මාතු පාදං පීතු පාදං අමත පදං

පෝප් .....පෝප් ..පොං .......පෝං

බාප්පට මොටෝ සයිකලේ හොන්එක, ෂා මරු කුකුල් මස් කන්ඩත් පුලුවන්, ජුජුස් හිටන් ගෙනත් ඇති.

‘‘ ලොක්කෝ කෝ උඔලැ තාත්ත ‘‘

‘‘ තාත්ත නිදි ‘‘

‘‘කෝ කතා කරහං  ,  මේ  යකා මොකද බුදි , දවල්ම ගහලද ‘‘

‘‘ තාත්තේ මේං බාප්පල ආවෝ....‘‘

‘‘ වැඩක් නැ උපාලි මල්ලියේ කියල , බිස්නස් යනව කියල ඊයේ ගිහින් අද ආවා . අර පඩි බාගේ මෙච්චරක් හම්බෙනව කියල දන්න හන්ද ඒක යන්තං බේරෙනව , වෙන නං ඉතින් බඩු මල්ල උස්සගන ගිහිං හම්බෙන දෙයක් නැ ‘‘

‘‘ මේ ලොකු නංගි ...උඹල ජුජුස් ගෙනාවේ නැද්ද ‘‘

‘‘ ජුජුස් නැ ..ටිපි ටිප් ගෙනාව ‘‘

‘‘ ටිපි ටිප් ‘‘

‘‘ ඔව් ටිපි ටිප් අපේ තාත්ත වැඩට ගිහින් එනකොට හැමදාම ගේනව .... තමුසෙල  කාල නැද්ද ‘‘

‘‘ ඉතින් දෙනවකෝ ‘‘

‘‘ අර මල්ලෙ ඇති බිස්කට් ටින් එකත් එක්ක‘‘

‘‘ සීතා පුංචීඊඊඊ....‘‘

‘‘අනේ ලොකු පුතේ .....ගොඩ දවසකින් මගේ කොල්ලව බලන්ඩත් ආවේ නැ ... මේ බාප්ප එක්ක එන්නේ නැ නේ පුතේ මාව . එයා එනව නේද මෙහේ තාත්ත එක්ක , නංගිල දෙන්නයි මායි ගෙදර ‘‘


‘‘ පුංචිඊඊඊඊ ‘‘

‘‘ ඉන්ඩ පුතේ ටිපි ටිප් තියනව ‘‘

‘‘ ජුජුස්වගේද ‘‘

‘‘ නැ මේ තියෙන්නේ ‘‘

‘‘ හැඇහඇැහැැ ....ඹ්ක මට ඕනේ ඒ ඒ ඒ ඒ‘‘

‘‘ ආ මේක සුදු පුතාට ‘‘

‘‘ මොනවද පුංචි මේක ඇතුලේ ‘‘

‘‘ කෝ දෙන්ඩ කඩල දෙන්ඩ ‘‘

‘‘ නිකං හුළං වගේ ‘‘

‘‘ හුළං තමා රස විතරයි ‘‘

‘‘ මොනවැයින්ද පුංචි මෙව්වා හදන්නේ ...රසම රසයි ‘‘

‘‘ පිටිවලින් වෙන්ඩ ඇති රස වෙන්ඩ තව මොනව හරි ඇති ‘‘

‘‘ සීතා අර කුකුලව දෙනවකේ ලොකු අක්කට හදන්ඩ ‘‘

‘‘ ලොකු අක්ක ඒක හදනව ‘‘

තැබීලි පාට , එතකොට මේක කුකුල් පැටියෙක්ද , තාර පැටියෙක්ද   , කටට දැම්මහම නිකම්ම දියවෙනව , සැර රසයි ලුණු රසයි , අප්පෝ ජුජුස් මොන ජරාවක්ද , බාප්ප එනකොට අායෙත් මෙව්වා ගේයිද දන්නැ . .....එහෙම නැති උනොත් ....ආයේ නොගෙනාවත් මොකැ ...මං ලොකු වෙලා රස්සාවක් කරල කන්නේ මෙව්වාමයි


