බයිසිකල් හොරු Bicycles Thieves

ඔන්න ඉතින් මං දවසක් අපේ පොඩි මල්ලි කොල්ලත් එක්ක ඉන්නව ඒකලගේ කඩේට වෙලා , කොහොමටත් ඉතින් ඒ දවස්වල උන්ගේ අයියා ( ලොකු අයියා ) ඇරුනහම සියලු මිතුරු සමාගමම බැදල එහෙම නැති හන්දා කොහොමටත් ඉතින් ඔතනට සැට් වෙනව හැම එකාම , පන්ති යන උන් එහෙමයි , කැම්පස් යන උන් එහෙමයි , වැඩට යන උන් එහෙමයි ......................මාත් ඉතින් වැඩට ගිහින් දවල් දෙකට ඕප් උනොත් ඉතින් ගෙදර යෑමක් නැ , එදාට ඉතින් පොඩි මල්ලි මං එනකං බත් එක තියාන ඉන්නව , ආයේ ඉතින් ඒක බරසාර බත් එකක් , වැංජං එහෙම එමටයි , පොඩි අවුලකට තියෙන්නේ ඒකල මාතර හන්දා ගිලින්නේ රතු බත් මට නං අන්දෝ සංසාරයි .

ඒත් ඉතින් මාළු පිනි යහමිං රහට තියන හන්දා ඇරල දානව කටක් , හැබැයි සමහරක් වෙලාවට අපි දෙන්නටම සිද්ධ වෙනව බඩ ගින්නේ ඉන්ඩ , තව එකෙක් දෙන්නෙක් හිටියොත් ඉතින් හුප්පේ තමා , කටකට දෙකකට වඩා අපි දෙන්නට කන්ඩ බැ , මට වගේම තියනව ඒකට පිරිසිදු ලෙඩේ , මටත් වඩා ලෙසටම , ආයේ ඉතින් කොලුවා දාඩිය ටිකක්වත් ඇගේ ගාගන්නේ නැ , එහෙම දාට එන එකාට බත් එක දීලා අපි දෙන්නා හවසට තේ වෙලාවට බිත්තර රෝටි එක්ක හරක් මස් හොදි පැලෙනකං බඩගින්නේ ,

 ඔය කියුවහම මතක් උනේ .....ඉස්සර උන්ගේ වන් ඇන්ඩ් ඔන්ලි මස්සිනා ඒ කාලේ මගේ බෙස්ට් පෙන්ත ..උන්ගේ අක්කට ලව් කරන්ඩ යන්නේ මහ රෑට අපි දෙන්නා වැඩ එහෙම ඉවර කරල ඒකගේ කඩෙත් වහල එහෙම .

මම ඉතින් බූට් හත අටක් වැදිල කීම්බ කාපු ගෙම්බා වගේ හිටියේ ඒ කාලේ ගෑණු අරහං ,


පස්සේ ඉතින් ඔය අටමි හම්බුනහම තමා හිතුනේ ඔන්න යකෝ ගෑණු කියල , කොහොමද මගේ තේරීම , ආයේ ඉතින් අපේ අම්මවත් මාව මෙහෙම බලාගන නැ , අර බුද්ධාගමේ තියන හොද බාරියාවෝ ලිස්ට් එකේ ඉන්න ඔක්කොම බාරියාවන්ගේ ලක්ෂන මේ ගෑනිට තියනවනේ අප්පා , බුදුන්ටත් වැරදිලාද මන්දා ,

මගේ බොක්කේ යාලුවෝනං කියන්නේ

එක යාළුවෙක්

අම්මිලට එහෙම හැම වෙලාවෙම කරදර කරන්ඩ හොද නැ , අම්මිලට අපේ හැම දේම කරන්ඩ බැ , අපි උදව් කරන්ඩ ඕන , එයාලට හැම බරක්ම පටවන්ඩ නරකයි , ඒ ළමයට උඹ මොකද හැම දේම කරන්ඩ දීල බලාගන ඉන්නේ.

