දොස්තර කලබල උනාට පිස්ස කලබල නැ

.....මේක වෙන්ඩැති කාමරේ ....

..... ම..නෝ  වෛ..ද්‍ය   විශේ...ෂ...ඥ   සූරී...ය     ගමගේ......

...හරි ..හරි මේක ...තමා ....කොච්චරවෙලා ඉන්ඩ වෙයිද මන්දා .....එපා වෙන්නේ   මේ වාත සිස්ටම් එක තමා ලංකාවේ ....හරියටම වෙලාවක් පේෂන්ට දීලා ඒ වෙලාවට ගෙන්න ගත්තනං  ඉවරනේ ...අපරාදේ මගේ කාලේ .....අදත් නිවිහැනහිල්ලේ අඩියක් ගහන්ඩ වෙන්නැ .............එහෙමටත් අවුලක් නැ වගේ .....මේ ඉන්නේ මිනිස්සු හතරපස්දෙනයිනේ ..... ආ අරතියෙන්නේ තාම යන්නේ නොම්බර පහ ......ඒකවත් හරියට පේන්නේ නැති හැටියක් ....මේ පාරත්   කන්නාඩිය දෙපාරක් මාරු කරලත් හරිගියේ නැනේ .....පරන කන්නාඩියනං ..කැඩුන උනත් හොදට වැඩ .....කන්නාඩියේ අවුලම තමා මොකැ මං වයසට ගිහිල්ලා යැ ....මෙහෙං අරං හරියන්නේ නැ .............ලබන පාර ටුවර් එකේදි මොන වැඩක් පස්සට දාල හරි එහෙන්ම කන්නාඩිය හදං එනවා....

.......කෝ නොම්මර හයත් වැටුනා ඇතුලේ හිටිය සමයමත් එලියට ආවා .....ඒක නං හොදටම අප්සට් කේස් එකක් ....ඒකනේ දත් තිස්දෙකම පෙන්නල මා එක්ක හිනා උනේ ...කෝ ...නම්බර් සික්ස් .......සෙවන් .....එයිට් .....සීඊඊඉ  ...නමයත් වැටුනා ...යාන්තං ඇති නමයනං ඉන්නව ............මං දහයනේ   ඉක්මනට ගියහැකි ..............චැනල් කරලත් නෑවිත් ඉන්නේ මොකද මන්දා .......බාගදා ඊ වැනල් කරල නෑවිත් ඉන්නව ඇති .............එක්කෝ මං වගේ ඩයිවර්වත් නැතුව හොරාට එන්ඩ හිටපු ඈයෝ වෙන්ඩැති , බාගදා ගෙදරිං බලෙන් එක්ක එන්ඩ ඉදලා ...කැලේ පැනලද කවුද දන්නේ .....හේහ් හෙහ්

..............අන්න දහය වැටුනා .........මං දැං ඇතුලට ගිහිං මොනවද කියන්නේ .......ඩොකාම කතාව පටං ගත්තොත් හොදා ..... කොහෙන්ද කොතනින්ද මං මේක පටං ගන්නේ .........

....කරාස් ........දික්....

...දොරවත් හරියට මේන්ටෙන් කරල නැ  ආංඩුවේ  ඉස්පිරිතාලයක් වගේ ..............යකෝ          මේකගේ කිසි හිනාවක් නැනේ .....දෙකට බෙදල පැත්තට පීරල ....ගොලු සමයං ඩයල් එකක් .... අම්මට සිරි ඇදගන ඉන්න සපත්තු දෙක යුරෝප්  දෙකක් උනාට මේස් නං සිකුරාද පොලෙන්ද කොහෙද අරං තියෙන්නේ ...හයියෝ.......මේසෙං ඉස්සරහට කකුල්  දික්කරහම පුටුවේ ඉදගන්න එකා කකුල් මේසේ උඩින්ද දන්නැ ....තියන්නේ ........කෝකටත් පුරුදු හිනාව දාල බලනව ....

 

............හිඊහඊි..ඊඊඊඉ.........