‘‘ ලොකු අයියේ අපි සෙල්ලං කරමු ‘‘

‘‘ එහෙනං ගුටි පන්දු ගහමු ‘‘

‘‘ ඒ මොකක්ද ඒ ‘‘

‘‘ බෝලෙන් තමුසෙගේ පිට පැලෙන්ඩ ගහනව තමුසේ මට ගහනව ‘‘

‘‘ අපෝ මටනං බැ රිදෙන සෙල්ලං කරන්ඩ ‘‘

‘‘ ඉතින් බෝලේ අහුලල තමුසෙ අපිටත් ගහනවනේ . සෙල්ලම කරමු කෙල්ලො කොල්ලෝ ‘‘

‘‘ අපෝ අපේ නංගිට තාම ඔව්වා බැ ‘‘

‘‘ ඉතින් අපේ සුදුවටත් බැ ‘‘

‘‘ එයා ඉතින් මගේ වයසෙනේ ...ඒක හරියන්නේ නැ ..අපි හංගන හොයනක සෙල්ලම කරමු ‘‘

‘‘ අපෝ ඔය මෝඩ සෙල්ලං අපි නං දන්නැ ‘‘

‘‘ දැන් අපි තුන් දෙනාගෙං එක්කෙනෙක් මොනවහරි හංගනව , අනිත් දෙන්නා හොයනව , හොයාගන්න එක්කෙනයි හංගපු එක්කෙනයි ඉතුරු වෙනව , බැරි වෙච්ච එක්කෙනා ඉතුරු වෙනව , එයා තමයි ඊලගට හොයන්නේ ‘‘

‘‘ දැන් එතකොට ලංවෙන කොට ගිනි ගිනි කියලත් කියනවද ‘‘

‘‘ ඔව් ඈත් වෙනකොට ඇල් ඇල් කියලත් කියනව ‘‘

‘‘ ඉතින් ඕයි ඔක ඇල් ගිනි සෙල්ලමනේ ‘‘

‘‘ එව්වා අපි දන්නැ ...හාද ..බෑද ‘‘

‘‘ එහෙනං හා ‘‘

‘‘ මොකක්ද දැං හංගන්නේ ‘‘

‘‘ මගේ ටෙනිස්බෝලෙයි නලාවයි පිස්තෝලෙයි හංගමු ‘‘

‘‘ අපෝ ඕන්නැ ..ඔව්වට මොනවහරි උනහම අම්මට කියල මාව අල්ලයි ...අනික මොකටද තුනක් , එකක් තිබ්බහම මදැ හංගන්ඩ ‘‘

‘‘කමක් නැ ලොකු අයියේ ..අපි තුන් දෙනයි නේ දැන් සෙල්ලමට ඉන්නේ අඩුවෙන්ම හොයාගන්න එක්කෙනා කැචර් කරමු ‘‘

‘‘ මගෙනෙ සෙල්ලංබඩු මමයි ඉස්සෙල්ලම හංගන්නේ ‘‘

‘‘ හා හා හංගගන්නව ඉතින් ‘‘

‘‘ මං හංගන්නේ ගේ ඇතුලේ , දෙන්නම එලියට යන්ඩ ඉතින් ‘‘

‘‘ හැබැයි ඔන්න ඇල් ගිනි හරියට කියන්ඩ ඕන හරිද ‘‘

‘‘ මේ ..ඔය කෙල්ලවත් අල්ලගන නැටුවට කමක්කැ .....ගේ අස්සේ බෙරිහං දෙන්නේ නැ හරිද ...මෙතන කනක් ඇහෙන්ඩ නැතිවෙන්ඩ ‘‘

......................හැච හැච හැච හැච තමා සෙල්ලමක් කරන්ඩත් නැ ........

