atampahura අටම්පහුර: August 2016

2016-08-29

How to write a Sinhala blog ( 1 ) , සීංහල බ්ලොග් එකක් පටන්ගන්න හොද කොතනද , සිංහල අකුරු ලියන්නේ කොහොමද , බ්ලොග් එකට වෙන ජීමේල් එකක්

වරදවා හිතන්න එපා කවුරුවත් , මම කම්පියුටරයක් ගෙදරට ගේනකොට දන්නේ ඔන් ඕප් බට්න් එක විතරයි , පස්සේ ටික ටික ඉගන ගත්තා , ඔය ගැන ටිකක් ලියල තියනවා මෙතන මෙලෝ මල දානයක් නොදැනයි මං මේකට බැස්සේ , දැං ළමයි විතරක් නෙමෙයි වැඩිහිටියොත් මං එදා දන්නවට වඩා මේ ගැන දන්නවා , ඉතින් මේක අමාරු නැ .

අපිට බ්ලොග් ලියන්න පුලුවන් , ඩෙක්ස්ටොප් එකකින් , ලැප් ටොප් එකකින් , ටැබ් එකකින් ෆොන් එකකින් උනත් , බ්ලොග් ලියන්න හොදම තැන තමයි බ්ලොගර් , මොකද එකක් සරලයි පහසුයි , අනික ගොඩක් සිංහල බ්ලොග් බ්ලොගර් උඩ හදාපුවා.

ඉස්සෙල්ලම මං කියන්නං මං කැමතියි බ්ලොග් ලියන්න ඕන කෙනෙක් තමන්ගේ පුද්ගලික ඊමේල් එක පාවිච්චි නොකර වෙන එකක් පාවිච්චි කරනවානං , එතකොට පුලුවන් පටලවාගන්නේ නැතුව යන්න ,

මේ බලන්න මං වෙබ් බ්‍වුසර් තුනක් පාවිච්චි කරනවා , එකක් පුද්ගලික ඊමේල් වලට , අනික මගේ බ්ලොග් වලට , අනික කවුරු හරි උදව් ඉල්ලපුවහම ඒක හදන්න හරි එයාගේ බ්ලොග් එකට ලොග් වෙන්න හරි. මෙතනදි මං හිතන්නේ හොදම දේ තමයි ගුගල් ක්රෝම් පාවිච්චි කරන එක බ්ලොග් එකට , ඔයාගේ දැනට පාවිච්චි කරන මේල් එක පාවිච්චි කරන්නේ ගුගල් ක්රෝම් බ්‍වුසරය උඩනං , ඔපෙරා බ්වුසරය හරි , ෆයර්ෆොක්ස් බ්වුසරය හරි ඩවුන්ලෝඩ් කරගන , ඕකට ඔයාගේ දැනට තියන මේල් එකෙන් ලොග් වෙන්න . ගූගල්ක්රෝම් එක නිදහස් කරගන්න බ්ලොග් එකේ වැඩ වලට.

දැන් ඉතින් ඉස්සෙල්ලම සිංහල ලියන්න ක්‍රමයක් තියෙන්න ඕනනේ , ඒකට මම පාවිච්චි කරන්නේ විජේසේකර යතුරු පුවරුව ,

හරියටම කියුවොත් මේ ක්‍රමය සිංහල ටයිප් රයිටරයෙන් ටයිප් කරනවා හා සමානයි , ටයිප් රයිටර් පාවිච්චි කරපු අයට නං මේක කජු කනවා වාගේ , අනික තව කාලයක් යනකොට කොලවල ලියන එක නැති වෙලා යාවි , එතකොට අපි සිංහල ලියන්න ඉංගිරිසි පාවිච්චි කලොත් සිංහල අකුරු නැත්තට නැති වෙලා යාවි , ඒ නිසා අපි පරිඝණක සහ ජංගම දුරකතන වාගේ මාධ්‍ය වලදි කෙලින්ම සිංහල අකුරු ලිවීම ප්‍රවර්ධනය කරන්න ඕන. පුරුදු උනහම ලියන්න හරි ලේසියි , අකුරු තියන තැං මතක තියාගන්න අමාරුනං , සිංහල අකුරු ලියාපු ස්ටිකර් කොළ කැලි ටිකක් කී බෝඩ් එකට අලව ගත්ත හැකි , නැත්නං සිංහල අකුරු තියන කීබෝඩ් එකක් සල්ලි දීලා ගත්තහැකි. මෙතන තියන අනිත වාසිය තමයි කෙලින්ම බ්ලොග් එක උඩට ටයිප් කරන්න පුලුවනං කම , කොපි පේස්ට් කරන්න ඕන නැ. ඇලපිලි පාපිලි හොයන්න කරදරයක් නැ , සිංග්ලිෂ් කන්වර්ටර් වලදි වගේ ඒක අකුරකට කී හත අටක් ඔබන්න ඕනත් නැ , මට හිතෙන්නේ මේක තමයි හොදම ක්‍රමය.