‘‘ එන්න ...ඉදගන්නකෝ ‘‘

‘‘ ඩොක්ට මම  සිරිමල් රත්නායක‘‘

‘‘ ඔව් මිස්ටර් රත්නායක අපි කතා කරමු ....මම අහගන ඉන්නම් ‘‘

‘‘ මට ප්‍රශ්නයක් තියනව කියල හිතෙනව ඩොක්ටර් ‘‘

‘‘ අපි හැමෝටම එහෙමයි ....ඔව් ඉතින් කියන්න මිස්ටර් රත්නායක මට පුලුවන් අහං ඉන්න‘‘

‘‘ මගේ ලග තියනවා මේකේ රතුපාට එකක් ‘‘

‘‘ කාර්වලට කැමතියි වගේ ‘‘

‘‘ මගේ එක ඇත්ත එකක් , ඒත් මම ආසයි මේ වගේ සෙල්ලං ඒවට ‘‘

‘‘ මිස්ටර් රත්නායක කොහේද වර්ක් කරන්නේ ‘‘

‘‘ රස්සානං ඉතින් දෙක තුනක් කරනවා ‘‘

‘‘ එකපාර රස්සා දෙකතුනක්.... හම් ....  ලොකු වගකිමක්  තියන කාර්යබහුල කෙනෙක් එහෙනං ‘‘

‘‘ එහෙමටම බිසි නැ ඉතින් ඒවා බලාගන්ඩ කරන්ඩ කට්ටිය ඉන්නවනේ . මට තියෙන්නේ ඉදල හිටල ගිහින් ටිකක් වෙලා ඉදගන ඉදල එන්ඩ ‘‘

‘‘ එතකොට මීස්ටර් වැඩිය කැමති මොනව කරන්ඩද ‘‘

‘‘ අනේ ඩොක්ට ඔය මිස්ටර් කෑලි ඕන නැ ...මං කැමති සිරිමල් කියනවට ‘‘

‘‘ හරි මම එහෙම කියන්නංකෝ ‘‘

‘‘ ඩොක්ට මට දැං මේ ඔක්කොම අත ඇරල දාල ගිහින් සුපර්මාකට් එකක ඉන්ඩ තිබුනනං කියල හිතෙනව ‘‘

‘‘  හේ හේහ ඒකත් හොද බිස්නස් එකක් තමයි ‘‘

‘‘ නැ නැ මට ඕන අර සෙල්ලං බඩු විකුනන්ඩ තියන ස්ටෝල් එකේ වැඩ කරන්ඩ ‘‘

‘‘ හුම් ඒකත් එහෙමද ...එහෙනං  ඉතින් සිරිමල්ට පුලුවන්නේ විනෝදාශයක් විදිහට සෙල්ලං බඩු එකතු කරන්ඩ ‘‘

‘‘ කරනවා ඩොක්ටර් කරනවා ....මගේ ලග තියනවා හැම සෙල්ලං බඩ්ඩක්ම .....සෝල්ජස්ල ..යුදටැංකි ...කාලතුවක්කු ...යුද නැව් ...  සෙල්ලං දෙවනි ලෝක යුද්ධයකටම බඩු ....එතනින් ගියහම සත්තු ඔක්කොම ඉන්න  සත්තු වත්තක් , බෝනික්කෝ , ඇතුලට පුලුං පුරවල රෙදිවලින් හදපු සත්තු , ප්ලේන් , හෙලිකොප්ටර් , කාර් , බෝල බැට් , හැම සෙල්ලං බඩ්ඩක්ම ...කාටවත් අල්ලන්ඩවත් දෙන්නැ ‘‘

‘‘ එහෙම තමයි ඉතින් හැමෝම තමන් කැමති දේවල් පරිස්සං කරනවනේ ‘‘

‘‘ ඒ උනාට ඩොක්ටර් මට ඒවායෙං සෙල්ලං කරන්ඩ හම්බෙන්නේ නැනේ , ක්වාඩාකොප්ටරයක් ගත්තා දැං මාස හයකටත් වැඩියි තාමත් බැරි උනානේ ඒක උඩ අරින්ඩ ‘‘

‘‘ ඒකට ඉතින් වෙලාවක් හදාගන්න පුලුවං සිරිමල්ටම තමා , මං කියන්නේ වගකීම් වලින් නිදහස් වෙලා නිදහසේ ඉන්න ‘‘

‘‘එහෙම වෙලාවට මට ඉතින් නිදහසක් ඇත්තෙම නැ ,  කෑම උයන්න තියනවනේ ‘‘

‘‘ එහෙම ඉතින් තමන් කැමති දෙයක් ආසා කරන දෙයක් කරන එකත් මානසික සුවයට හොදයි ‘‘

‘‘ කොහෙද ඉතින් ගෙදර කට්ටියයි යාළුවොයි එක්ක බැනේ , ඒයාලට ඕන මං හෙන සීරියස්  සිරා පොරක් විදිහට දකින්ඩ ‘‘

