සිංගර් ශ්‍රී ලංකා .... අපිට හොද ගියර් වීල් ගෙනත් දෙන්න

මා දැනට විසි වසරකට අධික කාලයක් මහන මෙෂින් අලුත්වැඩියා කරන්නෙක් ලෙසට ජීවිකාව ගෙන යන්නෙක්මී , අප රටේ  භාවිතාවන  බහුතරයක්  මහන යන්ත්‍ර  ඔබ ආයතනය විසින් ගෙන්වන ලද මෙෂින් බව මට වඩා  හොදින් ඔබ ආයතනය  දන්නවා  යැයි සිතමි.  එයිනුත්  වැඩි මෙෂින් ප්‍රමාණයක්   974 , 1288 හෝ  ඒ හා සමාන වන මාදිලියේ මෙෂින් බවද  ඔබ ආයතනය දන්නවා යැයි සිතමි.

දැනට වසර කිහිපයක සිට ඔබ ආයතනයේ  වෙළද නියෝජිතයන්  සහ ඔබ ආයතනයේ  අමතර කොටස් අලෙවි අංශයේ අත්‍ය අවශ්‍ය අමතර කොටස්වල දැඩි හිගයක් පවති , මිළදි ගැනීමට හැකි අමතර කොටස්වලද නිසි ප්‍රමිතියක් නොමැති අතර ... වැඩි මිළට අමතර කොටස් වෙනත් ආයතන වලින් මිලදී ගැනිමට සිදුවීමද ... එම ආයතන වලින්  සහ ඔබ ආයතනයෙන්  මිළදී  ගන්නා අමතර කොටස් නිසි ප්‍රමිතියකින් යුක්ත නොවීම  නිසා ... සේවාලාභින්ගේ දෝෂදර්ශනයට ලක්වීමට සිදුව ඇත්තේ අලුත් වැඩියා කරන්නන් වන අප හටය.

ආසන්නතම  සිදුවීම ලෙස  එක් සිද්ධියක් ගෙනහැර දක්වනවානම් ........ මාගේ  එක් සේවා ලාභියෙකු ,  මාගේ යෝජනා කිරිම මතම  වසර නමයකට පෙර  මිළදීගත්   974 සිග්සැග් මහන යන්ත්‍රයක   bewl giyar  ( gear wheel )  දැනට මාස දෙකකට කලින්  මාරු කරන ලදී , ඒ සදහා  මම  යොදා ගත්තේ  ඔබ ආයතනය විසින්  ගෙන්වන ලද ඔරිජිනල් වීල්  එකක් වන අතර , දැනට දින තුනකට කලින්  නැවත වරක්  සවිකරන ලද අලුත්   ගියර් වීල් එකද කැඩි යාම නිසා ඔබ ආයතනය විසින්  ගෙන්වන ලද ඔරිජිනල් වීල් එකක්ම නොමිලේම නැවත  සවිකොට දුන්නෙමි.

දැනට පැය කිහිපයකට කලින් අදාල සේවාලාභිනිය විසින් මා දුරකතන මගින් අමතා ..දැඩි ලෙස බැණවදිමින් ... කියා සිටියේ නැවත වරක් පෙර පරිදිම යන්ත්‍රය ක්‍රීයා නොකරන බවත් , හෙට උදැසන  අටට මනාලියකගේ ඇදුම් කිහිපයක් මසා නිමකොට දීමට පොරොන්දුව ඇති බවකුත් .... මා අලුත්වැඩියාවට යොදාගන ඇත්තේ බාල අමතරකොටස් බවත් එම නිසා ඇය අපහසුතාවයට අසීරුවට පත් උන බවත්ය.

අදාල ස්ථානයට ගොස් බැලුවිට මා හට දක්නට ලැබුනේ දින තුනකට පෙර  සවිකරන ලද ඔබ ආයතනය විසින් ගෙන්වන ලද ගියර් වීල් එකද පෙර  ගියර් වීල් එක පරිදිම කැඩි ඇති බවයි , ඒම අවස්ථාවේ  මා සතුව තවත්  ඔබ ආයතනය විසින්  ගෙන්වන ලද ඔරිජිනල් වීල් එකක්ම තිබුන නමුත් .... ඒ  පිලිබදව කිසිසේත්ම විශ්වාසයක් තැබීමට නොහැකි  නිසා නැවතත් නිවසට පැමින  මාගේ  බිරිදගේ  974 මෙෂින්  එකේ  වීල් එක ගලවා රැගෙන ගොස් .. සවිකොට දී .... තත්වය සමතයකට පත්කර නැවත නිවස පැමිනියේ දැනට සුලු මොහොතකට කලිනි.

මෙම සිදුවීම .. අහඹු  හුදකලා සිද්ධියක්  නොවන අතර දැනට මාස හත අටක් ඇතුලත ගියර් වීල්  සීයකට ආසන්න සංඛ්‍යවක් ... මාස කිහිපයක්  ඇතුලත  හෝ  දින කිහිපයක් ඇතුලත කැඩියාම සිදුඋන බව ඉතා කණගාටුවෙන් දැනුම් දෙන අතර,

ඔබ ආයතනයෙන් ගෙන්වා විකුණන ලද මහන මෙෂින් සදහා අවශ්‍ය තරම් අමතර කොටස්  උසස් ප්‍රමිතියකින් යුතුව ගෙන්වා බෙදාහරින මෙන් කාරුණිකව ඉල්ලා සිටිමි.

මෙම ලිපිය සමාජ මාධ්‍ය හරහා යොමුකරන්නේ  අමතර කොටස් වෙළද නියෝජිතයන් හරහා ඔබ ආයතනය වෙත මෙම අමතර කොටස් පිළිබදව ගැටලුව වරින් වර   යොමුකලද නිසි ක්‍රීයා මාර්ගයක් නොගත් නිසා .... සමාජ මාධ්‍ය තුල සිටින ඔබ ආයතනයේ  ඉහල නිලධාරින් වෙත  මේ  පණිවිඩය යොමු කිරිමේ අදහසින්  මිසක ... ඔබ ආයතනය අපහසුතාවයට අසිරුවට පත්කිරීමට හෝ  කීර්තිනාමයට කැළැලක් කිරිමට නොවන බවද අවසාන වශයෙන් කියා සිටිමි.

මෙය කියවන කෙනෙක් සිංගර්  ශ්‍රී ලංකා ආයතනයේ  දන්නා හදුනන  විධායක නිලධාරියෙකු  සිටිනවානං  මෙ ලිපිය පෙන්වා දැනුවත් කරන්න.

ලක්මාල් කන්දෙවිදානෙ
0778707807