තව ගොඩ දෙනෙක් පාවිච්චි කරන එකක් තමයි ucsc කියන මෙන්න මේක ,

මෙතනදි ඉතින් සිංග්ලිෂ් වලින් කියන එක පල්ලෙහා කොටුවේ සිංහලෙන් වැටෙන එක වෙන්නේ , සිංග්ලිස් වලින් ලියන්ඩ බැරි කම සහ සමහරක් අකුරු හොයන්න අමාරුකම හන්දා මට මේක හරි ගියේ නැ , අනික මේක ඔන් ලයින් ඇරෙන්න පාවිච්චි කරන්න බැ.

තවත් ගොඩ දෙනෙක් පාවිච්චි කරන එකක් තමයි ගුගල් ඉන්පුට් ටූල් එක , ටිකක් විතර ucsc එක වාගේ . මට හිතෙන්නේ ඒකට වඩා හොදයි කියල

මේක ඔන් ලයින් පාවිච්චි කරන්න සහ , ඩවුන් ලෝඩ් කරල කෙලින්ම පාවිච්චි කරන්නත් පුලුවන්. මට ටිකක් විතර අල්ලලා ගියා මේක මුල් කාලේ කමෙන්ට් කරන්න , විජේසේකරය හුරු උනහම අත ඇරලා දැම්මා.

බාගන පාවිච්චි කරනවානං මෙතනින් ගන්න.

ෆෝන් වලින් ටැබ් වලින් වැඩේට බහිනවානං , හරියටම හරි යන්නේ හෙලකුරු ඇප් එක තමා , ඒක බාගන්න ප්ලේස්ටෝ එකට ගිහින් , මේකෙන් පුලුවන් අපිට විජේසේකර යතුරු පුවරුවට හරි සිංග්ලිෂ් යතුරු පුවරුවට හරි ඉන්පුට් මෙතඩ් එක මාරු කරල තමන් කැමති එකකින් සිංහල ලියන්න , ඇත්තටම මේක හරිම පහසුයි . මට දැං කම්පියුටරේට වඩා ඉක්මනට සිංහල ලියන්න පුලුවන් ෆෝන් එකෙන්

තව ගොඩක් සිංහල ටයිප් කරන්න ක්‍රම තියනවා , ඒත් මම හිතන්නේ මේ හතර තමයි සාර්ථකම ක්‍රම හතර , ඔයාලට ගැලපෙන ක්‍රමය තෝරාගන්න . තව දුරටත් එක එක වෙනස් ටූල් සහ උපදෙස් තියනවා මාතලන්ගේ මෙන්න මේ පෝස්ට් එකේ ඒක කියවලා බලන්න .

දැං අපි බ්ලොග් එකට ජීමේල් එකක් හදමු , ඉස්සෙල්ලාම දැං ලොග් වෙලා ඉන්න මේල් එකෙන් අන්ලොග් වෙන්න , දැං ජීමේල් වලට ගිහින් අළුත් මේල් එකක් හදන තැන ක්ලික් කරන්න

එතකොට එනවා මෙන්න මේක

මේල් එකේ නමත් බ්ලොග් එකට දාන නමම වෙන එක හොදයි , ඒ නමම දීලා ඔය තියන විදිහට අනිත් ටිකත් පුරවන්න , ෆෝන් නම්බර් එක දාන්න තියන තැනට කවදාවත් අත්නොහරින නම්බර් එකක් දෙන්න , මොකද දැං දුරකථන සමාගං අතහරින නොම්බර වෙන අයට දෙනවා. මේල් එකේ සිකුරිටි වෙරිෆිකේෂන් ෆොන් එකට එන හන්දා කවදාවත් මේ නොම්මරය අත අරින්න බැ.