‘‘ ඒක ඉතින් ඔයාගෙවත් අනිත් අයගෙවත් වරදක් නෙමෙයි , මේ ක්‍රමය හැදිල තියන හැටි , ඒත් අපිට පුලුවන් එතනින් එහාට ගිහින් ජීවිතය අපි කැමති විදිහට විදින්ඩ ‘‘

‘‘ ඔය ගැනම තමයි ඩොක්ටර් මට ගොඩක් හිතට අමාරු ‘‘

‘‘ ඇයි ඒ ‘‘

‘‘ අඩුම තරමේ මේ යක්කු මා එක්ක වෙසක් බලන්ඩවත් යන්ඩ එන්නැ ‘‘

‘‘ ගෙදර අයද යාළුවොද ‘‘

‘‘ යාලුවන්ට කතා කරල ෂෝටක් එහෙම ගහගන , බයික් එක එලියට දාල උන් එනකං බලා ඉන්න කොට උන් ඇවිත් කියනවා .......ෂපාන් එකේ වාහනේක යන්නේ නැතුව අඩු කඩාගන්ඩ හදන්නේ මොකද .....උං කොහෙද මා එක්ක බයික් පදින්නේ ‘‘

‘‘ ඉතින් සිරිමල්ට පුලුවන්නේ ගෙදර අයත් එක්ක යන්ඩ ‘‘

‘‘ අම්හු ...විකාරද ...... එයාල  එන්නෙත් නැ .....මා එක්ක ‘‘

‘‘ ඒ ඇයි ඒ ‘‘

‘‘ නලා කාරයෙක් ..වෙස් මුනු කාරයෙක්ට යන්ඩ නැ ඒවා ගන්නවා , ලයිට් පත්තු වෙන සුකුරුත්තං ගැජට් දැක්ක තැන වාහනේ අයින් කරල ඒවා ගන්නවා , හම්බෙන හම්බෙන දං සැලෙං ..සරුවත් , සව් කැද , කෝපි බොනවා , ..............අනේ ප්ලීස් ...දං සැල් වලින් බත් කන්ඩ නං බැ ..යි අරකයි මේකයි කියල ...කර අරිනවනේ ‘‘

‘‘ මේ අද යන  සමාජ , ආර්ථික , අධ්‍යත්මික රටාවත් එක්ක සාමාන්‍ය  මිනිස්සුන්ට දැනෙන හැගිම ගැන තමයි ....ඔය කියන්නේ  ......ඕක ඔයාට විතරක් දැනෙන දෙයක් නෙමෙයි .............,   ඔව්වා ගැන සිරිමල් හිතනවා වැඩියි කියල මට හිතෙන්නේ ‘‘

'' පාරේ යනකොට මස් කඩයක් මාළු කඩයක් දැක්කහම මට නවත්තල ඒවා ගන්ඩ හිතෙනවනේ ‘‘

‘‘ මාත් සමහරක් වෙලාවට එහෙමයි ‘‘

‘‘ ඉතින් ඩොක්ට මට ඊලග දකින තැනිනුත් අරගන ගිහිං ප්‍රීජ් වලට පුරවන්ඩ හිතෙනවනේ ‘‘

‘‘ ඒකත් එහෙමද ‘‘

‘‘ ඩොක්ට මොකද හිතන්නේ සිල්ලර කඩයක් දාන එක ගැන , එතකොට මට අර ඉස්සරහින් ලස්සනට ඇල කරල ලෑලි තට්ටුවක් ගහල එළවලු ටිකකුත් වික්කහැකි ‘‘

‘‘ මෙහෙමයි මිස්ටර් සිරිමල් ඇත්තටම ඔයාට මානසික ප්‍රශ්නයක් නැ , ඒත් මම හිතනවා තවත් කෙනෙක් එක්ක එයා මේ ගැන කතා කලොත් හොදයි කියල , මම විස්තරය ලියල ඔයාට ලෙටර් එකක් දෙන්නං , මට උගන්නපු සර් කෙනෙකුට , මිස්ටර් සිරිමල් ගිහින් එයාව හම්බවෙන්න , අදම උනත් ගියාට කමක් නැ , මිස්ටර් සිරිමල් එනවයි කියල මම කෝල් කරල කියන්නං , අද දැං මේ ආවේ තනියමද .....කවුරුහරි කෙනෙකුට කතා කරල ...එනකං මෙතනට වෙලා ඉදල ගියොත් හොදයි මගේ හිතේ ‘‘