මං

ඉතින් බං මට මොකවත් කරන්ඩ තියන් නැනේ , එයාට ඕන විදිහට හැම එකම කරනවනේ , මගෙන් අහන්නෙත් නැ , මොකක් හරි කරන්ඩ හැදුවත් බලෙන් හරි ...නැ නැ මං කරන්නං   ඔයා නිකං ඉන්ඩ  ඔයාට බැ සුදු රෙදි හෝදන්ඩ ....ඔයාට බැ හීනියට පොල් ගාන්ඩ ...........ඔයාගේ හොදි ළමයි කන්නැ ....අම්මල තමා දන්නේ   ළමයින්ට හොදි හදන්ඩ .....තාත්තල දන්නේ බයිට් උයන්ඩ  ......ගිහින් නාගන එන්ඩ ( මේ වචන ටික ඇහුනහම නං නිකං මොකදෝ වගේ ) ඇයි යකෝ තාත්තල දන්නේ  -කන්ඩ විතරද   ................. අද බෝතල් බාගයක් බිව්වා නේද .........හුම් හුම් ...වෙනදට කාල අද බාගේ වෙලා ඉතුරු ටික බොන්ඩ හෙට උදේට ..  මං තැත්ත කුක්කු හදල දෙන්නැ හෙට උදේටත් ඔය ඉතුරු ටික බොන්ඩ .....එහෙනං මට උදෙන්ම අම්ම කුක්කු ඕන ...................මේ විකාර නොකර දෑන් ඉතින් බත් ටික කනවද .......මල වදේ .....ඒක කියන්නේ ඇහෙන නොඇහෙන  ගානට

මං ඉතින් පට්ටන්දරේ දිග ඇරිය හම බුවා කියනව

,,ඒකනේ තෝ හෙන වැරදියි , පව් යකෝ අමාලි ,,

ඒකගේ ගෙදර ගියහම

අම්මි මේවා කන්න බැ අරව හදල දෙන්න

අම්මි කෝ අරක

අම්මි කෝ මේක

අම්මි අරක මතක් කරන්ඩ

අම්මි මේක මතක් කරන්ඩ

අම්මි අරක කරාද

අම්මි මේක කරාද

අම්මි මෙහෙම කරන්ඩද

අම්මි අපි මෙහෙම කරමුද

තව එකෙක්

,, යකෝ ඔහෙම ගෑනු අපිට හම්බෙන්නේ වාසනාවට ‘‘

ඒකගේ ගෙදර ගියහම

ඉතින් මට මොකද

මට වෙන වැඩ නැද්ද

ඕන මගුලක් කරගන්ඩ

කියන එක අහන්නැනේ

මට බැ

මාලග නැ

හරි හරි එව්වා වැඩක් නැ

ඔහොම  ජනේලෙට තට්ටුවක් දාල කතා කරහම අරකගේ කෙල්ල එනව එලියට , ඉතින් උන් දෙන්නා ලව් . මං තට්ට තනියම , එතකොට එලියට එනව පොඩි මල්ලි අක්කගේ පිට් එකටයි මගේ තනියටයි , දැන්නං පොර අහන්නේ

මංජු අයියේ සිකරට් එකක් බොමුද කියල

ඒ උනාට ඒ කාලේ එහෙම නැ

බොන්ඩ එපා අයියේ ඔව්වා ...මොකක්ද තියන තෘප්තිය

ඔන්න මං නං උන්ට ඔව්වා පුරුදු කලේ නැ

ඒ කාලේ ඕකා නාගන ඇවිත් අග වටේ රෙද්දක් පොරවං තමා පුටුවේ ඉදගන්නෙත් ඇග කිලුටු වෙයි කියල, ඉතින් ඔය පිරුවටෙත් පටලවන් තමා මේකා ගෑණු පරානේ වගේ මාත් එක්ක කයිය ගහන්නේ ,

ඉතින් කොහොමහරි අපේ බත් එක ( ඔව් යකෝ උන්ගේ අම්මා මටත් එක්ක බත් එවනව , එයාගේ කොල්ලට මදි වෙයි කියල බයට )  පස්සේ කාලෙක අපේ බත් එකට කෙලින්ඩ වෙන හෙනහුරෙක් පාත් උනා , ඒක ගැන මං කලිනුත් ලියල තියනව.