දැන් නෙක්ස්ට් සෙටප් ඔබන්න ,

දැන් ඔන්න ඔයාගේ ෆොන් එකට කෝඩ් එකක් එවනවා

දැන් ඒ මෙතනට දෙන්න

දැන් එන එකින් එක පිටු නෙක්ස්ට් කරගන එන්න , ඒ ගමං මගදී තව සිකුරිටි වැඩි කරගන්ඩ එහෙම ඕනනං ඒවත් හදාගන මෙතනට එන්න , දෑං මේල් එක හැදිලා ඉවරයි.

දැං උඩ දකුනු පැත්තේ තියන පොඩි කොටු ටික ඔබලා එන කොටුවේ more කියන එක ක්ලික් කරල බ්ලොගර් අයිකන් එක මතු කරගන ඒකත් ක්ලික් කරන්න

දැං ඔන්න ඔයාට බ්ලොග් එකක් හදන්ඩයි යන්නේ

මෙම ලිපියේ දෙවැනි කොටස මෙතැනින් කියවන්න

මාතලන් ලියාපු ලිපිය මෙතැනින් කියවන්න

ප; ලි
වරදක් හරි තව එකතු කරන්න ඕන දෙයක් හරි දැක්කොත් ලියල එවන්න , අපි ඒක පොස්ට් එකට එකතු කරමු

මේ හා බැදුන වෙනත් ලිපි

How to write a Sinhala blog ( 4 ) පොස්ට් ලියන සහ පබ්ලිෂ් කරගන්නා ආකාරය , පින්තූර සහ වීඩියෝ දාගන්නා ආකාරය සහ බ්ලොග් ලිස්ට් එකට බ්ලොග් එකතු කරන හැටි

තෙවැනි කොටස මෙතැනින්

දැං ඉතින් ලියමු නේ , ඩැෂ් බෝඩ් එකට ගිහින් ඔය පැන්සල වාගේ එක ක්ලික් කරන්න.

දකුනු පැත්තේ තියන ලේබල් කියන එක ක්ලික් කරන්න

දැං ඔයා ලියන්ඩ යන ලිපියට ආදාල ලේබල් එකක් දාල සේව් කරන්න , මුල ඉදන්ම මෙහෙම කරන එකේ වටිනාකම තමයි , ලිපි වර්ගීකරනයක් සිද්ද වෙන එක , කියවන අයටත් ඒක පහසුවක්

දැං අපි පෝස්ට් එකට පින්තුරයකුත් දාමු , ඔය උඩ පෙන්වල තියන අයිකන් එක ක්ලික් කරන්න
මෙතනදි මතක තියාගන්න ඕන කාරනාවක් තමයි ෆොටෝ සහ වීඩියෝ අපේ කම්පියුටරයට ඩවුන්ලෝඩ් කරල ආයෙත් බ්ලොග් එකට අප්ලොඩ් කරන එක තමයි හරි , මොකද කොහේ හරි තියන එකක් අප්ලොඩ් කරාට පස්සේ ඒක දාපු කෙනා ඒක දාපු තැනින් අයින් කරගත්තහම අපේ බ්ලොග් එකෙනුත් ඒක නැතුව යන්න පුලුවන්

දැං ඔය මාක් කරල තියන තැන ක්ලික් කරන්න

දැං ඔයාගේ කම්පියුටරයේ තියන පයිල් ටික පෙන්වනවා , ඒ අතරින් ඔයාට ඕන පින්තුරය තෝරලා , ඕපන් ක්ලික් කරන්න