‘‘ තැන්කීයු ඩොක්ටර් ....නැ මට තනියම යන්න පුලුවන‘ ..එහෙනං මං ගිහින් එන්නං ‘‘

........හයියෝ  ආවැං ආවේ නැ මෙහෙම කේස් එකක් ....වැඩේ කියන්නේ වෙන පිස්සො දන්නැ උන්ට පිස්සු කියල මේ යකා ඒකත් දන්නව.......

........වෙන ඩොකෙක් හම්බෙන එක හොදා තමා , මේකගෙ ගුරා කියුව හන්ද යන්ඩ හිත දෙන්නැ , ගෝලයා මෙහෙම නං ගුරා කොහොම වෙයිද .....තෙල් බෙහෙත් ගාපු නට් කේස් එකක්.......

මුදුනා වෙන්ඩ ගියේ

‘‘ ඒයි කෝ අර සනත් නන්දසිරිගේ පීස් එක ‘‘

‘‘ ඔය තියෙන්නේ කැසට් එක ඇතුලෙම ‘‘

‘‘ ඒ සින්දු තෝරල ගහපු එකනේ  ...මං කියන්නේ රතුපාට එක ..වරදක් කලත් ‘‘

‘‘ ඇයි එදා ඔයා අල්විස්ට දුන්නා නේද ‘‘

‘‘ නැ මනුස්සයෝ ....ඒක ආයේ ගෙනත් දුන්නනේ ..පීස් එකත් නැ කවරෙත් නැ ‘‘

‘‘ මට ඇරං කන්ඩයැ ඔය වෙරි මර ගාතේ දාපු තැනක ඇති ‘‘

‘‘ ලොක්කෝ උඔ ගත්තද ‘‘

‘‘ අනේ මං නං ගත්තේ නැ ‘‘

‘‘ මු තමා දත්තේ ....කලන්ත් කම්බියට දල් මාත්තු දාන්ද ‘‘

‘‘ අනේ මේ ..මං ගත්තේ නැ ..තාත්තේ ‘‘

‘‘ නැත්තෙ මොකද , මං දැක්කා තාත්තේ ලොක්කා සුදු එක්ක දිග ඇර ඇර ඉන්නව ..කුණු ලේ පාට එකක් ‘‘

‘‘ ඇත්ත කියපං උඹ ඒකත් කෑවද ‘‘

‘‘ පිස්සුද අනේ ......මං දිග ඇරියේ ..ටල්අම්මලැ ගෙදරිං ගෙනාපු එකක් , ඒකේ පටිය ඇඹරිලා ටල් මාම විසිකරපු එකක් .. මේකි හැම මගුලටම මාව අල්ලනවා ..ගහනව බලාගනිං මැරිල වැටෙන්ඩ ‘‘

‘‘ ඉදිමෙන්ඩ ඇවිත් මගෙන් කන්ඩ එපා ....උඹ පැනගෙන ආවේ කෙල්ලට ගහන්ඩද .... දුහපිය යන්ඩ ..කනපලාගන්නේ නැතුව ‘‘

‘‘දහන්ඩ තාත්තේ ඊයේ මටත් දැහුවා ‘‘

‘‘ ආයේ දෙකක් නැ .. මේකම තමා ඕකත් ඇරං ගිහිං විකුනන්ඩ ඇත්තේ .... මතකනේ පොඩි එකාගේ සෙල්ලං බඩු ටිකත් විකුනල රඹුටං කාල ....දෙක තුනක් වැදුනහම ආයෙත් ගෙනත් වැට අස්සේ ගහල අපිව රවට්ටන්ඩ හැදුවා .....මං නං කවදාවත් බත් බැදගන මුව බලන්ඩ පයින් නැ යකඩ ගේටුව , තාත්තංඩියටම  බැරියෑ ඩියුටි යනකොට මුට කන්ඩ බොන්ඩ ඇරං යන්ඩ ‘‘



