2012-08-05

බලා ඉදලා හරියන් නෑ යමල්ලා අංගොඩ


අපේ අහල පහල ගෙදරක ඉන්නවා ගෑණු මනුස්සයෙක්, කවදාවත් කව්රුවත් කියන දෙයක් අහන ගෑණියෙක් නෙමෙයි, කරොත් කරන්නේ ගොංතකතීරු වැඩක්මයි, උන්දෑ හිතාගන ඉන්නේ උන්දෑ ඔක්කොම දන්නවා කියලා.  ඒ උනාට නොදන්න මනුස්සයෙක්ට උනත් වචනයක් දෙකක් කතා කරහම තේරෙනවා මෝඩ ගෑණියෙක් කියලා. ඒ මනුස්සයත් එක්ක කතා කරහම අපේ ලේ රත්වෙනවා විතරයි, මේ කියන එක මේ නෑ කියනවා, එක එක තැන්වල එකක කියලා කොටවනවා,  මහ ලොකු පම්පෝරි ගගහ ගමවටේ ඇවිදින එක තමයි උන්දැගේ රස්සාව

දැන් ටික දවසකට කලින් වැඩකට නැති වැඩකට හෙණ සල්ලි ගොඩක් පොලීයට අරගන (ඒ මෝඩකම කරන්ඩ එපා කියලා උන්දැව දැනුවත් කරන්ඩ ගිහිල්ලා මමත් හොදට අහගත්ත නිසා මමත් ඒඋන්දැත් එක්ක කතා නොකර හිටියේ) ගෙවා ගන්ඩ බැරුව අන්ත අසරණ තත්වයකට පත්වෙච්ච මේ මනුස්සයට ඒක දිගට කරදර ගොඩක් සිද්ධ උනා. හැබැයි ඒ  හැම කරදරයක්ම එයාම විහින් දාගත්ත ලෙඩ නිසා අන්තිමට දරුවන්ටත් උන්දැව එපා උනා. ( ඇත්තටම උන්දෑ දරුවන්ට හරියට වදදෙනවා)  අන්තිමට කව්රුවත් උන්දැව ගනන් නොගන්න . හොයානොබලන තත්වයට විහින් පත්උනා. පව් ඉතින්.....


මේ ලගකදි දවසක ඒ ගෙදර පැත්තේ හෙන සද්දයක්, මොකක්ද කලබලය කියලා බලන්ඩ මමත් ඒ පැත්තට ගෑටුවා. ඒ මහ උන්දැව ගෙදර කට්ටියම එකතූවෙලා අල්ලගන ඉන්නවා, මහ උන්දැ අතපය දරදඩු කොරගන පිස්සු කියවනවා, ටික වේලාවක් සීන් එක රසවිදපු මං


!! ඇයි ඇයි මොකද වෙලා තියෙන්නේ !!


!! බලන්ඩකෝ අයියේ අම්මා බත්කකා ඉදලා එකපාරටම වැටුන දැන් හරියට සිහියක් පතක් නෑ !!


( මෙන්න යකෝ සිහියක් පතක් නැති ගෑණි හොර  ඇහිං මා දිහා බලනවා )




!! අරගන එන්ඩ වතූර ටිකක් !!


අතට වතූර ටිකක් ගාගන කම්මුල් දෙකට දුන්නා දෙකක් චුට්ටක් විතර බර දාලා


ආ ඔය එන්නේ සිහිය


!! දැන් එයාට නිදහසේ ඉන්ඩ දිලා උඹලා අහකට වෙයල්ලකෝ,  ටිකක් නිදහසේ නිදා ගත්තහම හෙට අදේ වෙනකොට මේක හොදවෙලා යනවා ,  බය යවන්ඩ දෙයක් නෑ !!


කියලා කට්ටිය එළියට එළවලා බැලුවා බත්කකා හිටියා කියපු හන්දා පිගාන කෝ කියලා


බත් පිගාන කියුවට ඒකේ එක බත්ඇටයක්වත් නෑ, කරපීංචා කොළ දෙකක් නං තියනවා


එබුනා වතූර ජොග්ගූවට, වතූර බිදක් නෑ


කාලා බීලා එහෙම වැඩෙට බැහැලා තියෙන්නේ ගොඩක් දුර අරගන යන්ට වෙන්ටෑ

හිමිහිට මම හොරෙන් බැලුවා ගැණි දිහා, මම කරන්නේ මොනවද  කියලා මට නොදැනෙන්ඩ උන්දැත් ඇදේ නිදාගන හොරෙන් බලනවා.


දැන් මේ මනූස්සයා හදන්නේ බොරු පිස්සුවක් පෙන්නලා තමන්ට නැතිවෙච්ච තමන්ගේ මිනිහගේ, දරුවන්ගේ ආදර නැවත ලබාගන්ඩයි


වැඩේනං හොදයි කොරන්ඩ යන විදිහ තමා නරක

මම මේක මෙතනින්ම ඉවර නොකෙරුවොත් මේ මෝඩරැල

 තවත් පොලියට අරගන තොවිලයකූත් නටනවා

මෙ ගෑණි බොරැ පිස්සුවක් අරගන කියලා මම කොහොමද ගෙදර උන්ට කියන්නේ

කියුවත් මුන් ටික මම කියන එක විස්වාස කරන්නෙත් නැ


කෝකටත් කියලා මම අරුන්දැට ඇහෙන් නැතිවෙන්ඩ ගෙදර කට්ටිය ඔක්කොමලා

ලගට අරගන මෙන්න මෙහෙම කියුවා


!! බොරැවට බයවෙලා තොවිල් පවිල් කරන්ඩවත්, දොස්තරලා පස්සේ යන්ඩවත් හදන්ඩ එපා, වෙලා තියෙන්නේ මේකයි