ඉතින් ඔය පොට් එකට බහිනව අපේ යාළුවන්ට අමතරව ෂොප් එකට එන කස්ටමර්ස්ල , රාගම බහුතරය කන බොන පොරවල් හන්දා කැමට බීමට කොතනත් එකයි , කඩයක් පිටිපස්සෙද , සාලේද , කුස්සියෙද , කක්කුස්සි වල උඩද කියල ඇායේ  ගැට්ටක් , ගනිච්චියක් නැ . ඒකනේ මෙච්චර බාර් , වයින් ඉස්ටෝස් , රෙස්ටුරන්ට් , මාළු කඩ , හරක් මස් කඩ , ඌරු මස් කඩ ,  කුකුල් මස් කඩ ...........ආයේ ඉතින් මට නං එකෙන්ම පතිරූප දේස වාසෝච ...තමා ....

ඉතින් ඔන්න එදා මං ඉන්නවා කඩේ , මේ කඩය තිබුනේ ස්පෝටින්ග් ස්ටාර් එකේ උඩ තට්ටුවේ , ඒ කඩ කාමරයේ කොන්කිරිට් එක උඩ තමා තිබුනේ අර ඒකාලේ රේස් බයිවල උඩ තිබුන  දඩාර දඩාර ඇන්ටනාව , දැං වගේ වයිබර්  වත්සප් ඉමෝ ලයින් කොයිද ඒ කාලේ , නොට්ටු ෆෝන් කියල ගැජට් එකක් තමා තිබුනේ ලාබෙට පිට රටට කතා කරන්ඩ , ඔය ගැජට් එක , අර ඒ කාලේ තිබුන සී එල් අයි යුනිට් එක වගේ එකක් , එක ටෙලිකොම් ෆෝන් එකට ගැහුවහම ඉන්ටර් නෙට් හරහ කෝල් ගත්තහැකි ,

ඩයල් අප් කෙනෙක්ෂන් එකක් වගේ සෙට් වෙනවද කොහෙද ඒ _ත්ත ෆෝන් ලයින් එකට , හැබැයි ගාන පට්ට සාදාරනයි , ටෙලිකොම් හරි ඒ කාලේ තිබුුන ඇනලොග් ෆෝන්වලට වඩා පට්ට ලාබයි , මගේ ඔය 0776 නොම්බරේ ගත්ත කාලේ තමා ඉන්කමින්ග් නිකන් දුන්නේ , ඊට කලින් මං පාවිච්චි කරපු හචින්සන් ටෙලිකොම් ඇනලොග් ලයින් එකෙත් ඉන්කමින්ග් වලට චාජ් උනා , ඒ ෆෝන එක මෝටර්රොල්ලා ඒ වන් තර්ටියක්





ඔය ෆෝන එක මොබයිල් ෆෝන හන්දියක් මයේ හිතේ . මොකද ඔක මොඩල් දෙකකින් ආවා , ඇනලොග් සහ ජී එස් එම් මාදිලි දෙකෙන්ම . අනික ඕකට පෙන්ටෝච් බැට්රි කෑලි හතරක් දාල කෝල් ගන්ඩත් පුලුවන් .