‘‘ අනේ මේ ඔය අප්පලේ වහගෙන  තමුසෙත් පැත්තකට වෙනවද ‘‘

‘‘ මං කියනකොට තමා ඔයාටත් අමාරු.... හිරකාරයෝ ආංඩු මට්ටු කරාට  ගෙදර ඉන්න අසමත් ජාතියව ආං බාං කරගන්ඩ බැ ..... මං හුනා කියන්නැහේ කියන්නේ ..මු කවදහරි අපේ මුනේ දැලි ගාල තමා පස්ස බලන්නේ ...........කොහෙද ඉතින්  ළමයි මට්ටු කිරිල්ල මතක් වෙන්නේ ටිකක් කට ගාගත්තහම විතරනේ ... මං නේ මේ සුමේ කරන්ඩ ඕන ..............අද නං කුණු රහට මොකුත් නැ , තියන දෙයක් එක්ක කන එකයි ඇත්තේ ‘‘

‘‘ ඔක්කොමල එක්ක මාවම කන්ඩයි හදන්නේ ...යනව යන්ඩ මං කොහේ හරි , හ.. .අ.... හ.....අ ...ලොකු අක්කත් එක්ක මං හොදට හිටියා එහෙට වෙලා ...ඇරගෙන ආව මහලොකුවට ‘‘

‘‘ බැහැල යන්ඩ උඹ මහලොකු මිනිහනේ ...ඉතිං පලයං ..මේ අම්ම නං නැ හොයා ඇවිදින්නේ ‘‘

‘‘ යනව තමා ඉතින්............අර පියංකරය තමා ඕකත් හොරකං කරන්ඩ ඇත්තේ , අපේ රුවන් ශ්‍රී ලාල්ගේ පීස් එකත් එහේ තියනව මං දැක්ක කියුවට පිලිගන්න එකක් යැ ‘‘

‘‘ රන්දෙනියලැ කොල්ල ‘‘

‘‘ ඔව් තාත්තේ ... ඒ අපේ එකම තමා .....ඒ පැත්තේ කොලය ඉරිල තියෙන්නෙත් අපේ එක වගේමයි ,  ඩිස්කෝ නටන්ඩ   සින්දුවත් අපේ එක වාගේම චරබර ගානව , මං එදා අම්මටත් කියුවා ‘‘

‘‘ එහේ  කැබිනට් එකේ උඩ තට්ටුවම පුරවල තියෙන්නේ කැසට් කෑලි වලින් , අපේ ඒවා ගෙනියයිද .......අනික අර කොල්ල ...........අනේ මුන් වගේ නෙමෙයි ....ඇවිත් යනකොට බඩගගා වැදල යන්නේ ..........ඒ ගෑනු මනුස්යත් ආපුවහම මා එක්ක කුස්සියෙමයි ...........රන්දෙනියත් ඉතින් සාලෙටවත් එනවයැ ...........මූ තමා ඒ කොල්ලවත් අල්ලගන කනක් ඇහෙන් නැති වෙන්ඩ ඕක කරකවන්නේ , .............මේ කනවනං බත් ටික කාල නිදාගන්නවද මටත් වලං ටික හෝදල දාල ඇල වෙන්ඩ ‘‘

ඔහොම ඉතිං තව මාසයක් හමාරක් ගිහිං දවසක එනව පියංකරයයි උන්ගේ අම්මයි අපේ ගෙදර . උං ආපු වෙලාවේ ඉදන්ම මං හිටියේ පියංකරයට ඇහැ ගහගන

'' අපිම එන්ඩ ඕන ඉතින් , කොහෙද ඉතින් නිකං වත් අපිව බලන්ඩ එනව කියල යැ ‘‘

‘‘ කොහෙද අනේ මේකෙන් එලියට බහින්ඩ වෙලාවක් , මුන්ගේ මලසුමේ කරනවා ඇරෙන්ඩ ‘‘

‘‘ අපි මේ ලතා ලැ ගෙදර ගිහින් එන ගමං , හතර වෙනියත් කෙල්ලෙක් ‘‘

‘‘ කලින් ලමයටත් එච්චර වයසක් නැ නේද , අපේ සුදුටත් එහෙම බාලද කොහෙද ‘‘

‘‘ඒක යැ වැඩේ මේපාර බඩ හරහට කපලනේ මෙතන ඉදන් මෙතෙන්ටම , බඩක් නැ ,මොකට කපනවද මන්දා ඔහොම , අපේ දෙන්නත් සීසා කරලනේ හම්බුනේ මගේ එච්චර කැපුවේ නැ , ඇවිදගන්ඩත් බැ අප්පා ‘‘

