2014-08-08

බැද දමා තිබු තැනින්

ගගදිගේ දුර මගක තරනයට සැරසෙනා
ඔරුකදක් තනිකමට රැහැනකට අමතලා
යන මගේ තැනින් තැන විඩාවට සුවදෙනා
නවතිනා තැනින් තැන ඉසබුවක් ලැබ දෙනා

ටික දුරක් ගංදියේ කඩිසරව පාවෙලා
ගලායන සැඩරලේ රුහැන් පට බිදදමා
බැද දමා තිබු තැනින් ඔරුකදත් ගිලිහුනා
රැහැන් පට ගං දියේ එක තැනම පාවුනා

සැඩරලේ බිහිසුනුව සිව්අතේ පාවෙලා
නිසල දිය ඇති තැනදි මොහොතකට නැවතිලා
යන අතර තැනින් තැන ලැබෙන දේ පුරවලා
සෙල්මුවා තොටුපලක ඔරුකදක් නැවතුනා

බැද තිබු උණ පදුරෙ කාලයක් පැටලිලා
ගං දියේ හතර අත දුක්බරව පාවෙලා
ගග හිදෙන ඉඩෝරේ වැලි මත්තේ වේලිලා
උඩු අතට දිය ගලයි රැහන්පට සැනසිලා

සෙල්මුවා තොටුපලෙන් තොටියෙකුත් ගොඩවෙලා
දුර්වර්ණ ඔරුබදට සායමක් ගෑවිලා
බිහිසුනුම සැඩරලෙත් කීකරුව පාවෙලා
තොටුපලේ ඔරුකදක් ගං දැල සනසනා

ඒ ගොඩත් මේ ගොඩත් කාලයක් සැරිසරා
පරිවාර තොටියනුත් තොටි තෙමොට පුදකලා
පැතුයේ තොටුපලක් නොවන බව සිහිවෙලා
රැහැන්පට තනියෙන්ම ගං දියේ වැලපුනා

26 comments:

  1. මගුලක් කතා කරනවා... උඹ ආයෙ කවියක් දැම්මොත්, "මම" අටම්පහුර කියවන එක වාරණය කරණවා... අම්මපා සත්තයි !!

    ReplyDelete
  2. තොටි තෙමොට පුදකලා////
    මේකෙ තේරුම මොකද්ද අටං අය්යෙ...
    සිරාවටම දන්නැති හන්ද ඇහුව්වෙ...

    කවිය ලස්සනයි ඇත්තටම අපූරුයි

    ReplyDelete
  3. ම්හු....... පට්ටේටම තේරුනා මොකද්ද කියලා තියෙන්නේ කියලා.... කොටින්ම මට අටම්ගේ කයිය පපා ගන්න හිතුනා...... හොඳ වෙලාවට ලඟපාත නැත්තේ .....

    ReplyDelete
    Replies
    1. අහුවුන වෙිලාවක හරි කරහන්.

      Delete
    2. මගෙ ඔරු කඳත් දිරාලා
      කොල්ලෑවෙ ලණු කැඩීලා …

      මේ ඔරුව නං ටොප්… මෙන්ඩියගෙ වචනෙන් එල ද බ්‍රා !!!!!

      Delete
    3. ඔව් ඔව් මැලෙ අමතක නොකර හමුවුනු වෙලාවක කොරහන්

      Delete
  4. එල ද බ්‍රා කියනවා මිසක් අපිට කවි ගොතන්න තේරෙනවා කියලද?

    ReplyDelete
    Replies
    1. ආයිත් අහල ….

      ඒ වුනාට තේරෙනව වගේ ඉම්මු. ලොකු පොරවල් එහෙමලු. අපි කියල මොනවයිං අඩුවද්ද බං ඈ ?? සල්ලිද යාන වාහනද ඉඩකඩංද උගත්කමද ඈ ??

      Delete
  5. මලේ මලේ ඔය නාමල නෙලා වරෙන්
    තල්ල සුදුයි බෙල්ලේ ගෝමර කැටිය ..
    බඩගිනි වෙලා මා ගිය කල පුතුගේ ගෙට
    ඇදපන් ගොනෝ ඇදපන් හපුතල් යනවා ......

