2020-09-24

මේ කෙහෙකන අපි දෙන්නෙක් කනවා


මේ කෙහෙකන අපි දෙන්නෙක් කනවා

මේක  මං  පොඩි   කාලේ  උන වැඩක් , මම මේ කියන ඩයල් එක මට වයස  දාසයක්  විතර කාලේ වයස  විසිපහක  විතර පොරක්, පට්ට ආතල් ඩයල් ඒකක් පස්සේ  කාලේ  කුඩු ගහන්ඩත් ගත්තා,    හම්මෝ  ඒ් කාලේ  අපිව  හිනස්සලා  මැරුවේ  නැති ටික විතරයිි ඒ්කා , කුඩු බොන්ඩ පටන් ගන්ඩ කලින්  ඌ කරපු වැඩක් මේක. 

මම  නම කියන්නැ  මේ  ඩයල් එක  දන්න  බුවාල කිහිපයක්  බුකියෙ  එකේ  ඉන්නවා , බාගදා  මම  නොදැක්කට ඩයල්  එකත්  ඇති ,  බුවා දැන් බව්වා දාන්නේ  නෑ   ඒ්කනං ලොකු දෙයක් හිත හොද ඒකෙක් ඌ.

ඔන්න  මමත්  කඩය ඉස්සරහ  දාලා  තියන කැරම්  බෝඩ් එකේ  ඉන්නවා   කතානායකයා  එන්ටර්  උනේ  එතකොට ඩයල්  දැක්ක  ගමං සීන්  වෙනවා  මලක්  ගහලා  සලුවෙලා  ඉන්නේ  කියලා  මූ  ඇවිත්  ගෝල්ලිප්  තුනකුයි  මස්කට්  කෑලි  තුනකුයි  ඇරං  කැරම්  ගහන  අපි  දෙන්නට  කිසිවක්  නොකියා බෝඩ්  එක  උඩට  දෙක දෙක  විසිකරා.

අපිත් ඉතින්  මස්කට්  කාලා  සිකරට් දෙක  පත්තු  කරං ඌ  එක්කත්  කයිය  ගගහ  කැරම්  ගහනවා 

ඔන්න  එතකොටම  කඩය  ඉස්සරහ  එල්ලලා  තිබුන  කෙහෙල්  ඉවර  උන  පරන  ජේ  අකුරක්  ගලවලා හොදටම  ඉදුන  ඇංඹුං  කෙහෙල්  කැනක් මුදලාලි ගෙනත්  එල්ලුවා.

මුදලාලි  හර්බට් ඌත් අපේ  යාලුවා ඌ  නැති  තැන  අපි  ඌට  කියන්නේ  පුබ්බඩයා  කියලා  මොන  හේතුවට  ඒ  නම  දැම්මද  කියල  නං  මතක  නෑ 

අපේ  ඩයල්  එකේ   නම  නොකියා  වෙන  නමක්  කියන්නං  නැත්තං  ඕකා  මාව  මරනවා කලින් දවසක  ඕකා  ගැන    මම බ්ලොග්  එකේ    ලියලා  පාරේ  අහුවෙච්ච  වෙලාවක  අම්මට  අහවල්  එක   කරගන්ඩ  එපා කියලත්    කියුවා  
 එක  නිසා  මම  සිදත් කියලා කියන්නං  කතාව  කියන්  යන    පහසුවට  නමක්  ඕන  නිසා 

 මුදලාලි  කෙහෙකන   එල්ලලා  හැරෙනකොට

ගෙඩි හැලෙන්ඩ  ඉදිලා .....  කීයද

රුපියල්  තුනයි

හෑ ....  යකෝ  අපේ  ගස්වල  කුණු වෙලා  වැටෙනවා

කුණු   වෙන්ඩ  අරින්නේ   කාහල්ලකෝ

කනවා තමා  .... කාගන්ඩ  බැරි එව්වා තමා කුණු  වෙන්නේ

එල්ලපු  ගමං  බඩු  බාල්දු  කරන්ඩ  එපා .... ගන්නවනං  ගනිං  .... නැත්තං  කට පුක  වහගන  පලයං ...... අනේ  තොපි  කන  කෙහෙකං

ටිකක්   වෙලා    කල්පනා  කරපු  සිදත්  ලල්  හිනාවක්  දාා 

අපේ  ගෙදර  උන් දෙන්නෙක්ට  මේ  කෙහෙකන  මදි ...... දාහක්  ඔට්ටුයි  අපි ⁣ දෙන්නෙක්   මේක  කනවා  

