2018-06-20

සද්ද කරන්ඩ එපා... අතිගරු ---පතිතුමා දොයි



‘‘චූටං පුතා මොකද ඔය කරන්නේ ‘‘

‘‘මං වැඩක් ‘‘

‘‘ මොකක්ද වැඩේ ‘‘

‘‘ රූප හොයනවා ‘‘

‘‘ හෙට කරන් එන්ඩ දුන්න ගෙදර වැඩ කරානේ ‘‘

‘‘  නැ මං මේ  කාඩ්  එකක්  හදන්ඩ රූප කපන්නේ ‘‘

‘‘ හා හා  පස්සේ  ...කරන්ඩ ඒවා ...දහයත් පහු උනා  දැං නිදාගන්ඩ ‘‘

‘‘ මල වදේ  එයාට හොදයි අපිට තමා බැරි ‘‘

‘‘ අක්කි පුතා දැං ඔය කවි පාඩං කරා ඇති  හම් හම්  නිදාගන්ඩ ..‘‘

‘‘ මේ බලන්ඩකෝ  අම්මා අපිට නිදිමතත් නෑත් එක්ක .. මෙයා අපිව බලෙන් නිදිකරවන්ඩ හදනවා ‘‘

‘‘ මොකද ලොකු  ඔයාට වෙලා තියෙන්නේ ... ඔයාගේ  පාඩුවේ  ..ඉන්ඩකෝ  ... එයාලට නිදි මත ආවහම එයාල නිදාගනී ‘‘

‘‘ දැං ඔයා මොකද ඔය කරන්නේ ‘‘

‘‘ මං මේ සාරි බ්ලවුස්  එකක් මහනවා ‘‘

‘‘ හම් හම්  තුන්දෙනාම ගිහින් නිදාගන්ඩ ‘‘

‘‘ මේ මොන යකෙක් වැහිලද අද ඔයාට ... ඒ  ළමයා හෙට ඉස් ඉස්සෙල්ලම රස්සාවකට යනවා ... ඇදං යන බ්ලවුස්  එක මේක .... උදෙන්ම එනවා ගෙනියන්ඩ .. මං නිදාගන්නේ  මේක මහල ඉවර කරලා ‘‘

‘‘ තුන් දෙනාම එලාම්  එකක් තියලා නිදාගන  උදෙන්ම නැගිටලා තම තමන්ගේ  වැඩ කරගත්තොත් හොදයි ... ‘‘

‘‘ බලන්ඩකෝ  අම්මේ  තාත්තට හොදයි රෑට ඇහැරගන ඉන්ඩ ..අපිට තමා තහනං ‘‘

‘‘ ඒකනේ  පුතේ  අද  මොන යකෙක්  වැහිලද ... වෙනදට ඕකට කොට කොට ඉන්නවා  අපි මක්කරනවද බලන්නේ  නැ ‘‘

‘‘ වෙනද වගේ  නෙමෙයි අද මාත් කලින්ම නිදාගන්ඩ එනවා  ... ‘‘

‘‘ හෑ   ඈ  ඒ මොකද ඒ ‘‘

‘‘ අතිගරු ---පතිතුමා රෑ දහයට නිදාගන්නවා ... එතුමගේ  නින්ද කැඩුනොත්  ... පත්තරේ  කියවන්ඩ පරක්කු වෙනවා , එතුමා ..හැම දේම දැනගන්නේ  පත්තරෙන් හින්දා  ... පත්තරේ  කියවන්ඩ පරක්කු වෙන එක රටට පාඩුවක්  ... ඒ  හින්දා  අපි  ඉක්මනට නිදාගන්ඩ ඕන සද්ද නොකර ... කෝ  ඔයාල නිදාගන්ඩ යන්ඩ මාත් මේ කම්පියුටරය ඔෆ් කරල මදුරු කොයිල් එකක්  පත්තු කරගන එන්නං ‘‘

2018-06-18

SOORYAKADDAIKADU

මගේ සේවා කාලයේ අවසන් සමය ගතවුනේ මන්නාරම උයිලන්කුලම් නානාට්ටාන් මාවතේ පිහිටි විශේෂ කාර්ය බලකා කඳවුරේය.අප කඳවුරු ලෑ පෙදෙස සූර්යකඩ්ඩකාඩු (SOORYAKADDAIKADU) නමින් හැඳින්විණි.මන්නාරමේ යෝධ වැවෙන් පෝෂණය වූ මෙම පෙදෙස සෑහෙන තරමින් ජනාකීර්ණ තත්වයක පැවතුණි.මෙම පෙදෙසේ සිට මැදවච්චිය මන්නාරම ප්‍රධාන මාවතේ වූ පොලිස් මුරපොලවලට සහ වාහන වලට නිතරම කොටි සාමාජිකයන්ගේ ප්‍රහාරයන් එල්ල වෙන නිසා විශේෂ කාර්ය බලකාය ක්ෂණිකව දියත් කල මෙහෙයුමකින් පසු ප්‍රදේශය අත්පත් කරගත් අතර සූර්යකඩ්ඩකාඩු පෙදෙසේ සහ නානට්ටාන් පෙදෙසේ කඳවුරු දෙකක් ස්ථාපනය කරන ලදී.ගරා වැටුණු විවිධ සේවා සමුපකාර සමිති ගොඩනැගිලි වල අපගේ කඳවුර ආරම්භ කළෙමු.

ප්‍රදේශයේ ජනතාවගෙන් බහුතරය ද්‍රවිඪ කතෝලිකයන් විය.අභ්‍යන්තරිකව කුමන මතවාදයන් දැරුවා වියහැකිව වුවත් ඔවුහු අප කෙරෙහි සුහදශීලී ආකල්පයක් දැරූහ.අපගේ ප්‍රතිචාරයද එලෙසම විය.අපගේ කඳවුර ආසන්නයේම නිවසක් තිබූ අතර අනෙකුත් නිවාස පිහිටියේ කඳවුරට මුහුණලා මාවතෙන් අනිත් පැත්තේය.එවක මෙම පෙදෙසට විදුළි බලය නොතිබුණි.දිනක අප කඳවුරේ අණදෙන නිලධාරී පොලිස් පරීක්ෂක සංජීව සිල්වා මහතා,අසල්වැසි නිවසේ ගෙහිමි කාන්තාව අමතා ප්‍රකාශ කලේ කඳවුරේ විදුළි ජනන යන්ත්‍රයෙන් ඇයගේ නිවසට විදුළිබලය ලබා දිය හැකි බවයි.ඇය එකවරම බෙහෙවින් සතුටට පත්වූ බව පෙනුනද මොහොතකට පසු පැවසුවේ තමන්ට පමණක් විදුළිබලය ලැබීම තුල කොටි සංවිධානයෙන් උපද්‍රව සිදුවිය හැකි බවත් හැකිනම් අවට නිවෙස් කිහිපයටම විදුළි බලය ලබාදෙන ලෙසත් ඉල්ලා සිටියාය.ඇගේ ඉල්ලීම බෙහෙවින් සාධාරණ එකක් බව පිළිගතිමු.අවට නිවෙස් වල හිමිකරුවන්ගෙන් විමැසූ විට ඔවුන් බෙහෙවින් ප්‍රීතියට පත්විය...