‘‘ මොනවද උඹ මුනු මුනු ගාන්නේ ‘‘

‘‘ ..නැං..නැනැ ...තාත්තේ නැ... ‘‘

‘‘ මොනවද නැත්තේ .......මං මොනවහරි කියුවහම එකට එක කියන්ඩ ඇවිත් කනපාලාගන්ඩ එපා ‘‘

‘‘ හං...මං මොකවත් කියුවෙත් නැ ......බොරුවට මට තමා හැම වෙලේම බනින්නේ ......හඅ...හඅ..‘‘

‘‘ නිකං හිටහං සුසිල් අයියේ උන්ට ඕන එකක් කරගන්ඩ දීලා ‘‘

‘‘ නැ ඔයා දන්නැ උපාලි මල්ලි ටිකක් බුදියගන්ඩ හැදුවේ දෙකෙ ඉදන් බලහං දැන් පහත් පහු ..සැරින් සැරේ අර පොඩි එකාවත් අවුස්ස අවුස්ස බෙරිහං දෙනව ‘‘

‘‘ ඉතින් මමයැ ...සුදුනේ හැම වෙලේම මට වද දෙන්නේ .. ගොං බූරුව කරන වැරදි වලට මට තමා බනින්නේ ....දවස් කීයක් මට චුටි මිටියෙන් ගැහුවද ...ගුටිකාලත් මං තමා වැරදි ...එයාගේ වැරදි පේන්නේ නැ ‘‘

‘‘කවුද බූරුව ...හිටපං වංජුලය මං චූටි මිටිය ඇරගන එන්නං ‘‘

‘‘ ඔය ..ඔය පේනවනේ ...පුංචි ....මූ හැමදාම මට මිටියෙන් ගහනව , ඒක විසික් කරන්ඩ දෙන්නෙත් නැ ..වටිනව කියල , මුගෙන් ගුටි කන්ඩත් ඕන , මේ දෙන්නගෙන් ගුටි කන්ඩත් ඕන ‘‘

‘‘ උඹ මොකද ලොක්කෝ ගිරිය පුප්පන්නේ තාත්තට ‘‘

‘‘ හී ..හී බාප්පත් බනිනව ඇ..ඇ මට තමා හැමෝම බනින්නේ ‘‘

‘‘ මගේ පුතා ඔය බාප්ප කියන ඒවා ගනන් ගන්ඩ එපා ...හා හා සුදුත් ගිහින් නංගි එක්ක සෙල්ලං කරන්ඩ.........ඔයත් නිකං ඉන්ඩකෝ උපාලි පොඩි උන්ව අවුසන්නේ නැතුව ‘‘

‘‘ නැ මං කියන්නේ .. අපි අපේ දරුවෝ හොදට හදාගන්ඩ ඕන ... නැද්ද මං කියන්නේ සුසිල් අයියේ ......ඔන්න තව එකක් දාගනින්  සුසිල් අයියේ .....කුකුල ඉදෙනකොට බැරියැ .... ඊයේ බැලැක් ඇන්ඩ් වයිට් දෙකක් හම්බුනා .....එකක් අද දවල් වෙනකොට  ඉවරයි ....අද මෙහේ එන්ඩම කියල තියාගත්ත මේක ‘‘

‘‘ මාත් දවාලේ එන ගමන් නිට්ටඹුවෙන් ටිකක් අරගන ඇවිත් නිදාගන්ඩ හැදුවේ ‘‘

‘‘ සීතා බලනවකෝ අරක හරිද කියල ‘‘

‘‘ ටිකක් ඉන්ඩ උපාලි තාම තැම්බෙනව .....ඇ සුසිල් අයියේ අපේ කුස්සියේ දෙතුන් දාහකට උයන විදිහ දැක්කනං මෙයාල දුහනව ‘‘

..............අදනං බාප්ප මස් කන්නැතුව බොන්ඩද කොහෙද හදන්නේ ..අපිට හොදට කෑවහැකි නැත්තං වෙනද බොන ගමං ඔක්කොම ටික කාල , බත් කන්ඩ මේසෙට තියන ටිකත් කාල ... තව ලොකු අක්කේ මස් ඉවරද කියල අහන එකනේ .............. අම්ම හංගල තියන කෑල්ල තමයි ඉතිං අපිට....