‘‘මට නං හතරදෙනාම නෝමල්නේ .....ඒ උනාට ඔපරේෂන් කෙරුවට අමාරුයි අනේ නිකං හම්බුනහම ‘‘

ඔන්න ඔහොම අනුන්නේ බඩවල් පලපුවයි . රෙදි අහක්වෙච්චයි . පැනල ගිය එව්වයි කතා කරකර මහ දෙන්නා ගෙවන අතරේ මං අරකගේ පස්සේ , මම දන්නවා තක්කෙටම මු තමයි කැසට් පීස් වලට ගේම දෙන්නේ , මට වඩා පන්ති දෙකක් උඩ හිටියට උස මහත උනාට මං දෙන්නං තොට අද , අතටම අල්ලගෙන ගෙදර උන් මට දෙන එව්වත් එක්කම අල්ලගෙන , අද මම පලන්නේ බොගේ ඔලුව ඉනේ බැදගන ඉන්න ටාසන් පිහියෙං .......කොලපත් කොපුවෙං  බැදගන ඉන්න තනි ලෑලි කෑල්ලෙන් තාත්තගේ ආවුද වලින්  දෙපැත්තට හීං කරල හදාපු කිනිස්සට අත තියන ගමං මං සැරින් සැරේ හිතනව , 

කොහොමහරි දවල්ට උයාපු බත් ඩිංගෙනුත් වෙනදට හම්බෙන හැදි දෙක දෙක හමාරෙං බාගයක් අඩුවෙලා , අපි තුන්දෙනාටත්  ප්ලාස්ටික් පිගානට බෙදල අරකටයි  උගේ අම්මටයි බෙදල දුන්නා , සමහරක්විට අම්මටත් බත් නැතුව ඇති .............එක අතකට එයාට බත් මොකටද .....හැම තිස්සෙම මාව කන එකේ ............චික් අම්ම ගැන එහෙම හිතන එක වැරදියි .....මතකනේ එදා ......තාත්තට වැඩ නැති කාලේ දවසක් .....කෝට්ටක් අරං අපි සෙල්ලං කර කර ඉන්නකොට ....පිට්ටනියට ඇවිත් මල්ලිවයි මාවයි ගෙදර එලවල ...අපි තව සෙල්ලං කරන්ඩ ඕන කියුවහම .....පැනි සුදුවගේ ගුටිත් එක්ක කෝට්ට කැඩෙනකං ... මට ගහල ,  මං දත් මිටි කකා එලියට වෙලා ඉදල ඇතිවෙලා ගෙට එනකොට 

‘‘ උඹල දගලල බඩ ගින්නේ ගෙට ආපුවහම මං මොනවද යකෝ ...කන්ඩ දෙන්නේ ....අද හුනුසාල් කැද විතරයි තියෙන්නේ ‘‘

කියුව හැටි , ඒත් ඇයි අම්මට බැරි මං ආදරේ තරං මට ආදරේ කරන්ඩ , හොදම එක්කෙනා වෙච්ච ලොකු අක්කව ටල් අම්මලට දීලා , නරකම චුටි අක්කව ලග තියාගන . කරන  තරං ආදරේ මල්ලිට කරනවනං , මාව මොකටද එහේ නොතියා ආයෙත් මෙහෙට ගෙනාවේ , මාව ඕන නං මට ආදරේනං ඇයි මාව අනුරාදපුරේ ඉදං ..ටල් අම්මලැ ගමේ රුවන්නැලි ඇරියේ ...ඉස්කෝලේ යන්ඩ , .......ආදරේට ඒක කලානං ඇයි ආයෙත් මාව අනුරාදපුරේට එක්කං ගියේ .......ආයෙත් වතුපිටිවල ඇවිත් ඇයි චුටි අක්කව සංඝබෝදි දාල මාව යටියන ඉස්කෝලෙට දැම්මේ , .........ඔන්න ඔහේ බඩ ගින්නෙම හිටපුවාවේ ........
ආයේ මං තාත්ත අම්මට රංඩු කරනකොට බේරන්නෙත් නැ . .................අම්මා කියන විදිහට ...තාත්තව දාල  ගියදෙං ...යන ගමං පොලිසියට කියලත් ගියදෙං .....යන ගමන් පොලිසියට කියල ගිහින් අම්මට රංඩු කලාට තාත්තව පොලිසියෙන් අල්ලං ගිහිං ..... කාකී කෝට් ගලවල ජංපරෙත් අන්දල ....හිරෙත් දාපු දෙං .....ඉතින් මට මොකැ ......මං සුදුවයි චුටි අක්කවයි මේ ගෙදර දාල .....රුවන්නැල්ල නිට්ටඹුව බස් එකේ නැගල සමුපකාරේ ලගින් බැහල යනව ටල් අම්මලැ ගෙදර ....................