මගේ මතකයේ ඇති අන්දමට කඳවුර අවට ඇති නිවෙස් 6 කට පමණ විදුලි බලය සැපයුයෙමු.මෙහිදී විදුලි බලය යනුවෙන් අදහස් කලේ එක නිවෙසකට විදුළි බුබුළු තුනකින් ආලෝකය සැපයීම බව කිවයුතුය.නිවාස වයර් කිරීම ඇතුළු සියලු කටයුතු කෙරුනේ අපගේ සාමාජිකයන් අතිනි..විදුලි බුබුළු තුන ස්ථානගත කිරීම නිවැසියන්ගේ කැමැත්ත පරිදි සිදුවිය.මෙය කියවන කෙනෙකුට මෙම සිදුවීමේ එතරම් වැදගත් කමක් නොදැනෙන්නට වුවත් හැකිය. නමුත් කිසිදිනක විදුළිබලය නොතිබුණු සහ එය ලැබේයැයි බලාපොරොත්තුවක්ද නොතිබුණ පිරිසකට එහි මහත් වටිනාකමක් තියෙන්නට ඇත.... වර්තමානයේ නිවැරදිවම නිශ්චය කල නොහැකි වුවත් මෙම සේයාරුවෙන් දැක්වෙන්නේ එකල අපගේ කඳවුර පිහිටි පෙදෙසේ ගූගල් ජායාරූපයකි.

චමින්ද ජයසේනගේ මුහුනු පොතෙන්

2018-06-14

වෙඩිපිටිය



විශේෂ කාර්ය බලකායේ අපගේ රයිෆල් වෙඩි තැබීමේ මුල්ම අභ්‍යාසයේදී මීටර් 15 ක දුරින් ඇති ඉලක්ක පුවරුවකට බිම වැතිරී සිටින ඉරියවුවෙන් වෙඩි උණ්ඩ 10 ක් වෙඩි තැබීමට සිදුවේ..මීටර් 15 යනු ඉතා කෙටි දුරක් වූවද කිසිදා ගිණි අවියක් අත නොගැටුණු ආධුනිකයෙකුට ඒ දුරක ඇති ඉලක්කයකට මුලින්ම වෙඩි තැබීම අපහසු වියහැකිය.මුල්ම වෙඩි තැබීමේ අභ්‍යාසයෙදී මට සිදුවුවේද අසමත් වෙඩික්කරුවෙකු ලෙස අවමන් විඳින්නටය.එක පෙලට බිම වැතිරී සිටි පිරිස 15 දෙනෙකු පමණ වියයුතුය.වෙඩි තැබීමට අණ නිකුත් වූ විට මගේ හිස දෙපසින්ම ඇසෙන කන් බිහිරි කරවන වෙඩි හඬින් කම්පනයට පත්වී සිටියෙමි.මා සිතුවේ මාද වෙඩි තබන බවයි.වෙඩි තැබීම අවසානයේ බලන විට මගේ අවියේ උණ්ඩ 10 ම ඉතිරිව තිබුණි.

2018-06-11

වැඩට යන සැමියෝ ... ඔයා ආවද පැටියෝ



ඔන්න කොළඹින් ටිකක් දුර ගමක ඉන්නවලු ජෝඩුවක් , ඒ දෙන්නා විතරයි , ළමයි බමයි නෑ , ඔය පිරිමි මනුස්සයා නිතර යන්ඩ එන්ඩ තියන කරදරය හන්දයි ..  අතට හම්බෙන දෙකයි පනහ දියවෙලා යන හන්දයි හැමදාම ගෙදර එන්නේ නැතිලු ... සතියට දවසක් දෙකක් ..එහෙම නැත්තං සති අන්තෙට විතරක් තමයිලු ගෙදර එන්නේ ... පොරගෙ නෝනා ඉතින් තියන දෙයක් තම්බං කාල නිදාගන්නවලු ..මිනිහා ගෙදර නේන දවසට.

ඒ නෝනත් දවල්ට වැඩට යන හන්දත් ... මහත්තයා යන එන වෙලාවක් හරියට නැති හන්දත් .. දෙන්නා ගාවම ගෙදර යතුරු තියනවාලු ... ඔන්න ඉතින් දවසක් .. සුපර් ඉස්ටාර්ලා .. ලට්ල් ස්ටාර්ලා ..තෝරන තරග ටික ... ඉන්දියන් නයි කතා රජ කතා එහෙම බල බලා .. බත් ඇටේ ඇටේ කාල .. කල් මර මර හිටිය මායියා ...

2018-06-10

අපිත් කොළඹ කෙල්ලෝ

මැණිකා කොලඹ ආවේ මීට අවුරුදු දහයකට විතර පෙරය.එතකොට ඇයට යාන්තම් වයස 16 සම්පූර්ණ වී තිබුණාය..සාමාන්‍ය පෙල දක්වා ඉස්කෝලෙ ගිය මැණිකා කොළඹ ආවේ අල්ලපු ගෙදර බිංදුමතී අක්කා සමගය..ඒ ගාමන්ට් එකක මහන්ඩය.. ඒ මැණිකා කොළඹ දුටු පළමු වතාවය..කොළඹ මැණිකාට අමුතුය..නුහුරුය..,

"මේක හරියට කුකුල් කොටුවක් වගේනෙ බං අක්කෙ, මට මේකෙ ටැග් ගැහෙන්න ඇහැකිය.?"

"අනික බලපං අර වැසිකිලය,.. ඒකෙ වල වටකරලා බැම්මක් බැදලා වටේට.., හරියට වේවැල් ටික කැඩුනු පුටුවක් වගේ බැම්ම..., මැද වල,මල සමයං..!!

ඒ මදිවට බාල්දියකුත් නෑ හෝදන්ඩ, වතුර ගහන්ඩ...කොහොමද බං මේවගෙ ලගින්නෙ? "

"ඈ බං අක්කෙ උබ නාන්නෙත් අහවල් වැඩේ කොරන වැසිකිලිය ඇතුලෙමද? ඊ...යකෝ..අප්පිරියාවේ බැරුවා,ඇයි මෙහෙ ලිදක්, පීල්ලක් නැතෙයි"

ඒ ආපු මැනිණිකා කොලඹ බෝඩිම ආ පලමු දවසේ නගපු මැසිවිලිය..

ටිකක් කාලය ගෙවීගියේය..මැණිකාට තවමත් කොළඹ අරුමය දැනුනද ටිකෙන් ටික මැණිකා හැඩ ගැහුනාය...ඔය අතරතුර කොල්ලෙක් මැණිකා වැඩට යන අතරමග සහ බෝඩිම වටේ කැරකෙන්නට පටං ගත්තේය..නමින් රොශාන් වූ ඔහු බිංදුමතීගේද හිතවතෙක් වූ හෙයින් මැණිකා සෙට් කරදෙන මෙන් බිංදුමතීට ඇවටිලි කලේය..බිංදුමතී මැණිකාට ඔයගැන කීවාය..

" අනේ නිකාහිටිං අක්කෙ...පගරනැට්ටගෙ හැටි.කොන්ඩෙ නිකං සූප්පපු කරපු තල් ඇටේ වගේ..හිරට හිරේ කලිසං කෑල්ලකුයි, හැට්ට කෑල්ලකුයි ඇදගෙන.."

" එහෙම කියන්ඩ එපා මැණිකො, බලපංකො උගෙ හැඩ..ගාමන්ට් එකේ කෙල්ලොටික වහ වැටිලා ඌට"

"චික්..වැඩේමයි..ඒ වගේද බලහංකො අපේ ගමේ මයිකල් අයියා..අර තැබිලිපාට සරම කැහැපොට ගහං, ඉස්පෝට් බයිසිකලේ නැගලා..බුලත්විටක් හප,හප පාගලා යද්දි තියන උජාරුව තියනවද බං ඔය බූටෑවගේ, ?අන්න පිරිමි!!.."