‘‘ රයිටෝ ඔන්න හැංගුවෝ ‘‘

‘‘ දෙන්නම එකතැන හොයල වැඩක් නැ ලොකු නංගි තමුසෙ ඔය පැත්තේ හොයනව ‘‘

‘‘ ඉතින් සුදු අයියේ ගිනි නං ගිනි කියනවකෝ ‘‘

‘‘ අප්පෝ ඇල්ම ඇල් අයිස් වගේ ‘‘

‘‘ ඉතින් එහෙනං ඇල් කියලවත් කියහංකෝ ‘‘

‘‘ අපෝ මට බැ ඇල් ගිනි ඇල් ගිනි ගාන්ඩ හැම වෙලාවෙම ...ගිනි වෙලාවට ගිනි කියල විතරක් කියනව ‘‘

‘‘ අප්පෝ අයියේ එහෙම බැ හලෝ ‘‘

‘‘ මාත් ඒකනේ කියන්නේ මූත් එක්ක බැ කියල . මට බැ මං යනව‘‘

‘‘ මොනවද පුතේ ඔය බලන පත්තර‘‘

‘‘ ලොකු අක්කගේ පරන විදුසර පත්තර පුංචි , ටල්ලම්මලැ දිහා ගියහම ඉල්ලං ආවා ‘‘

‘‘ මේවැ තියන ඒවා තේරෙනවද ‘‘

‘‘ ඹව් ‘‘

‘‘ අනේ ලොකු අයියේ එනවකො හලෝ සෙල්ලං කරන්ඩ ‘‘

‘‘ මට බැ ඔය පැනි සුදුවත් එක්ක සෙල්ලං කරන්ඩ ‘‘

‘‘ අනේ එනවකෝ ‘‘

‘‘මට බැ මං පත්තරේ බලනව‘‘

‘‘දැං මෙහෙමනේ සුසිල් අයියේ අපි දේසපාලනේ කරනකොට දෙපැත්තම හොදට තියාගන්ඩ ඕන , ..මේ ලගදි පේමදාස හම්බෙන්ඩත් ගියා අපි , ....ලබන පාර ඉල්ලන්ඩ ටිකට් එක දෙන්නං කියලත් කියුවා . ......මං බැ කියුව බං ............මොකද ඒ පැත්ත එහෙමයි කියල මට මැතිනිගාවට අනුරගාවට යන්ඩ බැරිද .............මහිපාලල , ආතාඋදල , ෆාරුක්ල එක්කත් අඩියක් ගහල ඉන්න මට ඔය ඕන තැනකට රිංගත හැකි ......අපේ ජයන්ත අයියා අනාගත්තේ ඔතන තමා ‘‘

‘‘ ඉතින් මගේ රස්සාව හදා දියංකෝ ‘‘

‘‘ ටිකක් හිටහංකෝ ...මං මේ කොමසාරිස් ලගටම යන්ඩ පොටක් පාද පාද ඉන්නේ ‘‘

............අනේ අපේ තාත්තත් මෙයාගේ පංපෝරි නොදන්නව වගේ අහන හැටි ..........

‘‘ ඉස්සරනං මගේ හිතවතා දැන්නං මතකත් නැතුව ඇති ...එව්වයෙන් කමක් නැ ඇමතිතුමාට කියල කෝල් එකක් දම්මල ගියානං හරි .... කොහෙද ඉතින් උඹලත් දාගන්නේ ගිහිං කතාකරන්ඩ පුලුවන් ලෙඩයැ . .....ලොකු මහත්තුරුන්ට ගහන්ඩ ගියහම ඒ මිනිස්සු ගන්නෙත් ඒ පැත්තනේ සුසිල් අයියේ ‘‘

‘‘ ඉදපංකෝ උපාලි මල්ලියේ මං ඕකුන් ඔක්කොගෙම අම්මලට හමන්නල ගන්ඩ ‘‘

‘‘සීතා තව මස් ටිකක් අරගන එනවකෝ ‘‘

‘‘ ඕන්න මෙච්චරයි තියෙන්නේ ...අනිත් ටික බත් කන්ඩ ‘‘

‘‘ බත්නං බඩ පැලෙනකං කන්ඩ බැරුවැ ලොකු අක්කගේ පොල් සම්බෝලෙත් එක්ක ‘‘

.............හරි වැඩේ අදත් සම්බෝලයි බතුයි තමා ............