කියලා   සරමත්  කැහැපොට   ගහං  පාරට     ගොඩවෙලා  උන්ගේ  ගෙවල්  පැත්තට  ගියා,  අපි   දෙන්නා  කැරම්  අත   ඉවරවෙලා  දෙවනි අතට   ඉත්තෝ  සැට්   එක   හදනකොට   සිදත්   ගෙදර  ඉන්න  වැස්සියෙක්   දක්කං  ඇවිත්   කඩය  ඉස්සරහා   කණුවක  බැදලා    කඩේ   එලිපත්තට  ගොඩවෙලා කෙහෙකන  බාලා  ඇරගන  ගෙඩි  හත අටක්  කාලා, ඒකත් ඇරං  ගිහින්   කෙහෙල්  ගෙඩි  එක එක   කඩලා  ඇරං   වැස්සිට  කවන්ඩ  ගත්තා  අපි   දෙන්නගේ   කට  දැං  කනේ  ...... ඒක  දැක්ක   පුබ්බඩයා.

ඈ  බොල  දහබලු   ඒසිගේ පුතෝ  මගේ  කෙහෙකන  හරකට  කවන්ඩ  තොට  මොන  හයියක්ද   කියාගන  පැන්නා  එලියට

මේකිත්   ඉන්නේ  අපේ  ගෙදර ..... මන්  අපි  දෙන්නෙක්ට  මේ  කෙහෙකන  මදි  කියුවේ  මේකිටයි  මටයි .....😜

6 comments:

  1. හිතුව දේ ලිව්වෙ නෑ

    ReplyDelete
  2. මොනවා හරි කන්න ඔට්ටුවක් දාලා මේ වගේ වංචාවක් කරනවා ඇහුවේ අදයි. ඒ උනාට එහෙම වංචා නොකර, හැබෑවටම 'කාලා' දිනාපු ඔට්ටු දෙකතුනක් මම අහලා දැකලා තියනවා.

    1980 දශකයේ මම වැඩ කරපු ආයතනයේ සුළු සේවක මහතෙක් බත් මුල් ව්‍යාපාරයක් කළා. බොහොම අහිංසක කෙනෙක් උන මේ මනුස්සයාගේ බත් මුල් ඉතාම පුංචියි කියලා තවත් සේවකයෙක් හැමදාම සමච්චල් කරනවා. ඒ නිසා සමහර දවස් වලට බත් මුල් විකිනෙන්නේ නැතිව ඉතුරු වෙනවා. මේ කියන දිනයේදීත් ඉහත කියූ විදියට බත් පැකට් පුංචියි කියූ නිසා බත්මුල් පහක් නොවිකිණී තිබුන බවත්, මේ සමච්චල් කිරීම නවත්වන ලෙස ඒ මිනිහාට කියන ලෙසත් මගෙන් ඉල්ලා සිටියා. හොඳ උස මහත මුස්ලිම් මිනිහෙක් උන මේකාට මාව උස්සලා පොලවේ ගහන එක උනත් සුළු දෙයක් උනාට, මම ඒකාගේ ඉහල නිලධාරියා නිසා මට යම් ගරු සරුවක් තිබුනා. මේ ගැන ඒ මිනිහාව ගෙන්නලා අහපුවාම, ඒ මිනිහා කිව්වේ බත් මුල් ඉතාම පුංචි නිසා ඒකාට මෙයින් බත් මුල් පහක් උනත් කන්න පුළුවන් බවයි. මමත් මේ බත් මුල් කන නිසා මට නම් ඒවා එච්චරම පුංචි බවක් දැනුනේ නැහැ. කොහොම හරි ඒ මිනිහා මේ ගැන කියවනකොට මම කිව්වා, ඉතුරු උන බත්මුල් පහක් තියනවා, පුළුවන් නම් පහම කාලා පෙන්නපං, පහම කෑවොත් මම සල්ලි ගෙවන බවත් (බත් මුලක් රුපියල් 6 වගේ තමයි මතක) කිව්වා. මේකා මුළු බත් මුල් පහම, කරපිංචා නැට්ටක්, රම්පෙ කොලයක්, මාළු කටුවක් කිසිම දෙයක් ඉතුරු නොවෙන්නම කෑවා. එතකොට කලින් කාපු එකත් එක්ක, බත් මුල් හයයි. මිනිසුන්ගේ ආමාශය කකුලේ මහපටඟිල්ලේ ඉඳලාම තියන බව ඉගෙන ගන්න මට එදා රුපියල් 30 ක් වියදම් උනා.

