. හවස් වෙනකොට නිහාල්කාරයා පෙරල පෙරලා බඩු හොයනව , මාත් නොදන්න ගානට ඉන්නව. පස්සේ හවස වැඩ ඉවරවෙලා ගෙදර එන්ඩ ගියහම පොර එනව මගේ පස්සෙං 

‘‘ මල්ලිය අපි සෙට් වෙලාම නැනේ මොකද කියන්නේ ගහමුද අඩියක් ‘‘

මටත් ඉතින් හොරෙක් නෙමෙයි මීනීමරුවෙක් එක්ක හරි කමක් නැ අඩියක් ගහන්ඩනේ

‘‘ යං එහෙනං , කොහෙටද යන්නේ ‘‘

‘‘ මරු බ්‍රෑන්ඩ් එකක් තියනව , හැමතැනම නැ මාර රසයි බං ඒ අරක්කු ‘‘

‘‘ සුදුවද ‘‘

‘‘ පිස්සුද බං ..වයිට් හෝස් කියල එකක් බීල ගෙදර ගියාට ගදත් නැ ‘‘

‘‘ එහෙම ගෙදර යන්ඩ අවුලක් නං නැ ආ එහෙනං යමං කෝ‘‘

කියල ගියා . බාර් එකක් නෙමෙයි අස්සක උඩ තට්ටුවක තියන වයින් ස්ටෝස් එකක් , කවුන්ටරේ උඩම තියාගන ගැහිල්ලක් තියෙන්නේ , කජු පැකට් , සෝඩා එහෙමත් තියනව , සිකරැටුත් එතනින්ම ගත්ත හැකි , කට්ටය කිහිප දෙනෙක්ම අපි යනකොටත් හිටගෙන බොනව.

මං පෙරැත්ත කර කර සල්ලි දුන්නට නොගත්ත නිහාල් ඌ ගානේ ගත්තා ‘‘වයිට්හෝස් ‘‘ වයිටිඇරැක් බෝතලයයි , සෝඩා එකයි , ගොල්ලිප් පහයි ,කජු පැකට් දෙකයි  අරු නීට් ගහනව , මං සෝඩා එක්ක ගහනව , බාගයක් විතර ගහනකොට ඔන්න ඉතින් පටන් ගත්තා බුවාගේ අදෝනාව.

 ගෑණියි ළමයි ටිකයි පොරව ගෙදරින් එලෝයි ඉන්නේ , දැන් තනියම කාමරයක් අරගන ඉන්නවයි , අරකයි මේකයි , මං දැන් බලාගන ඉන්නව පොර දැන් අරක ගැන අහයි දැන් අහයි කියල  ,... ම් හු  නැ ...කොහොමහරි බෝතලෙත් ගහල ගෙදර ඇවිත් පහුවදා වැඩට ගියහම පොර හිමිහිට ඇවිත් අහනව.

‘‘ මචං මල්ලියේ ..මම මෙතන  පාට්ස් වාගයක් අරං තිබ්බා උඹ දැක්කද ‘‘

නැගිටල ගිහින් හංගපු තැනින් බඩු ටික ගත්ත මං ඒක පොරගේ අතට දීලා

‘‘ උඹ මෙතන ඕන ගේමක් ගහගනින් හැබැයි ඔව්වා මගේ රෙද්ද අස්සේ ගහල මාවත් චාටර් කරන්ඩ එපා , අනික උඹ හැදුවේ මට කෙලවන්ඩ නං ආයේ එහෙම කරල හු%$#@*% ගන්ඩ එපා‘‘

‘‘පිස්සුද බං ඔන්න ඕකනේ කියන්නේ , එහෙම කැරියෙක්ද මං ‘‘

කියල මග ඇරල ගිය බුවා , හවස් වෙද්දි ආයෙත් මට කිට්ටු කරා ,

‘‘ මචං අර ටික මං සල්ලි කරා ... අදත් යන්ද අර පැත්තේ ‘‘

‘‘ මං උඹට උදෙත් කියුවනේ නිහාල් අයියේ උඹ ඕන හුත්තක් කරහං , හැබැයි මාව ගාවගන්ඩ හදන්ඩ එපා ‘‘

තවත් මාස හයක් විතර යන කං පොර එතන ඉදලා තව තැනකට ගියා , හැබැයි ඒ හිටිය කාලේ මා එක්ක එහෙමට කතාවක් බහක් තිබුනේ නැ , තව දවසක පොර මරු වැඩක් කලා.