‘‘ අනේ ලොකු අයියේ එකපාරකට එනවකෝ සෙල්ලං කරන්ඩ , ඔයා හංගන්ඩ අපි හොයන්නං ‘‘

‘‘ හරි එහෙනං දෙන්න ගේ ඇතුලට වෙලා ඉන්නවල , මං එලියේ හංගන්නං ‘‘

‘‘ හැබැයි ලයිටි එලිය වැටෙන හරියේ හරිද , අපිට බැ ඈත කරුවලේ  හොයන්ඩ ‘‘

‘‘හරි හරි එහෙනං ඔහොම ඉන්නවල ...හොරෙන් බලන්නැ හරිද ‘‘

............කොහෙද මේක හංගන්නේ ......හරි දෙන්නං වැඩේ වලස් ඇදිරිය වැට අස්සේ තුන් පොලක හැංගුවහම හොයයි මුං ඇටේ.......

‘‘ හරිදෝ ...ඔන්න අපි එනවෝ ‘‘

‘‘ ලොක්කිට ඇල් ඇල් , සුද්දට ගිනි ගිනි ‘‘

‘‘ ලොක්කිට ඇල් ඇල් , සුද්දට ගිනි ගිනි ‘‘

‘‘ ලොක්කිට ඇල් ඇල් , සුද්දට ගිනි ගිනි ‘‘

‘‘ ලොක්කිට ඇල් ඇල් , සුද්දට ගිනි ගිනි ‘‘

‘‘ හරි හරි එහෙනං මෙහේ තමා ‘‘

‘‘ ලොක්කිටත් ඇල් සුද්දටත් ඇල් ‘‘

‘‘ ලොක්කිටත් ඇල් සුද්දටත් ඇල් ‘‘

‘‘ ලොක්කිටත් ඇල් සුද්දටත් ඇල් ‘‘

‘‘ මේ අයියේ තමුසෙ බොරු නේද ඔය කියන්නේ ...වෙන තැනක හංගල ...අපිට බැ අපිට බැ ‘‘

‘‘ පිස්සුද ඕයි ..එහෙනං හම්බුනහම බලනව , හොයාගන්ඩ බැරි උනාට මං පලිද ‘‘

‘‘ ලොකු දුවේ තුන්දෙනාම එන්ඩ බත් කන්ඩ ..හොදටම රැ උනා දැං අච්චි අම්ම පන්සල් ගිහින් ඇවිල්ලත් ඇති ‘‘

‘‘ අපි තව ටිකක් සෙල්ලං කරල එනේ ‘‘

‘‘ මේ උඹල දෙන්න  බත් කන්ඩ එනවද ..ගුටි කනවද ‘‘

‘‘ හා අම්මේ ‘‘

‘‘ ලොකු අයියේ අපි ටක්ගාල කාල ඇවිත් යන්ඩ කලින් ආයෙත් හොයමු ‘‘

‘‘ අම්මේ වෙන මස් නැද්ද ‘‘

‘‘ වෙන නැ ඔච්චරයි ‘‘

‘‘ එහෙනං මල්ලිටයි නංගිටයි දෙකක් දීලා තියෙන් ‘‘

‘‘ වෙන නැ ඔච්චරයි ..හොදි ටිකක් දෙන්නං ‘‘

‘‘ අම්මෝ එපා දැවිල්ලයි ‘‘

‘‘ එහෙනං කටපියාන කාහං ‘‘

‘‘ ලොකු අක්කේ ඔන්න ඔය වතුර ටිකක් දියං ...සම්බෝලෙනං මරු ‘‘

‘‘ උම්බලකඩ ටිකක්වත් තිබුන්නැ උපාලි මල්ලියේ ‘‘

‘‘ සුසිල් අයියේ මට බිස්ටල් එකක් දියන්කෝ ගොල්ලිප් ඉවරයි ‘‘

‘‘‘ දැං අපි ඉක්මනට යං නේ ‘‘

‘‘ නැතුව ඉන්ඩ යැ ‘‘

‘‘ එහෙනං යං ලොකු දුවේ සෙරෙප්පු දෙක දාගන එන්ඩ .., මං නංගිගේ බැක්එක ලැස්ති කරන් එන්නං ‘‘

...................................................................................