    කවදා හෝ සිදු වූ ආණ්ඩු පෙරළියකින් පස්සේ පාන් ගෙඩිය සත හැටක් දක්වා මිල අඩු උනා. උණු උණු පාන් කඩේකට දාන කොට ප්‍රතිවිරුද්ධ දේශපාලන මත දරන දෙන්නෙක් පාන් මිල අඩුවීමේ හොඳත්, පාන් මිල අඩු උනාට, පාන් කන්න තියන හොදි මාළු වල මිල ඉහල නිසා එයින් ප්‍රයෝජනයක් නැති බවත් කියමින් තර්ක කරලා. පාන් තියනවානම් කන්න හොදි මාළු ඕනෑ නැහැයි කිව්වා එකාට අනිකා අභියෝග කරලා තියෙන්නේ පුළුවන් නම් පාන් රාත්තල් පහක් නිකම්ම කාපං කියලයි. අභියෝගය බාර ගත්ත මිනිහා පාන් ගෙඩි පහක්, කාල් හැටියට කපලා ගෙන්නවාගෙන කනවා. මේ සිද්ධිය ආරංචි උනාම අපිත් බලන්න ගියා. මේ මිනිහා පාන් ගෙඩි පහම කාලා, ඔරෙන්ජං බාරලි බෝතලයකුත් බීලා කට පිහදාගෙන නැගිටලා ගියා.

    මේ ඉහත පාන් කාපු එකා, තවත් ඒ වගේම සවුදම් ජෙමා වගේ එකෙක් සමග කුලියට කුඹුරු වැඩට ගිහිල්ලා ඉන්නකොට දවල් ඇඹුල ගෙනැල්ලා මේ දෙන්නාට කන්න කියලා තියනවා. මේ දෙන්නා කුලියට වැඩ කල අතර තවත් කිහිප දෙනෙක්ම හිතවත්කමට 'කයියට' සහභාගී වෙලා තියනවා. හිතවත් කමට ආපු අනිත් අයට කෑමට පෙර "අරිෂ්ඨ" වේලක් දෙන බලාපොරොත්තුවෙන්, මේ දෙන්නාට කන්න කියූ බව තේරුම් ගත්ත මේ දෙන්නා කියලා තියෙන්නේ, "අපි කෑවොත් අනික් අයට මදි වෙයි, ඒ ගොල්ලන්ටත් කන්න එන්න කියන්න" කියලයි. ඒකට පිළිතුර වෙලා තියෙන්නේ "හාපෝ මේ බත් මල්ලක්ම තියෙන්නේ (ඒ කාලේ කුඹුරට බත් ගෙනියන්නේ පං මළුවල) මේක හැමෝටම ඇති " කියලයි. මුන් දෙන්නා මුළු බත් මල්ලමත්, හොදි මාළුපිණි සියල්ලමත් කාලා, අනිත් එවුන් අරිෂ්ඨ බීලා ආපුවාම උන්ට කන්න කඩෙන් පාන් ගෙනත් දීලා.

    ReplyDelete
    Replies
    1. දවසක් මායි සම්පතුයි සෝබනයි වත්තෙ වැඩ කරල ඇවිත්, පාං ගෙඩි දෙකක් ගෙනාව කන්ඩ. මම පොල් ගාල සම්බෝල හදන පරක්කුවට අර දෙන්නගෙං එකෙක් පාං ගෙඩි එකහමාරක් නිකං කෑවා. පස්සෙ අනික් බාගෙ උං දෙන්න බෙදාගෙන කෑවා, මං උදේ උයපු බත් දංකුඩ කෑවා...

      Delete
  3. ඔය කෙහෙ කැනේ කතාව කෝපිකඩෙත් ගියා. සාමෙල් අප්පුට ඔය ඔට්ටුව ඇල්ලුවෙ අබිලිං...

    ReplyDelete
  4. mage fredek .. bithara 20,,, yogurt 20k, indi appa 65k kawa ...ottuwakata ,,, eka kala uge gane kiyala mee kiri hattiyakuth kawa ...

    ReplyDelete
  5. මං වහන්සේ නම් එහෙම සවුදම් ජෙමා කෙනෙක් නෙවෙයි. ඒත් ඔට්ටුවක් පැරදිලා කොහොඹ කිනිති 50 ක් කෑවා.
    ඒ එක්කම ඇති වුණු කතාවකින් පස්සේ අපේ බතික් වැඩපොළේ ගැහැණු ළමුන් කිහිප දෙනෙක් මගේ ප්‍රතිවාදියා එක්ක තරගෙට පාන් කෑවා. දිනුවේ කෙල්ලෙක්.

    ඔය සිදුවීම් කියවන්න කැමතියි නක මෙන්න පාර.
    http://nidigepanchathanthare.blogspot.com/2019/01/blog-post.html
    http://nidigepanchathanthare.blogspot.com/2019/01/blog-post_8.html

    ReplyDelete

කමෙන්ට් වලට ලින්ක් දාන විදිහ
<a href="LINK HERE"> WORDS HERE</a>