2018-06-06

If You are a Dressmaker, Clothing Designer, Sewing Machinist, You Are All Welcome !!!



Bernina, Elna, Necchi, Pfaff, Janome, Brother, Viking Husqvarna, Singer, Juki, Zoje, Riccar, Jaguar, Toyota, Rimoldi, Jack, SunStar, Fischbein, Newlong, Pegasus, Happylock, Mammylock, Babylock, Regnis, Usha, Hara, Guru, Kumar, Yamata, Kaulin, Merrow, Penney, Simplicity, Supreme, White, Million, Seiko, Kenmore, NewHome, ... Or any other type of any brand ...
Whatever type of sewing machine you have, whether it’s domestic, portable, sewing machine or if you have a heavy-duty or just a standard industrial sewing machine - If you have domestic or industrial, embroidery machine - you are in the right place , If you would like to service, repair, overhaul; or if you need to carry out some maintenance works, you are just a
...call away... 0778707807 ...

2018-06-02

එෆ් බී ගෲප් දැන් මැරිල ඉවරයි ...

එෆ් බී ගෲප් දැන් මැරිල ඉවරයි ...
අලුතෙන් ගෲප් එකක් හැදුවත් ... ඒවා

99.99% ක්ම වියාපාරික අරමුණු ... දේශපාලනික අරමුණු පෙරදැරි කරගෙන හදන ඒවා ... නැතිනම් ගෲප් එකක් කියන්නෙ මොකද්ද කියල දන්නෙ නැතුව ලගදි ෆේස් බුක් ආපු එකෙක් මොකක් හරි උගේ වැඩකට අටෝපුවා ...

නිස්චිත අරමුණක ඇතුව ක්‍රියාත්මක වෙන ගෲප් නෑ දැන්

ඒව ඔක්කොම මැරිලා ...

ඒව කනත්ත වගේ හරියට
එහෙම මැරිච්ච ඒවයෙ බූතයො හොල්මන් කරනවා ...

අපරාදකාරයො..
හොරු..
කසිප්පුකාරයො ...
පොලීසියේ ඇහැට වැලි ගහල නයි නටවන කිරි කාරයො එහෙම ඒවයෙ ගැවසෙනවා ...

බුකියෙ රන් අකුරුන් ලියවුන සමූහ = ගෲප් සියල්ලමටම ඒ සෙතේ උදාවෙලා ...

පරිගණක උදවු
ඔන්ලයින් හෙල්ප්

වගේ ඒවයෙ අදටත් රතිඤ්ඤා වගේ ඒව පුපුරනවා ...
ඒත් යුද්දෙ ඉවරවෙලා අවි නිහඩ කරලත් ඉවරයි ..
වැඩක් නෑ ...

2018-05-31

Carrom rules approved by the international carrom federation and Sri Lanka Carrom Association , අන්තර්ජාතික කැරම් සංගමය සහ ශ්‍රී ලංකා කැරම් සම්මේලනය විසින් අනුමත කරන ලද සහ භාවිතාකරන කැරම් නීති මාලාව.


මං කැරම්  බෝඩ්  එකක්  ගත්තනේ  ... පස්සේ  ඉතින්  ගෙදර තියාගන හරියන්නෙත්  නැ ... ඕක දැක්කහම එක එක්කෙනා එනවනේ  සෙල්ලං කරන්ඩ ... පස්සේ  අම්මලැ ගෙදෙට්ට  ටාන්සර්  කලා ... ඒක ගන්ඩ ගියහමත්  හෙන සීන්  අප්පා  ... තුන්දාස්  එක සියේ  ඉදන්  හත්දාස්  ගානට වෙනකං .. කැරම් බෝඩ්  හතරක්  තිබුනා ... ලාබේ බලලා  හැමදාම කෙලවෙන හන්දා  ගණන් වැඩිම එක්ක දෙන්ඩ කියුවහම ... කඩේ ලලනාව කියනවා ගණන්  අඩු  එකට ඩිස්ක් එකක් එක්ක ඉත්හතෝ ටිකත් හම්බුනාට හොද බෝඩ් වලට එහෙම නෑලු , පස්සේ  ඉතින් උන්දැ හොදම එකක් කියලා  ... ඩිස්ක්  එකක් දුන්නා  ඒකටත්  හයසිය අනූවක් කියහංකෝ  ...  ඉත්තොත්  වර්ග දෙක තුනක් පෙන්නුවා  ... ඔයා හොදම බෝඩ් එක ගත්ත හන්දා  මේ ඉත්තෝ ගන්ඩ කියල ගණන්  වැඩි ඉත්තෝ  ටිකකුත්  ඇගේ  ගැහුවා ... හැබැයි ඒකි  කියන එකත් ඇත්ත තමා ... ගැජට් ටික අතගෑවහම  ඒක  මට දැනුනා ... හරිම සිනිදුයි.

පස්සේ ඉතින්  කැරම් ගහන්ඩ ගියහම එක එකා එක එක නීති  කියනවා ... මිණියක්  මැරෙයි කියල බයට ගූගල් කරලා බැලුවා .... සිංහලෙන්  නැ කියහංකෝ  නීතී ....  කැරම් ගැන  සම්බන්දයක් තියන  .. කැරම් වලට සම්බන්ධයි කියලා දැනෙන  හැම තැනකම  හෙව්වා හම්බුනේ  නැ ...

2018-05-29

අටමට පුරස්න දෙකක් , (1) ගූ ගල් කරන සිතියං අක්කට අපිට පාරවල් කියලා දුන්න හැක්ද , (2) නොපෙනෙන කෙනෙක් ලග ඉන්නවා කියලා කවදහරි දැනිලා තියනවද.


(1)
අද මං ජීවිතේ පලවෙනි වතාවට google map පාවිච්චිකරලා  ගමනක් ගියා , ගෙදරින් පිටවෙනකොට යන්ඩ ඒන තැන දුන්නහම මට යන්ඩ ඕන තැනට යන්ඩ , පාරවල් තුනක්  පෙන්නුවා , එකෙන්  මම තෝරගත්තේ දුරම පාර , මොකද අනිත් පාරවල් දෙකට වැඩිය දුර පාර මට හුරුයි .... අනික ඒ පෙන්වන පාරේ එහෙන් මෙහෙන් පනින කෙටිපාරවල් ටිකක්  මම දන්නවා  ... ගූ ගල් කරන සිතියං අක්ක කියන දුරට වඩා කිලෝමිටර් 12 ක් විතර අඩුවෙන් ගමන යන්ඩ පුලුවන් , ඔන්න ඉතින් මං ගූ ගල් කරන සිතියං අක්ක කියන පාරේ යනවා ... ඒ අතරේ මං දන්න කෙටි පාරවල් වලත් යනවා ... ආයෙත් ගූ ගල් කරන සිතියං අක්ක කියන පාරට වැටෙනවා ... ආයේ එයා කියන විදිහට ... ඔහොම දෙතුන් පාරක් ගියා ,  පස්සේ  මං ආයෙත් එනකොට ඒ පාරෙම ආවා අර විදිහටම .... මෙන්න යකෝ  ගූ ගල් කරන සිතියං අක්ක කලින් මට නොකියුව ... මං  දන්න  මං උදේ ගියපාර මටම කියනවා .............