ඔය ඩයලොග් නම්බරේ මං ගන්න කොට මට හම්බුනා ඉන්කමින්ග් තර්ටි සෙකන්ඩ් ප්‍රී , පස්සේ අවුරුද්දක් විතර ගිහින් වන් මිනිටි නිකං හම්බුනා  , කාඩ් කනෙක්ෂන්වලට එන කෝල් නිකන් දුන්නේ ඉස්සෙල්ලම එහෙමයි , ඒ කාලේ මිනිට් මයින්ඩර් දාගන තමා පාවිච්ච කරන්නේ , සීයේ පනහේ කාඩ් නැ , හාරසීයේ දාහේ කාඩ් විතරයි තිබුනේ , ගල්බෝතලෙත් තුන්සිය අනුපහයි , බ්ලුලේබල් බෝතලේනං තුන්සිය හැට පහද කොහෙද , ඉතිං අප්පච්යේ ඔය දාන හාරසීයේ කාඩ් එක පරිස්සං කරනවා , .........කාල බොන සිකරට් එක වගේ ....කසාද බැන්ද ගෑණි වගේ ......අම්මප .

ඊට පස්සේ ගත්තා මෙන්න මෙව්වා එකක්

ඔන්න ඔය තියන ලානිල් පාට එකට තමා මං ඒ ඩයලොග් සිම් එක ඉස්සෙල්ලම දැම්මේ , එරික්සන් එකක් , ගත්තේ ආමි බුවෙක් ගෙන් කඩේට ආපු , අළුතෙන් ගන්ඩ බැ , පට්ට ගණන් ,

ඊට පස්සේ මෙන්න මේ සජම් එක





ඊලගට පාවිච්චි කලේ  මෙන්න මේ සීමන්ස් සී 35 එක

ඊලගට ගත්තා මේක , ටී ටෙන් එකක් , ඌ නං කැරි තම්බියෙක් , මේ ලගදි ආවා ෆෝන් එකක් හදාගන්ඩ , මං බැනල පන්න ගත්තා

මේකත් මරු පැනසොනික්

ඊලගට ගත්තා මෙන්න මේක , සීමන්ස් ඒ 55  එකක් ඒක බෑන්ඩ්නිව්










ඊලගට මේක  නොකියා එකක්







ආයෙත් මේක ගත්තා , ඒකත් නොකියා





ඊලගට මේක







ඉටස්සේ ඉතින් මේක





මෙන්න මේවාගේ චයින්ද කොහෙද එකක් , නම ප්ලයිද මන්දා

අම්මෝ ඊටත් පස්සේ කීයක් නං ගත්තද , ඔයිට පස්සෙත් තව දහයක්වත් ගත්තා මයේ හිතේ , ඇන්ඩෝයිඩුත් පහහයක්ම ගත්ත එකනේ , බහිමුකෝ කතාවට ආයෙත්

පස්සේ ඉතින් ඔය කඩේ වහලය උඩ තියන රේස් බයි එකේ දීසී ඇන්ටනාව හන්දා මිනිස්සු හිතන්නේ අපි ලාබෙට රට කෝල දෙන්නේ ඒකෙන් කියල , එනව වැල නොකැඩි , මොකද ඒ වෙනකොට කවුරුවත් රාගම නෙට්ටු ෆෝන් කෝල දෙන්නේ නැ ,

ඔන්න ඉතින් අපි දෙන්න ඒ කියන්නේ පොඩි මල්ලියි මායි මම කෙට ඔෆ් වෙලා ආපු දවසක බත් ගෙඩිය වලදලා එහෙම කඩේ ඉස්සරහට වෙලා සිකරට්  එකක් ගහගන ඉන්නකොට එනව අපේ  බුකුං බුකුං . පොර තාත්තගේ සල්ලි වලින් ගත්ත මවුන්ටන් පුටාර් එකේ නැගල , මහපාරෙදිම බොහොම පරිස්සමට බයික්කෙන් බැහැල කනුව උඩින් තියන කොන්කිරිට් ලෑල්ලට උඩින් තල්ලුත් නොකර උස්සගන ඇවිත් . අලු පාටට දිලිසි දිලිසි තියන බයික්කෙක හේත්තු කරල නැග්ග පඩි පෙල , 