ඔන්න එක ගෑනු පරානයක් ආවා සතියකට විතර කලින් ඕලොක් මෙෂින් එකක් හදාගන ගිය , අපෙන් ගත්ත එකකුත් නෙමෙයි , මෙෂිම හදල ඇරගන යන දවසෙත් නිහාල් කාරයට පට්ට වදයක් දුන්නා උන්දැ නුල් දාන හැටි කියල දෙන්ඩ කියල.

හත් අටපාරක් ගලව ගලවා නුල් තුන දාන හැටි පෙන්නුවත් අර මනුස්සයගේ ඔලුවට යන්නේ නැ , 

‘‘ ඔය ඔතන දාපු හැටි ආයෙත් ගලවල දාල පෙන්නන්ඩ ‘‘

‘‘ දැන් මේකම කීපාරක් දැම්මද නෝනා , මුලු දවසම ඔයාට නුල් දාන හැටි පෙන්න පෙන්න ඉන්ඩද , මට තව වැඩ තියනව , එදත් ඔයා මෙතන ඉදගනත් නුල් දාන්ඩ පුරුදු වෙලා නේද ගියේ‘‘

‘‘ ඕගොල්ලෝ මොකොද ඔහොම මිනිස්සුන්ට සැරෙන් කතා කරන්නේ අපි දන්නැති හන්ද තමයි ඔයාල ගාවට මෙව්වා උස්සගන එන්නේ ත්‍රීවිල් වලට සල්ලි ගෙවාගන , දන්නවනං මෙව්වයේ එනව යැ කුනුකතා අහන්ඩ ‘‘

‘‘ වදදෙන එකේ සීමාක් තියෙන්ඩ ඕනනේ නෝනා , පොඩි ළමයෙකුට හරි තේරෙන පොඩි දෙයක්නේ මේක , ඔයාට අල්ලගන්ඩ බැරි එකට අපි පලිද , මං ඒකයි එදත් කියුවේ කොළයක් අරගන පාට දෙකකින් පෑන් දෙකක් අරගන එක පාටකින් පාට්ස් ටික ඇදලා , අනිත් පාටින් නුල් ටික ඇදගන්ඩ කියල ‘‘

‘‘ ඉතින් එදා ඔයා ඇදල දුන්නේ , කෝ ඒකවත් හොයන්ඩ පුලුවන්ද , හරියට තේරෙන්ඩ ඇදල දුන්නද ‘‘

‘‘ ඒක තමයි ඉතින් මම කියුවේ ඔයාට ඇදගන්ඩ කියල , මම අදින්නේ මගේ අයිඩියා එක , ඒක වෙන කෙනෙකුට තේරුං ගන්ඩ පුලුවන් වෙන්ඩත් පුලුවං බැරි වෙන්ඩත් පුලුවන් , මහන කෙනාට කොලයක් අරන් අදින්ඩ කියන්නේ ඒක බලාගන නුල් දාන්ඩ නෙමෙයි , එක පාරක් තමන්ට පේන විදිහට කොලයක ඇන්දහම කවදාවත් අමතක නොවෙන්ඩ මතක හිටින හන්දා ‘‘

‘‘ එහෙං මෙහෙං අස්සෙන් දාන්ඩ තියනවනේ , සමහරක් තැං මට පේන්නෙත් නැ ‘‘

‘‘ ඉතින් ඒකට මං මක්කරන්ඩද , එක්කෝ කාවහරි එක්ක ඇවිත් එයාටවත් හරියට බලාගන්ඩ කියන්ඩ , නැත්තං කන්නාඩි දෙක මාරු කරන්ඩ , එහෙමත් නැත්තං මහන එක නවත්තල දාන්ඩ , ඔන්න මේ අන්තිම පාරට දාන්නේ හොදට බලාගන්ඩ ආයෙනං මට කරදර කරන්ඩ එපා ‘‘

ඔන්න දැන් අනිත්ම පාරට කියල නිහාල් ලොක්ක නුල දානව , අර ගෑණු මනුස්සයත් බලාගන්නවට වඩා කියවනව , කොහොම හරි නුල් ටික ඔක්කොම දාල , පොඩි රෙදි කැල්ලක සාම්පල් පාරකුත් දැම්ම නිහාල් , මෙෂින් එකේ මෝටර් පැඩල් එක ගලවන්ඩ හදනකොටම