2018-05-27

පොළොන් විසෙන චූර්ණයක්


පොළොන් විසෙන චූර්ණයක් හදලා උඹට දෙන්න ඕනේ....උඹ ඒක බීලා ලේ වමනේ දානකොට ඒ වමනේ වලින් මම නානවා...ඇස් පුංචි කරලා "අනේ තව හයියෙන් කෑගහන්නකො" කියල කියන්නම්...... උඹේ බඩ මැදින් බදාගෙන කම්මුලක් අංගජාතයේ වදින නොවදින ගානට ඉන්නම්....උඹ මගේ කොණ්ඩෙන් ඇදල මූණ උඩට හරවල ගහපන් කම්මුලට පටාස් කියලා...උඹ විදවන තැන් වල මම විදිනවා කියල හිතද්දි මරු බං.............උඹ කැමති දෙයක් කරලා බලපන් ........ඒත් නැහැ මම ඒ ආවේශයෙන් මිදෙන්නේ...

.අපි අපිට අයිතිද....සීතලට උණුහුම් වෙනකොට උණුහුම දරාගන්න බැරි වෙලාවට අත්ලේ හරි රස්නේ හොයනකොට විතරද අපි අපේ කියල දැනෙන්නේ. පුක මිරිකනකොට තොල් හපන් උඹේ පිට දිගේ නියපොතු පහරවල අඳිනකොට විතරද උඹට මං උඹේ කියලා දැනෙන්නේ....ප්‍රේමයත් වෙලාවකට බය්යෝ ටොයියෝ ඔක්කොම එකතු වෙලා පක්ෂ දේශපාලනය කරනවා වගේ.... උන්ට විකල්ප නැහැ දැක්මක් නැහැ....ඉබින වෙලාවට..... හපන වෙලාවට....කොනිති ගහනකොට....තෙත් වෙනවා විතරමද.... එතන ආදරයක් තිබිලම නැද්ද ....

2018-05-26

සියදිවි නසාගැනීම් සහ වලක්වාගැනීම..පොඩි පැහැදිලි කිරීමක්..

මම මේ ලියන්නේ ප්‍රේම සම්බන්ධ තා නිසා සිය දිවි නසාගත් අයගේ ආකල්ප සහ සමාජය ඒවාට මොකද කල යුත්තේ යන්න පමණයි..



ලංකාවේ නීත්‍යානුකූල නොවුනත් වෛද්‍ය වරයෙක් ලෙස මම මේ ගැන පරීක්ශනයක් කලා.. ඇත්තටම ඒ පරීක්ශනය තුලින් මට ඕන උනේ සියදිවි නසා ගත් පුත්ගලයෙක්ගේ මානසික මට්ටම හදාරන්න..



ඔබ ලගම අයෙක් සියදිවි නසාගත්තානම් නීතිය අනුව නොවුනත් ඔබත් ඒ මරණයට වගකිව යුතුයි..එය ඔබේ නොසැලකිල්ලෙන් සිදුවූ ඝාතනයක් ලෙසයි මම දකින්නේ. විශේෂයෙන් මම එතනදි දැක්ක සමාජයේ ලොකුම වරද තමා යම් යම් කාරණා නිසා පුත්ගලයෙක් සමාජයෙන් ඈත් කිරීම..විශේෂයෙන් දෙමාපිය අඩ දබර නිසා දරුවෙක් අපි නොදැනුවත්ව හෝ දෙමාපියන්ගෙන් ලැබිය යුතු රැකවරණය ආදරය සහ ආරක්ශාව නොලැබීමෙන් වැඩිහිටියෙක් වෙලා සමාජ ගත වීම ඉතා බයංකාරයි.

2018-05-25

එක්තරා උමතුවක්


ඒක එක්තරා උමතුවක්, වචනවලින් අමු අමුවේ දමල ගහන්න හිතෙන වාරයක් ගානේ තොල් තදකරන් ඇස් පියාගන්න දැන් දැන් මට අමාරුයි .....

උඹ ඇඟිලි දෙකෙන් තාලයට කිතිකවනවට වැඩිය මම දැන් ආසයි මකුළුවෙක් උගේ අඬුවලින් මාව කිතිකවනවට ..... ඒ කිති කැවීම කොහොම තියේවි ද .........

බල්ලෝ හැමිනෙනෙකොට ඇස් කොනෙන් බලන උන්ට වඩා , ටිකට් අරන් බලන්න තියෙන චිත්තරපටි නොමිලේ පෙන්නනකොට බලන ලල් එකේ ඒක කරන්න තියෙන එකත් පට්ට...

ප්‍රේමයක දිග පළලක් නැතිව දුවන් එන බල්ලෝ හැමිනෙන එක කරන්නෙ හදවතින් බං... කකුල් දෙක ඈත් කරල කෙළ ටිකක් ගාල ඇතුළට දාල එළියට ගන්නවා වගේ සුළු දෙයක් නෙමෙයි ඒක .....

2018-05-23

ලක්සෙට කොඩි දැමීම




ඒ වනවිට මගේ වයස අවුරුදු 8 පමණය. දිනක් අම්මා උදයේම මා අවදි කල අතර ගාලු යෑම සඳහා සුදානම් කරවීය. මට බාල මල්ලි වන රන් මල්ලි ඒ වන විට අවුරුදු 5 ක් සහ ඔහුට බාල චුටි මල්ලිට අවුරුදු 3කි. අනිත් දෙදෙනා පෙර භවයෙන් නික්මීමට සිතාවත් නැත. ගාලු යාමට සුදානම් කලේ මා පමණි. රන් මල්ලිත් චුටි මල්ලිත් අසල තිබු ආච්චි අම්මලාගේ ගෙදර නවත්තන ලදී. ගාලු යෑම සිත ප්‍රීතියෙන් පිනා යන අවස්තාවක් වුවත් මට තෙල්ලඹුර කම්මලේ කඩෙන් උඩුගම බස් එකකට නැග ගාලු යාම තරම් අප්‍රිය ජනක දෙයක් තවත් නොමැත. සෙනග පොල් පටවා ගෙන මෙන් එන ලංගම බසය කඳු සහ වංගු වලින් ඇඹරීමේදී වමනය යාම නියතයකි.

බස් ගමනේ විඩාව මාගාල්ල පසු කරනවිට එන සිහිල් සුලන් රැලි වලින් සංසිඳුවා මුහුදු රල දකින නෙත, සිත මහත් ප්‍රීතියෙන් පුරවා ගත පුබුදාලයි. ගාල්ලට පැමිණි තාත්තා තවත් බස් රථයකට නැගුනේ තවත් ගමනක් යායුතු බව පවසමිනි. කුතුහලයෙන් පිරෙන මගේ සිත කටට නොනවත්වා ප්‍රශ්න රැගෙන ආවත් අම්මාගෙන් හෝ තාත්තාගෙන් සාර්ථක පිළිතුරක් ලැබෙන්නේ නැත. ඒ වෙනුවට "කට වහගෙන යන්න" යනුවෙන් ලැබෙන අම්මාගේ තරවට්ටු පමණි. තාත්ත නම් සිනාසේ.

2018-05-21

මහත්තයා දැකලා පුරුදුයි



මහත්තයා දැකලා පුරුදුයි

Pick-Me Driver කතාවට ආවා

ආ .... මම යන්න ඇති ඔයත් එක්ක කලින්

මම කෙටි පිළිතුරක් දුන්නා

මොකද බැරෑරුම් කල්පනාවෙන් එලියට එන්න මට ආසාවක් තිබුනේ නැහැ

' මහත්තයාට කලින් ඇල්ටෝ එකක් තිබුනද '

මම ඔහුගේ මුහුණ බැලුවේ ඒ වෙලාවේ

ඒත් මතකයක් වත් හුරු ගතියක් වත් තිබුනේ නැහැ

ඔහු සුහද ලෙස හිනා උනා

මාව දන්නේ කොහොමද

මම ප්‍රශ්න කලා

මහත්තයට මතකද අවුරුද්දකට එකහාමාරකට කලින් කොහිලවත්ත කොටිකාවත්ත පාරේදී බළු පැටියෙක් හැප්පිලා ඉන්නකොට .........

