තෘප්තිය

මං බය උනා
ඔයා යයි කියල
අසරණ මාව
තනිකරල දාල
කීදෙනෙක් නං
ආවද මාලඟට
ජීවිත කාලෙටම
විඩෙං විඩේ
ඒත් ඔයා තරං
ඒ කෙනෙක්වත්
මට ඕන දේ
දුන්නේම නැ
දුකට සැපට හැමදාම
ලඟ හිටිය එයා
යන්නම ගියහම
ඒ අඩුව පිරෙව්වේ ඔයා
ඒත් මට හිතුනේම නැ
ඔයාට පුලුවන්  වෙයි
මාව හුරතල් කරන්න
තෘප්තිමත්  කරන්න කියල
මට දැනුනා නං
කොහොමටවත්
ඒ පොව්වන වතුරට
බහින්ඩ දෙන්නේම නැ
ඇස් මානයේ ඔයාව හොයනකොට
වතුර යට ඉදං ඇස් පිල්ලං ගහනවා
මගේ පපුව පිච්චුන තරම දන්නව නං
ආයේ දග කරන එකක්ම නැ ඔයා
ඔය එක එක්කෙනා කතා කලාට
ඔයා ඇහුන්නැ වගේ ඉන්න
ඔයාට කතා කරල මට කියන්න කියුවට
මම ඇහුන්නැ වගේ ඉන්නේ
එයාල මට ඕන නැති නිසා
මං කොච්චර වඳ වින්ඳද
ආයෙත් ඔයාව මාලඟට ගන්න
උදව්වට ඕන දේවල් නැතුව
මා ලඟ තියන ලාභ බාල
කොත්තමල්ලි වෙනිවැල්ගැට එක්ක
මහා ගොං විදිහට ඒ අවදානම අරං
කාලගටවත් ඔයාව
ගෙනිච්චෙ නැත්තේ
හුස්ම පිබින මුවාවෙන්
ඔයාගේ තොල් හපයි කියල
ඒ නැතත් චුට්ටංම චුට්ටං
හංස පැටව් අතගායි කියල
කොහොම හරි මං දින්නා
නැ නැ හරි හරි සොරි සොරි
අපි දෙන්නාම දින්නා
දැං ආයෙත් ඔයා
මගේ තුරුල්ලේ
වෙච්ච දේ ඉවරයි
හැබැයි ආයේ කියන්න එපා
ඔයා මාව බලාගත්තේ නැතුව
මාව වතුරේ ගිලුන හන්දා
මට අරක බැ මේක බැ කියල
මට කරදර කරපු අය
මං කොච්චර ආදරේ කරත්
අන්තිමට නැවතුනේ
පල් වගරු මඩේ