2012-06-11

සර් කොහෙට හරි ගෙනිහිල්ලා මාව මරලා දාන්ඩ





මගේ පරණ කතන්දර කියවපු කට්ටියට මතක ඇති මයේ හිතේ සර්ලට මොකටද කසිප්පු

 කතන්දරෙ අයිසෙ අංකල්ව, කලින් දවසෙ  මිනිහා කසිප්පු පොට් දෙකකදිම ip මහත්තයට  මාට්ටු වෙලත්  කට හින්දා බේරිලා ගියානේ .

හැබැයි එදා ip මහත්තයා බෙල්ල අතඇරියේ 

''තො ආයේ මට අහුවෙන්ඩ එපා නාකී  -කා''

කියලා ආදරෙන් අවවාද කරලනේ.ටික දවසකට පස්සේ දවසක අයිසේ අංකල් ගියා කසිප්පු බොන්ඩ කියලා තවත් තැනකට. ඉස්සර ගෙදර මිදුලෙම බිස්නස් එක කෙරුවට ip මහත්තයා තමන්ගේ කොටහ ගන්ඩ අකමැති උන හන්දා එ දේශිය නිෂ්පාදකයා හරිම අමාරුවෙන් තැනින් තැනට ගිහිල්ලා තමයි තමන්ගේ ජීවිතය රුක ගත්තේ.(පව්නේ ඒ මහත්තයා)

එදා මැන් වැඩේ කරගන ගියේ පාළු වත්තක ,ඒ වත්තේ පාර පැත්තට ඇරෙන්ඩ අනිත් දෙපැත්තම තාප්ප ගහලා.( අනිත් ඉඩංවලට පැති හතරක් තිබුනට මේකට තූනයි , පිටිපස්සෙන්   v  හැඩයට )  ටිකක් වත්ත දිගයි , වත්තේ මුල්ල පාරට පේන්නැ.

                                               අයිසෙ අංකල් බාගයක් ගහලා පාරට එන කොටම පොලිසිය පැන්නා ,හිටපු කෂ්ටිය තාප්පෙන් පැනලා දිහුවා. රාලහාමිළත් උන්පස්සේ පැන්නුවා , අයිසේ මොකූත් නොදන්න බබා වගේ පාර පැත්තට එනවා. ip මහත්තයා ඉන්නවා ජීප් එක ලග ඉනට අත්දෙක තියාගන

''ආ නාකි   -කා තොට මම කියලා තියනවා නේද කසිප්පු බීලා අහුවෙන්ඩ එපා කියලා , ගහපිය මෙතන දණ''

අනේ අයිසෙ අංකල් තාර පාරේ දණගහගන ඉන්නවා, ලැජ්ජාවට බිම බලාගන නිකමටවත් ඔලුව උස්සන් නැ.

ip මහත්තයා හරිම වෙනස් මනුස්සයනේ බොන්ඩ ඇවිත් අහුවෙන උන්ව කවදාවත් බෝතලයක් දාලා උසාවි දැම්මේ නැ.

අයිසෙට වගේ මතක හිටින දඩුවමක් තමයි දුන්නේ.ටාගට් එක පෙරන එකා සහ වීකූණන එකා.කසිප්පු වැඩිය අහුඋන  දවස් වලට බොන්ඩ ආපු කට්ටියට කසිප්පු නාන්ඩ එහෙම අවස්ථාව හම්බඋනා, ඒකම කොච්චර වාසනාවක්ද නේද.

රාළහාමිලා කෂ්ටිය වීකූණපු එකාව අල්ලගෙන ආවා බඩුත් එක්කම. දැම්මා ජීප් එක ඇතූලට , 

ip මහත්තයා අයිසෙ අංකල් ලගට ඇවීත් 

''හා උඹත් දැන් නැගිටලා පලයන්''

 කියලා අයිසේ අංකල් අතේ තිබ්බ මල් මල් කූඩය අරගන පිට හරහට පාරවල් හත අටක් ගහලා නැග්ගා ජීප් ඒකට.

ඇස්වල කදුළු පුරවගෙන අයිසේ හිමිහිට ලංකලා ip මහත්තයට

''සර් මාවත් කොහාට හරි අරගන ගිහින් මරලා දාන්ඩ''

කොච්චර ලොක්කා උනත් ip මහත්තයා ගැස්සිලා ගියා, ආයෙත් හැරිලා බැලුවා අයිසෙ අංකල් දිහා

''සර් මට කොල්ලොම හතර දෙනෙක් ඉන්නවා ,ලොකූ එකා සර්ගේ වයසට විතර ඇති , පාරේ දණ ගහගන ඉදලා ගිහිල්ලා මම කොහොමද උන්ගේ මූණ බලන''

''යකෝ තොට දරුවෝ ඉන්නවා කියලා මතක් උන්නැද්ද කසිප්පු ගූබ්බෑයන් වල රිංගන්ඩ කලින්''


''දරුවෝ පැත්තකින් තියමුකො සර් 

සර් මට ගහලා ගහලා කැඩුවේ ගෑණීගේ කූඩය''

3 comments:

  1. සර් මට ගහලා ගහලා කැඩුවේ ගෑණීගේ කූඩය''


    අටමට වෙච්ච එකක් ඔය

    ReplyDelete
  2. අටමට වෙච්ච එකක් මේ

    ReplyDelete
  3. අටමට වෙච්ච එකක් මේ

    ReplyDelete

අදාල පාර්ශවයකින් ඉල්ලීමක් ක‍ලහොත් හැරෙන්නට කිසිදු අදහස් දැක්වීමක් ඉවත් කරන්නේ නැත

කමෙන්ට් වලට ලින්ක් දානකොට
<a href="LINK HERE"> WORDS HERE</a>