ඔහ් .........!

මම අතීතයට ගියා
ඔහුව අමතක උනත් මට සිදුවීම අද වගේම මතකයේ රැදුන සිදුවීමක්

________________

රෑ 11 .30 විතර මම වැඩ ඇරිලා අංගොඩට එනවා
කොහිලවත්ත ඉදලා කොටිකාවත්තට වැටෙන පාරේ බළු පැටියෙක් පාරේ ඉන්නවා දැක්කා
වංගුව නිසාත් අදුර නිසාත් මම වාහනය පුළුවන් තරම් ඈත් කරලා ගත්තා
නමුත් ........ නුහුරු හඩක් .........

ඌ යට උනා වත්ද ?
හිතේ දෙගිඩියාව නිසා මම මිටර් 200 එහා ගිහින් හිටියත් හරවගෙන ආවා

එතන රතු පාට ත්‍රීවිල් එකක් නවත්තලා
චූටි ගැණු ලමයකුයි අම්මා කෙනෙකුයි බිම වාඩි වෙලා බලන් ඉන්නවා

ආදර හැරී අයියා වෙත



ආදර හැරී අයියා වෙත,

ඔබ එවු ලිපිය ලැබුනා. මඟුල් ගෙදර එන්න බැරි වෙයි. මේ මාසෙට මඟුල් ගෙවල් තුනයි, තවත් නං බෑ වගේ. පුළුවන් නං රැවුල වවාගන්න,  එතකොට නිලමේ ඇන්දැහැකි කියලා එහා ගෙදර බිසෝමැණිකේ අක්කා කියන්න කිව්වා. ඒත් කෝකටත් ඔයාගේ රැවුල වැවෙන්නෙ නැති විත්තිය මෙගාන් අක්කට නං දැනගන්න තියන්න එපා,  මේ සමග පොල් පෝර ඇබිත්තක් එව්වා, උදේ සවස මූණෙ ගාන්න ඒක, හරි යයි.

ඉතිං අයියේ, ඔයා ඒ දවස් වල අපි එක්ක  ඇල ගාව චාර්ලිස් සීයලගේ ගේ ගාව වෙරළු ගහ යට වෙරළු ඇහින්ද හැටි අද වගේ මතකයි, ඒ දවස් වලත් ඔයා කැමති කවුරු හරි කාපු වෙරළු කන්න, මොකද එතකොට වෙරළු ගෙඩියේ පණුවෝ හිටියොත් කලින් කාපු එකාට ඉස්සෙල්ලම බඩේ ගාය එන නිසා. ඉතිං ඔයා කසාද බඳිද්දිත් ඔය තියරියම කරපු එකෙන් අපිට තේරෙනවා ඔයා තාම හිටපු හැරී අයියාමයි කියල. කලින් එකාට බඩේ ගාය හැදුනොත් ඔයා ටක් ගාල වෙන සෙට් වෙන්න තව වෙරළු ගෙඩියක් හොයල තියාගන්න, ඔයාගෙ තාත්තා කලා වගේ.

2018-05-20

ලුතිතන් සිංහ


ඒ 1997 වසරේ මැද භාගය වියයුතුය. මා එවක සේවය කලේ A 9 ප්‍රධාන මාවත අද්දර පිහිටුවා තිබූ ඕමන්ත විශේෂ කාරය බලකා කඳවුරේය.එක් දිනක කඳවුරේ ප්‍රධාන පිවිසුම අසල පෙනී සිටියේ යුධ හමුදා ලුතිනන් වරයෙකි.තමාට අපගේ ප්‍රධානියා හමුවීමට අවශ්‍ය බව කියා සිටි ඔහුව, අපගේ කඳවුරු කිහිපයේම ප්‍රධානියා වූ (Sector Commander) ප්‍රධාන පොලිස් පරීක්ෂක රණවීර මහතා හමුවට යොමු කලෙමි.ලුතිනන්වරයා විමසා සිටියේ අප කඳවුර අසලම තමන්ගේ යුධ ටැංකි කිහිපය සමඟ තාවකාලික කඳවුරක් පිහිටුවීමට අදහසක් ඇති බවත් ඒ පිළිබඳව විමසා සිටීමට තමන් පැමිණි බවත්ය.අපගේ ප්‍රධානියා පැවසුවේ තමන්ගේ කිසිදු අකමැත්තක් නොමැති බවත්,කල හැකි ඕනෑම සහයෝගයක් දීමට කැමති බවත්ය..යුධ ටැංකි බලකායේ ලුතිනන් ......සිංහ අප හඳුනාගත්තේ එලෙසය.

2018-05-18

මම රැඩිකල්


අද පාඩම රැඩිකල්

මං මගේ දරුවන්ට කියලා දුන්නා යුද්ධයක සැබෑ ජයග්‍රහණයක් නෑ කියලා...උන් අහගෙන හිටියා...ඊට පස්සේ මං උන්ට කියලා දුන්නා යුද්ධයක ඇති වීරත්වයක් නෑ කියලා...උන් අහගෙන ඔලුව වැනුවා.

පහුවෙනිදා උදේ නැගිටලා බලනකොට තමයි දන්නේ අල්ලපු ගෙදර එකා වැටේ මායිම ගලවලා අපේ ඉඩමෙන් තීරුවක් අල්ලගෙන කියලා...මට කිසි ගානක් නෑ...අල්ලපු ගෙදර එකා මොනව වුනත් අපේම රටේ අපේම ගමේ කාගේ හරි අම්මා කෙනෙකුගේ දරුවෙක් නේද කියලා හිත හදා ගත්තා.

ඊට පස්සේ වැඩ ඇරිලා ගෙදර එනකොට අල්ලපු ගෙදර එකා අපේ ගෙදරට ඇවිල්ලා මගේ ගෑනිගේ ඇඟපත අත ගානවා...මට කේන්ති ගියේ නෑ...අල්ලපු ගෙදර එකාටත් මට වගේම හැඟීම් දැනීම් පහල වෙනවා ඇති...කාගේ උනත් අපේම රටේ..අපේම අම්මා කෙනෙකුගේ දරුවෙක් නේ...රණ්ඩු වුණොත් අපටමයි ලැජ්ජාව...මම අහක බලාගෙන කාමරේට ගියා.

2018-05-17

අහිංසක පොලිස්

මාස කීපෙකට උඩදි මනුස්සයෙක් ආවා ෆොටො දෙකක් ගන්න අයිඩී එකකට.

.

ඇදුමක් මාරු කරගන්න ඕන කිව්වම ඩ්‍රෙසින් රූම් එක පෙන්නුවම ගිහින් එලියට ආවෙ තරු 2ක් තියෙන පොලිස් යුනිෆෝම් එකක් ඇදගෙන.

.

මට පුදුම හිතුනා, සාමාන්යෙන් පොලිසියෙ අය දොරෙන් ඇතුලට එද්දි කියන්න පුලුවන් පොලිස් කියලා. බොහෝ විට එන්නෙත් යුනිෆෝම් පිටමයි. 

.