    ReplyDelete
  6. ජිවිතයේ එක තොටුපලක් විතරක් නම් තියෙන්නේ..... මං හිතන විදියට වාසනාවක්...... ඒත්..... තොටියෙකුට අහුවෙන තොටුපලකින් බහින්න වෙනවා. ඒකට කරන්න දෙයක් නැනේ.....
    ඒත් ඔරුවකට වෙන්නේ ගොඩවෙන තොටියත් එක්ක ගංදියේ.... ඒ අතට මේ අතට පාවෙන්න විතරයි..... රැහැන් පටත් එලෙසමයි.....
    ඕක නේද අටම් ...... ඔය කියන්න හදන්නේ...... ජිවිතේ ඔහොම තමයි..... නිසලව ගලන්නේ නැ.....

    ReplyDelete
  7. ඔරුවට තොටිය ගොඩවෙනවා කියන්නේ ටිකක් කේස් වගේ

    ReplyDelete
  8. ඔරු කඳ නියමයි.. හැක් හැක්..

    ජ ය වේ වා !!!!

    ReplyDelete
    Replies
    1. ඕ යේස්. … අඩි 40 ට්‍රෝලර් එකක් එක්ක ඇරියහැකි … !!!!!!

      මෙන්න ඔරු නං ඔරු …

      Delete
  9. ඔරුකඳ යාවි ඈත පාවී
    ගඟ දිය ගලා ගියාවේ
    පදින්න ආස නැද්ද නංගෝ
    සදාල කෙසෙල් කඳන් පාරූ …

    - ෆ්ලෑෂ් බෑක් -

    ReplyDelete
  10. සක් ...
    කවිය මොනා වුනත් ඔරුව නම් පදින්න හිතෙනවා , ඉහත තත්වයන් සහ ප්‍රමිතීන් යටතේ

    ReplyDelete
  11. අනේ බං මට නං ඔරුවක කේස් එකකට වඩා බූට් එකක් කාපු කෙල්ලෙක් දුක කියනවා වගේ.
    //බැද තිබු උණ පදුරෙ කාලයක් පැටලිලා
    ගං දියේ හතර අත දුක්බරව පාවෙලා
    ගග හිදෙන ඉඩෝරේ වැලි මත්තේ වේලිලා
    උඩු අතට දිය ගලයි රැහන්පට සැනසිලා//
    එකින් එකට කියන්න බැරි උනත් මේක තමා මං ආසම එක.

    ReplyDelete
  12. රැහැන් පොට පැතූවේ තොටුපොළක් නොවේනම්
    ඒ වෙන මොකක්දැයි නොසඟවා කියාපන්

    ReplyDelete
  13. කවියයි ඔරුවයි කොහොම උනත් තොටිය නං කියල වැඩක් නෑ.ඒක නෙවෙයි ඔය ඔරුව තියෙන්නෙ කොහෙද කියල ඔත්තුවක් දෙන්න බැරිද.

    ReplyDelete
  14. පැතුයේ තොටුපලක් නොවන බව සිහිවෙලා
    රැහැන්පට තනියෙන්ම ගං දියේ වැලපුනා


    අවසානේ උරුම උනේ
    මල් පොකුරක එකක් වෙන්න...

    ReplyDelete
  15. මේකට නම් ලියන්න වෙන්නේ සිඛ වළඳ විනිස, සද්ධර්මරතනාවලිය, වගේ ගැට පද විවරණයක් මිසක් අදහස් දැක්වීමක් නෙවෙයි.

    ReplyDelete
  16. අතිශය සුපිරිය! :)

    ReplyDelete
  17. ජීවිතේට ගලපගත්තමනම් කවියෙ වටිනාකම උපරිමයි.

    ReplyDelete
  18. එයි මචන්. මට මේ ෆොටො එකේ ඉන්න නන්ගි එක්ක "හබල් ගාන්න ආසයි බන්. හික්ස්..

    ReplyDelete

අදාල පාර්ශවයකින් ඉල්ලීමක් ක‍ලහොත් හැරෙන්නට කිසිදු අදහස් දැක්වීමක් ඉවත් කරන්නේ නැත

කමෙන්ට් වලට ලින්ක් දානකොට
<a href="LINK HERE"> WORDS HERE</a>