‘‘ අපේ නැන්දලැ ගෙදර ගහේ රඹුටං හැදිලා , එහෙට ගිහින් කඩාගන යමුද ‘‘

‘‘ බැ බං හවසට යමං , එතකොට ගෙදර ගිහින් මල්ලිටත් දුන්න හැකි ‘‘

‘‘ එහෙනං හැබැයි ඉස්කෝලෙට ගිහිං උඹ කාටවත් කියන්ඩ එපා ‘‘

................................................................................

‘‘ ඔය ඇති යකෝ බැහැපං . පොත්බෑක් දෙකම පිරිල ‘‘

‘‘ හිටහං බං සාක්කු දෙකත් පුරව ගන්නකං ‘‘

‘‘ නැන්ද ටිකක් කඩාගන්ඩ කියුවේ ඔය ඇති බැහැපං ‘‘

‘‘හරි හරි හිටහං .........අඩෝ බලුවැඩ කරන්ඩ එපා උඹ හොද ගෙඩි උඹේ බෑක් එකට දාල අමු එව්වයි පොඩි එව්වයි මගේ එකට දැම්මනේ ‘‘

‘‘ ඉතින් හොදම ඒවා උඹත් සාක්කුවට එබුවේ ‘‘

............................................................................

‘‘ සුදුවෝ ...අම්මේ .....මේන්න බලන්ඩ මං රඹුටං ගොඩාරියක් ගෙනාවෝ ‘‘

‘‘ රඹුටන් ..වරෙ වරෙන් රඹුටං  දෙන්නං බොට ‘‘

‘‘ මොකද අනේ බොරුවට කෑගන්නේ ‘‘

‘‘ බොරුවට ......කොහෙද උඹ මල්ලිගේ සෙල්ලං බඩු හැංගුවේ ‘‘

‘‘ පිස්සුද මං හැංගුවේ නැ ‘‘

‘‘ මේ පොල්ල කැඩෙනකං ගහනව කියපං ඇත්ත ‘‘

‘‘ උඹ තමයි මගේ සෙල්ලං බඩු ගත්තේ , ඇරගන හංගන්ඩ ඇත්තේ ‘‘

‘‘ පිස්සුද බූරුවෝ ........හං ..හං .....මට හම්බෙන රඹුටං ගෙඩියත් මං තනියම කන්නේ නැතුව ..උඹට අරං එනව ...උඹ අම්මව උසිගන්නනවා මට ගහන්ඩ ‘‘

‘‘ උසිගන්නන්ඩ මං බැල්ලියෙක්ද බොල ‘‘

......චටාස් ...පටාස්...

‘‘ මේ ඉස්කෝලේ ගිහින් පරක්කු උනාට ‘‘

...වපාස් ...පටාස් ...දක් ...දොක්....චිටිස් චක් ...

‘‘ අනේ අම්මේ එපා .....අනේ ..එපා ..එපා ....ආආආ..අතේ ඇගිලි වලට වැදුනේ ..අනේ අම්මේ එපා ..ඇගිලි කැඩුනද ..කොහෙද ...‘‘

‘‘ ඇගිලි නෙමෙයි මම අද කඩනව තොගේ බෙල්ල ......දුහන්ඩ එපා .....දුහල අල්ල ගත්තොත් මරණවා ‘‘

‘‘ ඇත්ත කියපිය ..සෙල්ලං බඩු දීලා ..රඹුටන් ගත්ත නේද ‘‘

‘‘ පිස්සුද අනේ නැ ...චමින්ද එක්ක නැන්දලැ ගෙදර ගිහින් කැඩුවේ ‘‘

‘‘ උඹට මෙහේ මං නොදන්න නැන්දලත් ඉන්නවද ‘‘

.......දඩින් දිඩිං .......

‘‘ අයියෝ අම්මේ ...ගහන්ඩ එපෝ ඔලුවට වැදුනේ ඔලුව පැලුනද කොහෙදෝ ...අනේ අම්මේ එපා ..අනේ ..අම්මේ ..එපා ...එපා ‘‘

‘‘ ඔලුව පැලුන .......කඩනව අඩු අද මම තොගේ , ගිහින් දුන්නා නේද තෝ කාට හරි පොඩි එකාගේ සෙල්ලං බඩු ....මහමිනිහ ඔව්වා ගේන්නේ කඩවල් වලට දාල ගන්න පනං හතරෙකන් තොපිට කන්ඩ දෙන්ඩ නේද ‘‘

දඩාං...බඩාං...දිඩිං ..ඩිං....