ඒ නැතත් ආව වැඩෙ කියන්න කලින් " මම අහවල් පොලිසියෙ" කියලා තමයි පටන් ගන්නෙ. ඊලගට සේරටම කලින් අහන්නෙ මිල ගනන්. අන්තිමට කේවල් කරලා ගාන අඩු කරලා ඒකෙනුත් කීයක් හරි අඩුවෙන් දීලා යන්නෙ.

.

ඔය බව අත්දැකිමෙන් දන්න නිසාම මම ගොඩක් වෙලාවට එයාලට මිල ගනන් කියන්නෙත් ටිකක් වැඩියෙන්.

ගොඩක් වෙලාවට PC ලා තමයි ඉතින් ;) .

.

ඒ ෆොටො එක අරන් ඉවර උනාම, තව එකක් ගන්න තියෙනවා කියලා ඇතුලට ගිහින් STF යුනිෆෝම් එකක් ඇදන් ආවා.

.

මන් ඒ වෙනකල් හිතන් හිටියෙ STF කියන්නෙ ආමි එකෙ එකක්, පොලිසිය සම්පූර්නෙන්ම වෙනස් අංශයක් කියලා. දෙකම කොහොමද එක මිනිහෙක් අදින්නෙ හොර අයිඩින්ටිවත් හදන්නද දන්නැ කියලත් හිතුනා.

2018-05-07

සමාවන්න


මෙතෙක් කලක්  මා සමග රැදි උන් සියල්ලනි ... යම්කිසි අපහසුතාවයකට පත්වන්නේ  නම් සමාඋව මැනව

මින් පසු අටම්පහුර , අටම්පහිය , ස්ටිච්මෙක් , සහ මහනමැසිම යන නම්වලින් වෙන වෙනම බ්ලොග් අඩවි පවත්වාගන යාමක් සිදු නොවන අතර ... ඒ සියල්ල අටම්පහුර බ්ලොග් අඩවිය වෙතට එක්කරනු ලැබේ.

අටම්පහිය නම් මාගේ බ්ලොග් සින්ඩිකේටරයක් වාගේ  බ්ලොග් රෝලට ඔබ ලබාදුන් සබැදියන් එලෙසින්ම ක්‍රීයාත්මක වන අතර ... එය ක්ලික් කල සැනින් ... අටම්පහුර බ්ලොග්  අඩවිය වෙතට පැමිනීම සිදුවන අතර , ඒ සදහා අටම්පහුර බ්ලොග් අඩවියේ මැද කොටසේ ඉහල කෙලවරේ ....බ්ලොග් අඩවියේන් 50% ඉඩ ප්‍රමාණයක් වෙන්කර ඇති අතර , එක්වරකට බ්ලොග් අඩවි 25ක්  අවසන් ලිපිය පලකල වේලාව මූලික කරගන යවත්කාලිනවන අතර ,   Show All  බොත්තම එබීම මගින් පිටුව මත දිස්වන බ්ලොග්  අඩවි 25 ට කලින්  ලිපි පලකල බ්ලොග්  අඩවි වල ලිපි කියවිය හැක.

දැනට මා දුටු සියලු බ්ලොග් අඩවී මෙම ලයිස්තුවට ඇතුලත්ව ඇති  අතර , අටම්පහියට එක්ව තිබී මගහැරුන   කිසිවක් ඇත්දැයි දැනට පරික්ෂාකරමින් සිටින අතර ... ඔබේ බ්ලොග්  අඩවිය අටම්පහුර නවතම බ්ලොග් රෝලට ඇතුලත්ව නැත්නම්  atampahura@gmail.com  වෙතට බ්ලොග් ලිපිනය එවීමට කාරුණිකවන්න.

2018-05-06

How to automatically redirect Blogger blog to another blog or website , බ්ලොග් එකකට පැමිනෙන අමුත්තන් වෙනත් බ්ලොග් එකකට හරවා යවන ආකාරය


<script type='text/javascript'>
2  var d='<data:blog.url/>';
3  d=d.replace(/.*\/\/[^\/]*/, '');
4  location.href = 'හරවා යවන ලින්ක් එක';
5</script>



පහත තියන කෝඩ් එකේ ලින්ක් එක දෙන්න තියන තැනට හරවා යැවිය යුතු බ්ලොග් එකේ  ලින්ක් එක දාන්න ,

 ඊටපස්සේ  ඒක කොපි කරගන හරවා යවන බ්ලොග් එකේ ඩෑෂ් බෝඩ් එකට ගිහින් , 

ටෙම්පලේට් සිලෙක්ට් කරලා , එඩිට්   HTML  සිලෙක්ට් කරලා ඔබට පෙනෙන ටෙම්පලේට් කෝඩ් එකේ කැමති තැනක් ක්ලික් කරලා   CTRL + f   ඔබලා දකුනු කෙලවරේ උඩින් මතුවන පොඩි සර්ච් බොක්ස් එකේ    <head>   කියලා ටයිප් කරලා එන්ටර් ඔබන්න. 

එතකොට ලාකොල පාටින් හයිලයිට් වෙච්ච හෙඩ් එක ඔයාට පෙනෙයි ... අන්න ඒ <head>    එකට යටින්   කොපිකරගත්ත කෝඩ් එක දාල සේව් කරලා , බ්ලොග් ලිපිනය සර්ච් කරලා බලන්න.


<script type='text/javascript'>
2
  var d='<data:blog.url/>';
3
  d=d.replace(/.*\/\/[^\/]*/, '');
4
  location.href = 'මෙතනට ලින්ක් එක දාන්න';
5
</script>

ස්තුතිය// කාලිංග ඇතුලත්මුදලි

2018-05-05

උතුරු කොරියාවයි දකුණු කොරියාවයි .... ආයෙත් වෙන් නොවෙන්ඩම ... එකතු උනොත්





උතුරු කොරියාවයි දකුණු කොරියාවයි .... ආයෙත් වෙන් නොවෙන්ඩම ... එකතු උනොත් ... අපේ අතිගරු ජනාදිපති තුමා රටවල් දෙකටම සම්බාධක දායිද , ආ  නැනේ  එතකොට එක රටක්නේ  .... එහෙම එක රටක් වෙනකොට අකුල ගන්නේ උඩහ එක්කෙනාද පහල එක්කෙනාද ... එහෙම වෙන එකක්  නැ නේද  ... ඔය මොකක් හරි ජිල්මාට් එකක් දෙන්න එකතු වෙලා දාගනී නේද ... එතකොට උන් දෙගොල්ලෝ කෙලගන්නකං බලාන හිටපු උන්ට මක් වෙයිද .... එහෙම නැති උනත් , එහෙම උනත්  අපිට කෙලවෙයිද ... බොහොම  අමාරුවෙන් ජීවත් වෙන ... එකම භාෂාව කතා කරන සැට් එකක් , අල්ලපු රටේ  ඉන්දැද්දි ... අපේ  කොල්ලන්ව වැඩට ගනීද , මේක අපිට කෙලවෙන පොටක්  නෙමෙයිද සහෝදරවරුනි.

2018-05-01

මගේ හොදම ගුරුවරයා...