එක්කෝ යනව සීත පුංචිලැ ගෙදර .....බාප්පා ගේන රස කෑම ..මාසයක් හමාරක් කාල යන්ඩ බැරියැ මොරාවතු.  බාගදා අම්මා තාත්තව පොලිසියට අල්ලලා දීලා  හැටේ අයියලත් එක්ක තාත්ත ...එළවලු හිටවනව බලන්ඩත් එත හැකි මට බස් එකක නැගල කළු මාමත් එක්ක එයා වැඩට යන උදේ බස් එකේ ...........චැ චැ ... ඒක හරි යන්නැ .... බොස්ටල් දාන්නේ ලොකු කොල්ලොනේ ....අපිව දාන්නේ මග්ගොන ....තාත්තලට ඉතින් ...අනුරාධපුරෙයි ...මහරයි ...කොළඹයි තමා.

ලොකු අක්කා දැං බත් කනව ඇති හරක් මස් එක්ක .......අද කට්ටියම ගෙදර ඉන්න දවස ..රස කෑම පිරිල .., , මං කන්නේ අලයි හාල් මැස්සොයි , පොලොස් ගැට මැල්ලුමයි ................ඒකත් නරක නැ .......කොස් මාලුවයි ... , පොලොස් මාළුවයි ....ජපං බටු කොල මැල්ලුමයි කනවට වඩා .....හොද වෙලාවට අද කොහිල නැ....

ඔන්න ඉතින් අපිට කන්ඩ තිබුන බත් ටිකත් බඩ පැලිච්ච අම්මයි පුතයි දැං යන්ඩ ලෑස්ති වෙනවා ,

මහ ගෑනි කතා කලහම ගේ පිටි පස්සේ මා එක්ක බිලිං ගැට කකා උන්න පියංකරය ගේ පිටින් නොයා කුස්සි දොරෙන් ඇතුල් වෙලා යන්ඩ හදනවා . ටාසන් පිහියත් අතට ගන්න මාත් හිමිහිට උගේ පස්සෙං ඇදෙනව .බාරාදෙ හරහා දොර රෙද්ද ඇත්කරගන සාලෙට ඇතුලු වෙච්ච පියංකරයා යන ගමං කැබිනට් එක උඩට අත දික්කරල කැසට් එක ගාව තිබුන පීස් එකක් අරං සාක්කුවට ඔබාගන්නව
උග් .....ආආ..ආ..

හොදට අත දිග ඇරල උගේ පිට මැද්දට පිහියෙං අනින මං 

‘‘ දිපීය අපේ පීස් එක ‘‘

.....තටාස් ....

තව එකක් ඔලුවට 

කැසට් පීස් එක බිම දාන පියංකරය ඉස්සරහ දොරෙන් එලියට බැහැල ගේට්ටු කනු දෙකෙනුත් එලියට ඇවිදගෙන යන අම්මට එකතු වෙනව , ඒත් එක්කම ගෙට එන අපේ අම්මා ....පිහියත් උලුක්කරගන දත් මිටි කකා දාඩිය පෙරාගන ගල් වෙලා ඉන්න මාව දකිනව 

‘‘මොකද ලොක්කෝ මේ ‘‘

‘‘ අරූ තමා කැසට් පීස් හොරකං කරන්නේ ...අද අතටම අහු උනා මේ පීස් එක සාක්කුවට දාගන්න කොට ‘‘

‘‘ සාක්කුවට දාගත්තනං ....බිමට ආවේ කොහොමද ‘‘

‘‘ මං ඌව අල්ලගන දෙකක් දුන්නහම  බිමදාල දිහුවා ‘‘

‘‘ අතටම අල්ල ගත්තනං මට කතා නොකර උඹ මොකටද මුදුනා වෙන්ඩ ගියේ ‘‘