‘‘ අනේ එපා අම්මේ එපා ..අම්මේ අනේ මං මැරෙයි ......අනේ ගහන්ඩ එපා අම්මේ ....අයියෝ මට බැ , කකුල් පන නැ ...මං මැරෙයි .....‘‘

‘‘ නැගිටපිය ...නැගිටපිය ....බොරුවට  වැටෙන්නේ නැතුව .....ගෙයින් එලියට ඇහෙන්ඩ කෑගහන්නේ නැ ‘‘

චටාස් පටස් ....වටාස්...

‘‘ අනේ නැගිටින්නං ගහන්ඩ ...එපා ...කෑගහන්නෙත් නැ ..අනේ අම්මේ ගහන්ඩ එපා ‘‘

‘‘ තෝ තවත් නැ කිය කිය බොරු කියන්නේ උඹ අම්මව රවට්ටන්ඩද .. පිලිගනින් තෝ මල්ලිගේ සෙල්ලං බඩු විකුනුවා නේද ‘‘

චාස් චටපටාස් ..තොක් තක් ....

‘‘ අනේ සුදුවෝ මං සෙල්ලං බඩු ගක්තේ නැ අම්මට කියහං මට ගහන්ඩ එපා කියල ‘‘

‘‘ හොද වැඩේ තොට වංජුලය ..හොද වැඩේ , මගේ පිස්තෝලෙයි , නලාව , බෝලෙයි හොරකං කරල ‘‘

‘‘ අවසාන වතාවටයි කියන්නේ ......ඇත්ත කියපං සෙල්ලං බඩු ටිකට මොකද කලේ , ඒටික විකුනල රබුටං කාල තව අපිවත් රවට්ටන්ඩ අරගනත් ආවා නේද ‘‘

.......දඩින් දිඩිං ......දඩාං...බඩාං...දිඩිං ..ඩිං....චටාස් පටස් ....වටාස්...චාස් චටපටාස් ..තොක් තක් ....දඩාං...බඩාං...දිඩිං ..ඩිං....චටාස් පටස් ....වටාස්..........දඩින් දිඩිං ......දඩාං...බඩාං...දිඩිං ..ඩිං....චටාස් පටස් ....වටාස්...චාස් චටපටාස් ..තොක් තක් ....දඩාං...බඩාං...දිඩිං ..ඩිං....චටාස් පටස් ....වටාස්..

‘‘ අනේ අම්මේ ගහන්ඩ එපා ඔව් ඔව් ...මං සෙල්ලං බඩු විකුනුවා , ඒවායෙන් රබුටං අරගන ...කෑවා .. ගෙදරත් අරගන ආවා ‘‘


‘‘ ඇයි තෝ කලින් ඔය ටික නොකියුවේ ‘‘

දඩාං...බඩාං...දිඩිං ..ඩිං....චටාස් පටස් ....වටාස්..........දඩින් දිඩිං ......දඩාං...බඩාං...දිඩිං ..ඩිං....චටාස් පටස්....තොක් ...තොකොක්


‘‘ පොල්ල කැඩුන හන්දා තෝ බේරුනා කියල හිතාගං , නැත්තං අද මරල හංගනව ‘‘

‘‘ ඉහි ...ඉහි ...ඇඇ...ඇ..ඇඅ..ඇ.....ඇඇ..ඇඇ...කැක්..කැක්

...............................................................................

...............අනේ දෙයියනේ මං වගේ පව්කාරයෙක් ..........ඔලුවත් පැලිලා , ඇග හැම තැනම රිදෙනව ... .....
තාත්ත බොස්ටල් එකේ කොල්ලෙක්ටවත් ගහල නැතුව ඇති අම්ම මට ගහපු තරං , ඇගිලි රිදෙන නිසා නොලියුව එකට ටීචත් මට ගැහුවා...අම්ම ගහල ඇගලි නමන්ඩ බැ , ඒක හන්ද ලියන්ඩ බැ කියන්ඩද .............අර මුසලය හන්ද තමා මේ ඔක්කෝම , ඔකා ඉපදුනත් හරි හැමදාම මං ගුටි කනව , අපරාදේ පොඩිකාලේ නිව්මෝනියාව හැදිච්ච වෙලාවේ අනුරාදපුරේ ඉස්පිරිතාලෙදි ..ඒකව මැරෙන්ඩ තිබුනේ ......