උපාධි ප්‍රදානෝත්සවයෙන් පසු ගෙවුනු මුල් දින කිහිපයේ එතරම්ම අලසකමක් නොදැනුනත් එන්න එන්නම අලසකම තදින්ම දැනෙන්නට පටන් අරන් ඇත්තේ දහවල් කාලයේ මා නිවසේ තනියම සිටින නිසා විය යුතුය. අම්මා අප අතරින් වියෝවන විට මට අවුරුදු පහලවක් පමණය. මගේ පියා ගමේ පාසලේම ගුරුවරයෙක් නිසාවෙන් අපටද ගමේ පිලිගැනීමක් තිබිනි. පවුලේ බාලයා වන මට වැඩිමහල් සහෝදරයෙකු සිටියි. තරමක දඩබ්බර ගති පැවතුම් වලින් යුතු ඔහු හංදියේ මුදලාලිගේ බසයේ රියදුරාය
.
අයියාගේ රියදුරු රැකියාවට අප්පච්චි තදින්ම විරුද්ධ වූවත් අයියාගේ ආසාව එයම විය. කුඩාකල සිටම කිසිවෙකුගේ බසට කන් නොදුන් ඔහු තමාගේ මතයම පමනක් ක්‍රියාවට නැංවූ අයෙකි. පාසල් අධ්‍යාපනයටත් වැඩි කැමැත්තක් නොදැක්වූ ඔහු සාමාන්‍ය පෙළ විභාගයෙන් පාසල් දිවිය නතර කලේය. ගුරුවරයෙකු වූ අප්පච්චිට මෙය මහත් කලකිරීමට ලක්වූ කරුනක් වුවත් , පාසලේ සිටි දක්ශතමයන් අතරින් මම ප්‍රමුඛතාවක් ලබාගත් බැවින් අප්පච්චි එතරම්ම කනස්සල්ලෙන් පසු නොවීය. මේ හේතුව නිසාම ගෙදරින් වැඩි ආදරයක් මට ලැබුනු බවක් හැගුනි..

ගෙවුනු පාසල් කාලය පිලිබඳ සිතුවිල්ලෙන් පියවි සිහියට ආවේ මිදුලට පැමිනි වාහනයක සද්දෙනි.
"බට්ටො කොහොමද භාණ්ඩේ"

අයියා හඩ අවදි කලේ මිදුලේ තිබුනු අලුත්ම වෑන්රිය පෙන්වමිනි.. කුඩාකල සිටිම කුඩා ඇගක් තිබුනු මට අයියා කතා කලේ බට්ටා නමිනි. ඒ නමින් මා ඇමතීමට ඔහුට තැනක් නොතැනක් නැත. ඒනිසාම ඒ නම මට මහත් හිසරදයකි.

"ශා.. මරුනේ.., ඉස්සෙල්ලාම දේවාලෙට ගිහින් එමු නේද.."

මම ඔහුට පිලිතුරු දුන්නෙමි...

"අනේහ් උබේ දේවාලේ තියාගනින්.., මහලොකු උපාධි කාරයා ඒ උනාට ඉන්නෙ හනමිටි කාලේ.."

2018-04-27

අඩු මුදලකින් පහසුකම් සහ ඉඩකඩ ඇති ලේන් කූඩූවක් සාදාගන්නා ආකාරය



දැං මාසෙකට හමාරකට විතර කලිං මල්ලිිලැ ගෙදර බිත්තියේ ගහලා තිබුන මුට්ටියක ඉදලා ලේන් පැටියෙක්  බිම වැටිලා , අපේ පොඩි එකි ඇවිත් මට කියනවා

තාත්තේ තාත්තේ එන්ඩ ලේන් පැට්ටෙක් වැටිලා ඉන්නවා කියල

ආ එහෙනං ඔය සීයට හරි   මාමට හරි කාට හරි කියන්ඩ  ඇරං උඩින් තියන්ඩ කියල

මං කරබාගන නිකං හිටියා

මොකද ඔය ගෙවල් වල සත්තුන්ට මුට්ටි එල්ලනවට කූඩු කරනවට අකමැති හන්දා , එහෙම තියන හන්දනේ කැලැ  සත්තු ගෙවල් අස්සේ පැටව් දාන්නේ , එන්ඩ එන්ඩ සද්දෙ වැඩියි   බැස්සා එලියට

ඔන්න එතකොට තමයි තාත්තා කියුවේ  ... ඊයේ  ලේනෙක්ව පූසා ඇල්ලුවා ... මම බේරගන්න කොටත්  මැරිලා  ... වලළලා දැම්මා කියලා ...

මම  ඉතින්  ගත් කටටම  .... අපරාදේ ඔයා  පූසගේ  කෑම වේල මිස්කරලා කියල ඇවිත්  හතු වාගයක් කඩන්ඩ ගත්තා

2018-04-02

කිරි පීල්ල



මොනවදෝ මන්දා තඩි ගෝනි දෙකක්  බරට බරේ උස්සගන ආපු තාත්ත රාස්පාන් ගොඩක් බිම අතඇරෙන සද්දෙං බිමට දැම්මා

මොනවද තාත්තේ

තහඩු කෑලී

මොනවටද

වැඩකට

මොකක්ද වැඩේ

කෝ අර රේල් පීලි කෑල්ල

තියනවා ආවුද පෙට්ටිය යට

ඒක අරං එනවකො

බරයිනෙ

බරයි තමා යකඩනේ

මං ඉතින් බැරි බැරි ගාතේ ඇගට හේත්තු කරගත්ත රේල් පීලි කැල්ල උස්සං ඇවිත්  බිම අත අරිනවා

මෝඩයා  සිමෙන්තිය කැඩෙනවා

කියන තාත්ත කාකී ෂර්ට් එකයි කලිසමයි ගලවලා සරමට බැහැලා , බිෂ්ටල් එකක් පත්තු කරගන බිම ඉදගන රේල් පීලි කෑල්ල ලංකරගන්නවා නමාගත්ත කකුල් දෙක ලගට

ලොක්කෝ අර කියත් පටි ෆ්රේම් එක ඇරං එනවා

මං ගිහිං ඉතින් ඒකත් අරං එනවා , තාත්ත රේල් පීල්ලේ එක කොනකට වෙන්ඩ සෙන්ටි මීටරයක් විතර තියලා  සෙන්ටි මීටර් බාගයක් විතර යටට කපනවා , කපන්ඩ ලේසි නැ

තලේ  කැපෙන්නැ

කොහේ කැපෙන්ඩද හැම රෙද්දෙම උලලා කනවනෙ  , අනික රේල් පීලේ යට පැත්තට වඩා උඩ පැත්ත හයියයි

2018-03-28

ඕලෝන්




වින්කරලත් දෙන්නම

අල්ලපු සත්තු මම

එකදාස් එක සීයද

වෙන්ඩ බැ කොහොමටත්

අඩුවෙං ගෙව්වාද මට

තුන්ඩුව වරද්දල ලියුවද






2018-03-20

පරි ඇටයේ ... පරිවාසේ


තෙමි තෙමිම ඇවිත් .... වැහි සද්දෙටම ගෙට ගොඩ වෙනකංම්ම ඇහුන්නැ ......  අනේ ඒයි  ඔහොම ඇගපිහදගන වෙන සරමක් කමිසයක් ඇදං අපි යමුනේ

අම්මට මිනිහෙක් ‍හොයන්ඩද

ඉදා ... මේ මොකද මේ   ගෙට ගොඩ වෙච්ච ගමං ... උදේ හවා බුදුන් වදින මයේ අම්මට මිනිස්සු හොයන්ඩ යන්ඩ හදන්නේ ..... අනේ මේ ඔයාලගේ අම්මට හොයලා දෙන්ඩ ... අපේ අම්මට නං එහෙම අමාරුවක් නැ

කට වහගන පැත්තකට වෙලා ඉන්නවා ඕයි .......  තවත් මගේ මාරයා අවුසන්නෙ නැතුව

ආ අද මෙයාට ජයයි  වගේ ......... ඒකනේ මේ   කටේ මෙච්චර සැර..... ගෙට ගොඩ වෙන්ඩම කලිං....... ස්ටැන්ලියගේ ගිණි වතුර කටට හලාගන ඇවිත් ............. අනේ අම්මපා ඕකුන්ට බොකු බඩ යන්නේ   නෑනේ