දැං එන කොටුවේ පින්තුරය සිලෙක්ට් කරල යට තියන ඇඩ් සිලෙක්ටඩ් ක්ලික් කරන්න

දැං අපි විඩියෝ එකකුත් පොස්ට් එකට දාමු

අපිට මෙතනදි කම්පියුටරයේ තියන එකක් හරි ඔයාබටේ තියන එකක් හරි අප්ලෝඩ් කරගන්න පුලුවන්

කලින් පින්තුරයට කලා වගේ සිලෙක්ට් කරල ඇඩ් කරගන්න

දැං ඉතින් තමන් කැමති දෙයක් ලියාගන යන්ඩයි තියෙන්නෙ, කලින් සිංහල ලියල නැති කෙනෙක් නං ටිකක් විතර අවුල් ගතියක් දැනෙයි , ඒත් පොස්ට් දෙක තුනක් ලියනකොට පුරුදු වෙලා එයි ගානට

ඔයා ලියන ඒක ඔටෝමැටිකලි සේව් වෙනවා තමයි , හැබැයි සමහරක් වෙලාවට එහෙම නොවෙන්න පුලුවන් අන්තර්ජාල දෝෂ නිසා , ඒක නිසා වරින් වර ඔය උඩ පෙන්වලා තියන සේව් බට්න් එක ක්ලික් කරාට කමක් නැ

ඔය පෙන්වලා තියන preview බට්න් එක ක්ලික් කරල ඔයාට පුලුවන් පබ්ලිෂ් කරාට පස්සේ කොහොමද බ්ලොග් එක පේන්නේ කියල බලාගන්න

පෝස්ට් එක ලියලා ඉවරනං දැං ඉතින් තියෙන්නේ පබ්ලීෂ් කරලා දාන්න

එතකොට පෝස්ට් එක පබ්ලිෂ් වෙලා මෙන්න මෙතනට එනවා , වීව් බ්ලොග් ක්ලික් කරල බ්ලොග් එක ඕපන් කරලා බලන්න

ආ ඔය තියෙන්නේ , දැං අපි බලමු අපේ බ්ලොග් ලිස්ට් එකට අපි කැමති බ්ලොග් එකතු කරන්නේ කොහොමද කියල , ඉස්සෙල්ලාම බ්ලොග් ලිස්ට් එකේ ලග පොඩියට තියන මිටියයි යතුරයි අයිකන් එක ක්ලික් කරන්න

එතකොට ඕපන් වෙන බොක්ස් එකේ ඇඩ්ටු ලිස්ට් ක්ලික් කරන්න , දැං ඔයා කැමති බ්ලොග් එකේ එඩ්රස් එක කොපි කරගන එන්න

ඔයාට පේනවා නේද කලින් ඕපන් උන බොක්ස් එක උඩින් තවත් එකක් ඕපන් වෙලා තියනවා , ඒකේ තියන ඇඩ් බයි url කියන තැනට ඔයා කොපිකරගන ආපු එඩ්රස් එක පේස්ට් කරන්න

දැං ඇඩ් බට්න් එක ක්ලික් කරන්න

දැං සේව් කරන්න

ඔන්න එතකොට ඔයාගේ බ්ලොග් ලිස්ට එකට බ්ලොග් ඇඩ්වෙලා තියනවා පේනවා , සමහරක් විට ඇඩ් කරපු එක ඩිස්ප්ලේ වෙන්න ටිකක් වෙලා යන්න පුලුවන්

පස්වෙනි කොටස මෙතනින්

මේ හා බැදුන වෙනත් ලිපි

How to write a Sinhala blog ( 3 ) බ්ලොග් සෙටින්ග් , බ්ලොග් ගැජට් , බ්ලොගර් ෆොපයිලයේ වැඩිදුර සැකසුම් , blog authors හෝ admin ලෙස තව කෙනෙක් සම්බන්ද කරගැනීම

දෙවැනි කොටස මෙතැනින්

හරි දැං ඉතින් ටෙම්පලේට් එකත් හදාගත්තානේ , දැං ඉතින් ඕනම කරන බ්ලොග් ගැජට් සහ අනිවාර්යෙන් සැකසිය යුතු බ්ලොග් සෙටින්ග් ගැන බලමු