‘‘අර ඉස්සරහින් තියන එකේ අස්සට දැම්මේ කොහොමද ‘‘

‘‘ නූල කොනෙං අල්ල යටින් තියල හමන්නවන්ඩ ‘‘

හැකිනං පොලව හාරාගන වැලලෙනවා

චේන් එකක් බෙල්ලෙ දාං ගාටනකොට       හැමදාමත්
චේන් එකේ පුරුක ගානේ පාස්සල තිබුන          උනත්
චේන් එකට කැපුනු පාර අළුත් වෙලා       පෙනුනාමත්
උඹනං මහ වස බල්ලෙක් හිතුනා මට          හැමදාමත්

තට්ට තනියේ රැ තිස්සේ බ්ලොග් බලලා       හිදුනාමත්
බත් ජුංඩක් බෙදං ඇවිත් බන්ඩි ගෙඩියේ       එබුවාමත්
බිත්ති හිලෙන් උඹ දැකලා ඉජුක් ඉජුක්        කියුවාමත්
දෙන කට්ටක් උඹ කෑවේ කවදද බං             වනලාවත්

කාගෙද ලොකු අර බල්ලා නොවෙයි දන්න    කාගේවත්
ලගට ගියත් නැ ගන්නේ හිතට කිසිම          ගැස්මක්වත්
කාටත් බය නැති බෘනෝ දුවන මූ                 දැක්කාමත්
දරුවො දෙන්න කයිද මන්ද ලං වෙනවා    සැරකෙරුවත්

දවල්ටනං එන්නේ නැ රෑට එන්නේ              හැමදාමත්
දවස තිස්සේ බැදල තියල වරෙං කියල             රීලාවත්
රෑ උනහම අරිනව ඇති නාලත් නැ                කවදාවත්
ඔහොම සත්තු හදන උන්ට ඉඩක් නැනේ    අපායෙවත්

ගනන් ගන්න එපා චූටි ඔන්න ඔහේ ඇවිත්               ගියත්
පේනවාද ඉන්නා හැටි කකුල් හතර කරන්               උඩත්
කැමති ලෙසට ඌට ඉන්ඩ තැනක් නොමැති බවක් හැඩත්
ඔන්න ඔහේ ඉන්ඩ අරිමු අරං දාල දාන                 බෙටිත්

තාත්තිච්චි බලන්නකෝ මිදුලේ මේ  මෙමං           ඉන්න
කළු බව්වා අදත් ඇවිත් මාත් එක්ක යාළු             වෙන්න
මාලෙත් නැ අද බෙල්ලේ වෙනදට ඌ දාගන            එන
මං දුන්නම ක්‍රීම් බික්කෝ බරස් ගාල කන            ලස්සන

ජනෙල් හිලෙන් බලන මෙමට යම දෙයියන්    සිහිවෙනවා
බිස්කට් ටින් එක අරගන බල්ලට බිස්කට්              දෙනවා
එකක් ගිලින්ඩත් කලින් තවත් එකක්                ඔබ්බනවා
කලින් දුන්න බිස්කට්ටුව දෙපා මුලට                 වට්ටනවා

මොකද බික්කෝ වට්ටනේ පිස්සුද බව්වෝ            ඔයාට
කෑම බිමට වට්ටන්නේ නෝටි ළමයි නෝට්           කමට
බිස්කට්ටුව අහුලන්ට නන්දිබතුව නැමුන                කලට
බව් බව් ගාගන බල්ලා පැන්නනේ කෙල්ලගේ      මූණට

අවිහිංසාව තිරිසං පෙම දුරක                           ගියා
බුර බුර නැගෙන දරු සෙනෙහස පෙරට           ගියා
අත රැදි හාඩ් ඩිස්කුව එල්ලයට                        ගියා
වට හත අටක් බල්ලා කැරකිලා                       ගියා

බිම දගලමින් කෑගසමින්                 පසුවෙන්නේ
යන මග හොයාගන්නත් බැ         මොර දෙන්නේ
ගේ වටෙ වට තුනක් බල්ලා          කැරකෙන්නේ
අයියෝ දෙයියනේ හොද සිහි         එලබෙන්නේ

පවුලයි ලොකු දුවයි අටමට                 ඔරවනවා
පොඩ්ඩි ගල් ගැහිල එතනම             පසුවෙනවා
අහල පහල උන් හිමිහිට ඇහැ                දෙනවා
හැකිනං පොලව හාරාගන              වැලලෙනවා