‘‘ මොකද බුකුමෝ උඹ වැඩට ගියේ නැද්ද ‘‘

‘‘ බැ ඔයි එයත් එක්ක වැඩ කරන්ඩ , ඊට හපං අරයත් එක්ක ගෙදර ඉන්න එක ‘‘

‘‘ ඇ බං මංජු අයියේ මූට මුන්ගේ ගෙදර ඉන්ඩ බැ කියන්නේ අපි දැං දහ පහලොස් පාරක් ගෙදරින් පැනල යන්ඩ එපැය ‘‘

‘‘ ඒකනේ බං උඹලගේ අම්මයි තත්තයි හෙන ආතල්නේ බං ‘‘

‘‘ උඹල දන්න හුත්ත ... උඹලත් එක ළමය උනානං ..දැනගන්ඩ තිබ්බා ... ඇයි යකෝ මාව කන්ඩ හදන්නේ හදාගන්ඩ එපැය තව හතර පස්දෙනෙක් ‘‘

‘‘හරි දැං මොකද උඹට තාත්ත එක්ක වැඩ කරන්ඩ බැරි ‘‘

‘‘ හැම එකටම බයිනවනේ ඕයි ... අනික මට බැ ඔය පයිප්ප වැඩයි ...වයිරින්ග් වැඩයි කරන්ඩ ‘‘

‘‘ අපරාදේ යකෝ තාත්තට තියන වැඩ ඇති තොට මැරෙනකං කරන්ඩ . පිස්සු නොහුකා හෙට උදේට පල . එදා අපි එක්ක අංකල් කියුවෙත් එය ටිකමයි ‘‘

‘‘ මට බැ මන් ඉලෙක්ටෝනික කරනව ‘‘

‘‘ ඒ යි ඒයි අන්න බඩු මාට්ටු කවුද එකෙක් උඹේ බයික් එක ගෙනියනව ‘‘

පොඩි මල්ලි එහෙම කියපු ගමං මං බැලුවේ පඩි පෙලෙන් පල්ලෙහා

කවුදෝ සෝටක් දාපු හතලිහක හතලිස් පහක පොරක් බුකුන්ගේ බයිසිකලේ තල්ලු කරන් යනව

‘‘ අඩෝ තියපං හුත්තෝ බයිසිකලේ ‘‘

කියාගන මං පල්ලෙහාට දුහන්ඩ හදනකොට පොඩි මල්ලිත්

‘‘ අදනං අතේ කෝට් දෙන්නේ සද ගුටි ‘‘

කියාගන මගේ පස්සෙන් වැටුනා

ඒත් එක්කම වචනයක්වත් නොකියා බයිසිකලේ අරං යන්ඩ හදන එකා අතින් පයින් ඔලුවෙන් ඇස් දෙකෙන් ........ලගකට .........හදිස්සියකට යනවා....... ටක්ගාල ..............එනවා වාගේ එකක් කියුවා

‘‘ එහොම හිටහල්ලා යකුනේ මොකක් හරි හදිස්සියක් වෙන්ඩ ඇති ‘‘

කියල කියුව බුකුං මලය අපි දෙන්නව නැවැත්තුව

තව ටිකකින් කඩේට එන කස්ටමර්ස්ලව බල බල පැයක් විතර හිටපු අපි දෙන්නට බයිසිකලේ වගක් මතක නැති උනා , සැරින් සැරේ එලියට ගිහින් බලල එන බුකුමා

‘‘ මංජු අයියේ අර මනුස්සය තාම බයික් එක ගෙනත් තිබ්බේ නැනේ ‘‘

‘‘ ඇ යකෝ උඹ ඌව අදුරන්නේ නැද්ද ‘‘

‘‘ අඩේ මංජු අයියේ මාත් සිරාවටම හිතුවේ අපිව නවත්තන කොට මු ඌව දන්නව ඇති කියල ‘‘