ගියා ස්ටැන්ලියගේ අම්මට........ මම තොට කියන්නැ

2018-03-12

දියව් දියව්..... අපිට දියව් ..... නෙට් නිදහස අපට දියව්



මං දන්න වයසක නෝනා කෙනෙකුයි මහත්තයෙකුයි ඉන්නවා අපේ මේ ගෙවල් ලගම  , මම එයාලව අදුරගත්තේ ඒ නොනගේ මහන මෙසිම හදලා දෙන්ඩ ගිහින් , දැ ඒ ඇදුනුං කමට අවුරුදු ගානක් වෙනවා. පස්සේ ඉතින් ඔය , පිච්චිච්ච බල්බ් මාරුකරන ඒවා  කොමිපිටරේ ස්කයිප් එහෙම දාල දෙන ඒවා වාගේ පොඩි පොඩි වැඩ එහෙමත් කරලා දෙනවා. මොකද ඒ ගෙදර මහ ජෝඩුව ඇරුනහම වෙන කවුරුත් නැ , කෙල්ලයි කොල්ලයි දෙන්නම රට ,  පෙරෙයිද  ඒ ඇන්ටි අපේ ගෙදර එනවා ළමයින්ට කතා කරන්ඩ බැ කියල ෆෝන් එකත්  උස්සං , ඉස්සර කොම්පියුටරෙං ස්කයිප් පාවිච්චි කලාට දැං එයාල පාවිච්චි කරන්නේ , වයිබර් , ෆේස්බුක් මැසෙන්ජර් එහෙම .... අනේ  ඉතින් වැඩේ  ගොඩ දාල දුන්නා .... මෙන්න  ආයෙත්  දැං ටිකකට කලින් ආවා ආයෙත් වැඩ නැ  කියල , ආයෙත් වෙන එකක් දාල දීලා ඇරියා. කොච්චර කාලයක් අල්ලලා හිටීද දන්නේ  නැ.

2018-03-08

singer zig zag sewing machine 974 , 1288 , 288 , 247 නූල් බුරුල් ලෙඩේ , නූල් කැඩෙන ලෙඩේ හදාගන්නේ කොහොමද

මේ මොඩල් එකේ සිග්සැග් මෙෂින්  තමයි ලංකාවේ ගෙවල්වල වැඩියෙන්ම තියෙන්නේ , මොඩ්ල් නම්බර් එක වෙනස් උනහම සුලු සුලු වෙනස්කම් කිහිපයක් තිබෙනවා උනාට මූලික සැකැස්ම සහ උපාංග බොහෝදුරට සමානයි. පාවිච්චි කරන අයට නිතරම එන ප්‍රශ්න දෙකක් තමයි , නූල් කැඩෙන ලෙඩෙයි යට නූල් බුරුල් ලෙඩෙයි , ඒ දෙකට තමන්ටම කරන්ඩ පුලුවන් අත් බෙහෙත තමයි මේ ලියන්ඩ යන්නෙ.



ඉස්සෙල්ලාම ටෙන්ෂන් කප් එක එලියට ඇදලා ගලවලා කෑලිටික අනාගන්නෙ නැතුව පිලිවලින් තියාගන්න

2018-03-06

How to maintain swimming pools , පිහිනුම් තටාක නඩත්තුව සරලව සිංහලෙන්




                                                     
 ( මල්ටි ෆෝට් වෑල්වය )


( 1 )

පිහිණුම් තටාකයේ පතුලේ රැදෙන අපද්‍රවය්‍ය වැකියුම් කර ෆිල්ටරය මගින් පිරිසිදු කොට නැවත පිහිණුම් තටාකයට එක්කිරීම

2018-03-03

වඳ සැත්කම්


මගේ ප්‍රීයාදර දයාබර පාඨක පාඨිකාවන්ට මතකද දන්නේ නැ අර හොදට පස්සෝනවා  කතාවේ අනුරයයි දම්මිකයයි , ඔන්න ඉතින් තව දවසක් අපි මැටි ගහලා හදාපු දම්මිකය තනියම ජීවත් වෙච්ච ගෙදර තුන්දෙනා එක්ක කයියක් ගහගන ඉන්නවා , ඔව් ඔව් එදත් මලක් ලයින් කරන ගමං තමා , ඒ  ගෙදර ඉතින් හෙන නිදහස් දම්මිකයා විතරයි හිටියේ  ඒ වත්තේ මීටර් සීයකටත් එහා පැත්තේ උන්ගේ මහ ගෙදර තිබුනේ ..... සමහර වෙලාවට කොල්ලො පිරිලා , ඔය එහෙං මෙහෙං හොයාගත්ත වේට් සෙට් එකක් , බංකු , ඇදක් , පැදුරු තව දම්මිකයගේ  පොත් පත් මේසය ආ තව ලොකු කන්නාඩියක් තිබුනා. ඊට අමතරව එහා කෑල්ලේ පොඩි කුස්සි කෑල්ලක් තිබුනා .... වෙන මොකවත්ම නැ .... බෝල කුඩුවෙයි .... ඉස්කීරීමෙයි .... රෙදිනං තිබුනා එක එකාගේ. කොල්ලොන්ගේ වැඩේ සිකරට් ගහනවා මල් ගහනවා අරක්කු බියර් ලැබුනොත් ඒවත් බොනවා .... වේට් කරනවා , කන්නාඩිය ඉස්සරහට ගිහිං පුම්බල බලනවා ..... බලාන ඉන්දැද්දි ඇට ගැහෙනවා ගැන්සියම.

2018-03-01

ටැබ් දුන්නොත් මක් වෙයිද


ඕක දැන් කෙරෙන්නේ නැ කියුවට අකිල කියල තියනවනේ කොහොමහරි කරනවා කියල , ටීචර්ල නං කියනවා මුං හොරාට ෆෝන් ඇරං ඇවිල්ලත් බ්ලූ බලනවා ... ටැබ් දුන්නොත් අම්මට සිරි වෙයි කියල .... දැං එහෙම නැතෙයි කියල මුං බ්ලූ නොබල ඉන්නවද. ඔය අපේ කාලේ ටීචර්ලා ප්‍රජනනය පාඩම කොරන එක මග ඇරලා , එක පාර කොල දෙකක් පෙරලලා අනිත් පාඩමට ගියා .... අපි වල් පත්තර බැලුවා .... යාළුවන්ගේ ගෙවල් වල ගිහින් වී එච් එස් බැලුවා .... ගැරිජ් වල ඉන්න උන්ගෙනුයි ... මේසන් බාස්ලගෙනුයි .... නෑදැ අයියල ගෙන් ටීචර්  පෙරලපු කොල දෙක ඉගන ගත්තා. ( ප්‍රයෝගික ක්‍රීයාකාරකං අක්කල කියල දුන්නා . නංගිල එක්ක වැඩිදුර අද්‍යයන කටයුතු සිද්ධකලා ) දැං ආන්ඩුවෙං  ටැබ් නොදුන්නා  කියල මුං බ්ලූ නොබල ඉදි නේ  .... පව් ඉතින්.

2018-01-09

පාර දිගේ



කටුක අතීතය
හිත පෑරෙන අද
කුමක් වේවිද මට
අවිනිෂ්චිත හෙට

Blog Archive

popular articles of today

Popular articles of this year

Always popular articles