අර තියෙන්නේ නියගලා මල් ගොන්නක්ම .අල ටික ගලවං ගිහින් කන්ඩයි තියෙන්නේ , එත් බැ පත්තරේ කොච්චර තියනවද නියගලා අල කාල බේරිච්ච උන් ගැන , මාත් නොමලොත් ...අරුන් ටික මාව නොමරා මරයි , ...වහ ටිකක් කාල මැරෙන්ඩත් නැති හැටියක් .


...එතකොට සෙල්ලං බඩු වලට මොකද උනේ .... අරූ හංගල ඇති කොහේ හරි , එහෙම කරල මට ගස්සවන්ඩ ඕන හන්ද අම්මට කියන්ඩ ඇති , මං අරගන කියල................ඉතින් පෙරෙයිද රෑත් තිබුනනේ සෙල්ලං කරන කොට ..............

....දෙයියනේ ..මං අන්තිමට හංගපු පාර අරුන් දෙන්නට හොයාගන්ඩ බැරි උනානේ . වලස්ඇදිරිය වැට අස්සෙන් එලියට ඇරගන දෙන්ඩ ඕන අම්මට , වෙච්ච දේ කියල හොදවැයින් දෙකක් කියන්ඩ ඕන දුං විසිවෙන්ඩ , ....ආයේ දෙකක් නැ අදනං අම්මට ඇඩෙනව ...බාගදා පහක් දහයක් මිට මොලවන්ඩත් බැරි නැ , ගල් බනිසක් , වංඩු ආප්පයක් කාහං කියල ....

...........................................................................

‘‘ අම්මේ අම්මේ එදා සෙල්ලං කරනකොට මල්ලිගේ සෙල්ලං බඩු හංගපු තැන මතක් උනේඔඔඔඔ ‘‘

‘‘ මොකද බං බෙරිහං දෙන්නේ ‘‘

‘‘ ආ තාත්තේ........කෝ අම්ම කොහෙද ගියේ ...ඊයේ මං කියන එක පිලිගන්නේ නැතුව මාව මරාගන කන්ඩ හැදුවා , පෙරෙයිදා ලොකු නංගිත් එක්ක ඇල් ගිනි සෙල්ලම කරනකොට සෙල්ලං බඩු ටික වලස් ඇදිරිය වැට අස්සේ හැංගුවට ඒ දෙන්නට හොයාගන්ඩ බැරි උනා , මට ඒක ඊයේ මතක්  උනානං නිකං ගුටි කන්ඩ වෙන්නේ නැ , මට දැන් මේ එන ගමං මගදි මතක් උනේ , මේ තියෙන්නේ පිස්තෝලෙයි , නලාවයි , බෝලෙයි තුනම‘‘

‘‘ ආ ..ඇත්තද ...තෝ කාවද බොල ඔය රවට්ටන්ඩ හදන්නේ , තොගේ ලුනු ගොරක මදි මාව තම්බන්ඩ ...වල් පරය ඊයේ වික්ක එකාගෙන් ආයෙත් ඉල්ලගන ඇවිත් ... වැට අස්සට දාල මාව අන්දන්ඩ නේද හැදුවේ , මං අද තෝ මරල තමයි පස්ස බලන්නේ ‘‘

‘‘ අනේ තාත්තේ පයින් ගහන්ඩ එපෝ ......බේරගන්ඩ කවුරුවත් නැද්දෝ .......අපේ තාත්ත මාව මරනවෝ

පලි//

ඔන්න ඇ තව ගෑනු ළමයෙක් ලියන බ්ලොග් එකක් තියනව , ගිහිල්ල කමෙන්ට් එකක් දාල , ෆලෝ පාරක් එහෙම දාල එන්ඩෝනෙ හරිද .  නැත්තං දන්නවනේ 

http://jayasanda.blogspot.com/