ඔහොම වෙන්නේ හීතේ කරදර තියනකොට, එව්වා ගැන හිතලා හිතලා ඒත් සහනයක් පිලියමක් නැති උනහම, යටිහිත කියනවා දැන් උඹට කරන්න තියෙන්නේ බොරැවට පිස්සුවක් හදාගන්න එක, ඒකතමයි දැනට තියන හොදම විසදුම, ඒක ඒයා හිතලා කරනවා නෙමෙයි, යටිහිතෙන් ඉබේම වෙන දෙයක්, උඩු හිතෙන් සිද්ධවෙන කරන කියන දේවල් දන්නේ නෑ.

අපි තවදුරටත් අඩන්ඩයි, අතගාන්ඩයි, අහන්ඩයි,නලවන්ඩයි, හුරතල් කරන්ඩයි  ගියෝතින් වෙන්නේ

ෂා මේක මරැනේ,  මට නිදහසේ පුල් පන් එකේ හිටියහැකි කියලා උඩුහිතෙනුත් හිතලා තත්වය තවදුරත් වර්ධනයවෙලා ඇත්තට පිස්සු හැදෙන එක.

ඒක හින්දා කව්රැවත්  පඩයකට ගනන්ගන්ඩ එපා

හෙට උදේ වෙන කොට ඕක හොදවෙනවා එතකන් තනියම පාඩුවේ ඉන්ඩ දිහල්ලා

ගෙදර ගෙනත් තියන බෙහෙත් ජාති එහෙම අතට අහුවෙන් නැතූව හංගලා, එළියට යන්ඩ බැරිවෙන්ඩ දොරවල් වහලා, කව්රැහරි ඇහැගහගන හිටියහම හොදටම ඇති.  !!


කට්ටියත් මම කියපුදේ අනුමත කරලා නිහඩ උනා විතරයි


මෙන්න ආයෙත් පාරක් පිස්සුව එනවා, ඒපාර නං ගියපාරට වඩා සැරයි, අරවා මෙව්වා ඉල්ලනවත් එක්ක. කට්ටියට මම කියපුවා ඒ ඩිංගට අමතක වෙලා, ආයෙත් ලගට පැනල බදාගන ලෙවකන්ඩ තියාගත්තා

බලා ඉදලා හරියන් නෑ ඇරියා කට


!! අංකල් ගිහිල්ලා තරංගගේ ත්‍රීවිල් එක අරගන එන්ඩ  !!


!! නංගී ඇදුම් කෑලි දෙකතූනක්, කොට්ටයක් ලෑස්ති කරලා, උණු වතුර බෝතලයත් පුරවලා අරගන ඔයත් ඇදුමක් දාගන යන්ඩ ලෑස්ති වෙන්ඩ !!


!! දැන්නං බලාගන ඉන්ඩ හොද නැ, අංගොඩ ගිහිල්ලා සතියක් දෙකක් නැවතිලා බෙහෙතක් හේතක් ඇ‍ගට වැටුනහම හරි,  නිකන් තැන් තැන් වල ගිහිල්ලා සල්ලියි කාලයයි නැතිකරගන හොදටම ලෙඩෙත් වැඩී කරගන යනවට වඩා නරකද පළවෙනි පාරම ලෙඩේ කඩා ගන්න ඒක !!


!! මම මේ ලගදි ගියානේ මල්ලි පිස්සු හැදිච්ච පොරක් බලන්ඩ අංගොඩ, අම්මට සිරි බලන්ඩ එපැ දැන් එළකිරි ටිකට හදලා හෝටලය වගේ, දගලන උන්ව අල්ලලා ඉන්ජෙක්ෂන් එකක් ගහනවාලු බං පුකට, ඒ ඉන්ජෙක්ෂන් එක ගහපුවහම දවස් තූනක් එක දිගට නිදියා ගන්නවලු !!


!! මමයි, අංකලුයි, නංගියි, ගිහිල්ලා ඇන්ටිව නවත්තලා එන්නං,  කාව හරි ලග නවත්තන්ඩ කියුවොත් නංගිට පුලුවන්නේ නවතින්ඩ !!


ඒ අළුත බැදපු කෙල්ලත් කදුළු පෙර පෙර හා කියනවා


කොහොමින් කොහොමින් හරි ත්‍රීවිල් එකත් මිදුලේ නැවැත්තූවා


!! ඇන්ටී කො නැගිටින්ඩකෝ අපි බෙහෙත් ටිකක් අරගන එන්ඩ යමු !!


!! ආ....නේ මට බෙහෙත් ඔන්.... නෑ .   ටිකක් නිදාගන හෙට උදේට නැගිට්ටහම හරියයි.... , ඔන්නං... උදෙම්ම ගිහින් ධම්මික මහත්තයාගෙන්..... බෙහෙත් ටිකක් ගන්ඩ බැරියැ.. !!

No comments:

Post a Comment

අදාල පාර්ශවයකින් ඉල්ලීමක් ක‍ලහොත් හැරෙන්නට කිසිදු අදහස් දැක්වීමක් ඉවත් කරන්නේ නැත

කමෙන්ට් වලට ලින්ක් දානකොට
<a href="LINK HERE"> WORDS HERE</a>