දකුනු පැත්තේ ඉහල කෙලවරේ තියන ඩිසයින් ක්ලික් කරන්න

ඊලගට සෙටින්ග් ක්ලික් කරන්න, ඊලගට බේසික් ක්ලික් කරන්න

දැන් ඔයා කලින් ඉංගිරිසියෙන් දුන්න බලුබෙටි කියන එක සිංහලට වෙනස් කරන්න
තව බ්ලොග් එක ගැන හැදින්විමක් වගේ දෙයක් දෙවනි කොටුවට එකතු කරන්න , ඒ දෙකම දාල මතක ඇතුව සේව් කරන්න

https කියල එකක් යටින් තියෙන්නේ , මාත් ඒක හරියට මොකක්ද දන්නේ නැ , මගේ බ්ලොග් එකේ ඒක තියෙන්නේ යර්ස් කියල , ඔයාලත් එහෙම කලාට වරදක් වෙන එකක් නැ

ඊට පස්සේ ඔය යටින් තියන Permissions කියන තැනින් පුලුවන් ඔයාට බ්ලොග් එක ලියන්න හරි , බ්ලොග් එකේ මොනවහරි හදන්ඩ කරන්ඩ ඕන නං වෙන කෙනෙක්ව සම්බන්ද කරගන්න , ඔයාට තියෙන්නේ ඔයා කැමති කෙනාගේ මේල් එඩ්රස් එක පල්ලෙහා කොටුවට දාල ඉන්වයිටි බට්න් එක ක්ලික් කරන එක , එතකොට එයාට ඊමේල් පණිවිඩයක් යනවා ඔයාගේ බ්ලොග් එකට සම්බන්ද වෙන්ඩ කැමතිද කියල මේල් එකක් , එයා ඒක ඇප්රූ කලාට පස්සේ එයා ඔයාගේ බ්ලොග් එකට authors විදිහට සම්බන්ද වෙනවා , හැබැයි එයාට පුලුවන් පෝස්ට් දාන්න විතරයි , ඔයාට එයාට admin permissions දෙන්න ඕන නං , එයාගේ නම ඉස්සරහ තියන authors කියන එක admin විදිහට ක්ලික් කරල වෙනස් කරගන්න පුලුවන්.

දැං ආයෙත් බැක් වෙලා ඩෑෂ් බෝඩ් එකට යන්න , දකුනු පැත්තේ උඩ තියන බලු බෙට්ට ( බ්ලොග් එකේ නම ) ක්ලික් කරල නිල් පාටින් තියන බ්ලොගර් ෆෝපයිල් එක ඕපන් කරගන්න,

දැං එඩිට් ෆෝපයිල් ක්ලික් කරන්න

ඔය හරිදාල තියන තැන්වලට හරි දාන්න , ඊමෙල් එක තියන තැනට ඊ මෙල් එක දෙන්න , ඩිසිප්ලේ නේම් එකට බ්ලොග් එකේ නම දෙන්න , ඔය රතු පාටින් ලකුනු කරල තියන එක ක්ලික් කරන්න ඊලගට

දෑං ඔය විදිහට හරිය දාල ඔතනටත් නම දීලා සේව් කරන්න , ආයෙත් බැක් වෙන්න

ෆෝපයිල් පාක්චර් එක දෙන තැන ක්ලික් කරල ඔයා කලින් හොයාගන කම්පියුටරයේ සේව් කරල තියාගත්ත , අදාල ෆෝටෝ එකක් තෝරන්න

ඔය තියෙන්නේ බලු බෙට්ටක් දිලිසි දිලිසි , දැං ඕපන් ඔබන්න

දැං පහලට ගිහින් සේව් කරන්න

දැන් ආපු අළුත් පිටුවෙ උඩ තියන view ක්ලික් කරල බැක් වෙන්න

සිව්වැනි කොටස මෙතනින් කියවන්න

මේ හා බැදුන වෙනත් ලිපි

How to write a Sinhala blog ( 5 ) බ්ලොග් ෆලෝ කරන හැටි , කමෙන්ට් කරන හැටි සහ රිප්ලයි කරන හැටි , ලින්ක් දාන හැටි

හතරවෙනි කොටස මෙතැනින්

මෙහෙමයි බ්ලොග් කාරයෙක් විදිහට ගූගල් ෆොපයිල් එක පාවිච්චි නොකර බ්ලොගර් ෆෝපයිල් එක පාවිච්චි කරනවා වාගෙම වැදගත් , අනිත් බ්ලොග් ෆලෝකරන එක , එතනදි ගූගල් පලෝවරය ෆලෝ නොකර බ්ලෝගර් ෆලෝවරය ෆලෝ කරන එක තමයි හරි , කවුරු හරි ගූගල් මගුලත් දාල තියනවානං ඒකත් ෆලෝ කරාට කමක් නැ , හැබැයි මුල් තැන දෙන්න ඕන බ්ලොගර් ෆලෝවරයට , අනික තමයි අනිත් අයට තමන්ගේ බ්ලොගර් ෆෝපයිල් එකෙන් ලොග් වෙලා කමෙන්ට් කරන එක.

තමන්ට ෆලෝ කරන්න ඕන බ්ලොග් එකේ බ්ලොගර් ෆලෝවරයේ යට තියන බට්න් එක ක්ලික් කරන්න ,

ඊට පස්සේ පොප් අප් වෙන බොක්ස් එකේ ෆලෝව් කියන අයිකන් එක ක්ලික් කරන්න , ටික වෙලාවකින් ඒ බ්ලොග් එකේ ෆලෝවරයේ ඔයාගේ ෆොටෝ එක වැටෙයි

දැං බලමු කමෙන්ට් දාන විදිහ

කමෙන්ට් කරන්න ඕන තැන කමෙන්ට් අයිකන් එක ක්ලික් කරන්න

ඉස්සෙල්ලම එතන දකුනු පැත්තේ යට තියන නොතිෆයි මී සිලෙක්ට් කරන්න , එතකොට ඔයාගේ මේල් එකට එතන ඉදන් වැටෙන කමෙන්ට් එනවා

ඊලගට කමෙන්ට් එක කොටන්න

පබ්ලිෂ් බට්න් එක ක්ලික් කරන්න

ඔන්න දැං කමෙන්ට් එක වැටිලා , දැං ඔයාට ඒකට රිප්ලයි කරන්න ඕන කියල හිතමු , එතන යට තියන රිප්ලයි කියන ඒක ක්ලික් කරල ඔයාට කියන්න තියන දේ කියන්න ,

මෙන්න මේ විදිහට

ඔන්න දැං තව කමෙන්ට් එකක් දාන්න ඕන , ඒක අර රිප්ලයි එක අස්සේ නොගහ වෙනම කමෙන්ට් එකක් විදිහට දාන්න

ලින්ක් දාන හැටි ඊලගට බලමු , ඉස්සෙල්ලම පෝස්ට් එකට ලින්ක් දාන හැටි බලමු

ඉස්සෙල්ලම පෝස්ට් එකේ තමන්ට ලින්ක් එක දාන්න ඒන වචන ටික දිගේ මවුස් එකේ වම් පැත්තේ බටන් එක ක්ලික් කරගන ඇදගන ගිහින් හයිලයිට් කරගන්න

දැං ඔය උඩ තියන ලිනක් අයිකන් එක ක්ලික් කරන්න

එතකොට ඕපන් වෙන පොප් අප් වින්ඩෝ එකේ යු ආර් එල් එක දාන්න තියන තැනට , ඔයාට ඕන ලින්ක් එක දීලා යට තියන Open this link in a new window කියන එකට හරියක් දාල Ok කරන්න

ඔන්න හරි දැං පෝස්ට් එකේ ඕන තැනට ලින්ක් එක වැටිලා

දැං බලමු කමෙන්ට් එකකට ලින්ක එකක් දාන විදිහ

ඉස්සෙල්ලාම කමෙන්ට් බොක්ස් එකේ <a href=" කියල ටයිප් කරන්න , ඊට පස්සේ ඔයාට ඕන ලින්ක් එක දාන්න , ඊලගට "> කියල දාල ඔයාට ඕන වචනටික දාන්න , ඊලගට </a> කියල දාන්න

<a href="LINK HERE"> WORDS HERE</a>