ලාංකීය තාරුණ්‍යයේ ශෝකාලාපය

පරම්පරා ගැටුම් ඉතින් එදා ඉදං හැමදාම තිබ්බනේ . වැඩිහිටියන්ට ඉතින් පොඩි උන් කරන දේවල් පේන්නේ මහ මලවිකාර තේරුමක් නැති වැඩ වාගේ තමයි , සමහරක් ආච්චිල කියනව මං අහල තියනව

'' අර නැටිච්චියන්ගේ මහ උන්ගේ ඇස් වලට හෙන ගහලද අර කෙල්ලන්ට අරහම අන්දගන යන්නේ ''

අනේ අර දරුවා ඇදගන යන්නේ ටයිඩ් ඩෙනිමක් , ඒක නරකයි කියන ආච්චි අම්මගේ කැබිනට් එක උඩ තියනව කළු සුදු  ෆොටෝ කෑල්ලක්  , උන්දැ ඒක හරි උජාරුවෙන් දූවිලි පිහදාල එහෙම තියාගන ඉන්නේ, අනේ ඒ පොටෝ එකේ උන්දැ ඉන්නේ තව කෙල්ලෝ සැට් එකකුත් එක්ක කොට ගවුමක් ගහගන , ඒක දැක්කහම මට නං හිතෙන්නේ , අපේ සීයලගේ තාත්තලගේ තරං මගේ ඇස් පිං කරල නැ කියල . ඇයි හත් දෙයියනේ අර ආච්චිගේ පස්සත් පේන නොපෙනෙන ගාන.

සීයල ඊටත් හපං , උන්ගේ කලිසං වල යට වාටිය ඉනටත් ‍වඩා ලොකුයි , ඕකත් ඇදගන කොන්ඩය කාක් කුඩයක් වගේ වවාගන අවුල් කරගන , කකුලක් පිට කකුලක්  එහෙම දාගන නැයිකට් එකක් ෆෝඒස් එකක් ගහගන එහෙම තමා පොරවල් ෆොටෝ අල්ලල තියෙන්නේ ,

තව ඔය ඉටියා බජාර් පොරවල් ගංවල චන්ඩි , කසිප්පු මුදලාලිලා ඒම , බලන්ඩ එපැය පොරවල්ගේ ඉට්ටැයිල් , සුදු සරමක් හරි , වටින රට සරමක් හරි ඇදල , දැල් බැනියමක් සරමට යට කරල , ඒකට උඩින් සුදු යකඩ බොත්තං වලින් පොඩි පර්ස් කෑල්ලක් එහෙම අල්ලපු පටියක් බැදල , දුහුල් නයිලොන් ෂර්ට් එකේ යට බොත්තං තුන විතරක් දාලා සාක්කුවට දෙකට නමාපු සීයේ කොලයක් එහෙම දාගන අත්නමාගන එක පැත්තකින් සරම උස්සගෙන පාරේ ඇවිද්ද ලස්සන ,

කරුමේ කියන්නේ ඒ පරම්පරාවට අපේ කාලේ මෝස්තර දිරවාගන්ඩ බැරි වෙච්ච එක තමා , දැං තත්වය එන්ඩ එන්ඩම දරුණුයි.

මේ කාලේ නිතරම අහන්ඩ ලැබෙන දෙයක් තමයි අපේ වැඩිහිටියෝ කියනව

''අර හුජ්ජ කොල්ලගේ පුදුම ඉලන්දාරි කමක්නේ තියෙන්නේ''

''අර කෙල්ලගේ තියන නැටිල්ල , ඇටෙන් පොත්තෙන් එලියට එන්ඩ කලින් ලමිස්සි වෙන්ඩ හදනව''

ඒ උනාට අප්පා දැං හැදෙන කොල්ලෝ ඒ කාලේ තරං නරක නැ , අපේ කාලේ කොල්ලෝ කරපුව ( මං නෙකෙරුවට ) කොටු පැනිලිද , ගල් කැපිලිද , වතුවලට පැනල වතු පාලු කෙරිලිද , චැලෙන්ජ් කරල එකෙක් වැටෙනකං ගහ ගැනිලිද . ගෑණු නාන වෙලාවටම ඇලේ ,දොලේ , ලිදේ, නාන්ඩ යෑම්ද , ( කොල්ලෝ කුලප්පු කරන්ඩම හිතා මතාම එලියේ දාගන කුණු අතුල්ලපු කෙල්ලො , ගෑණු එහෙමත් හිටියා ) , ඔහොම එව්වා කොහෙද දැන් හැදෙන කොල්ලන්ට.


ඒ කාලේ කෙල්ලෝ ඔයිට හපං , දැං ඔය කෙල්ලංව කෝටු මස් කරන්ඩ කතා කරන නාකි හුචක්කු  පදුරු හත අටකුත් තලල අවුරුදු  පහලවක් දාසයක් වෙන කොට ළමයි එකෙක් දෙන්නෙකුත් හම්බ කරල ,

දැං ඔය හෙන ලොකුවට කතා වෙන එකක් තමා පුක පල්ලට එල්ලෙන්ඩ කලිසම අදින එක , දැං ඉතින් හැම ළමයම වාගේ අදින්නේ එහෙම , කොටින්ම මගේ අර ඇබිටිල්ලං ලොකු කෙල්ලත් කලිසමක් අදින වෙලාවට පාත් කරගන්නව කලිසම ඉනෙනුත් පහලට , අපේ පවුල නං කෙල්ලට කැගහනව උනාට මං නං හිනාවෙල අහක බලාගන්න.

මට මතක විදිහට ඕක ලංකාවේ මැද පන්තියේ සහ පහල පන්තියේ තරුණ කොටස් අතරේ ජනප්‍රීය උනේ අනුව දශකය අගභාගේ අපේ ගන්දබ්බ කාලේ ,  ගල්ෆ් යුද්දෙට එහෙම ගිහිං ඇවිත් සින්දු කියපු Shaggy  ලංකාවේ ජනප්‍රීය උනේ අන්න ඒකාලේ . ඔය මෝස්තරය ලංකාවේ ජනප්‍රීය වෙන්ඩ ආසන්නතම හේතුව විදිහට මටනං මතක ඔය Shaggy ගේ අමුතුම තාලේ Reggae ඉට්ටයිල් එක අපේ කොල්ලො කෙල්ලෝ අතරේ ජනප්‍රීය වීම සමග ඇති වෙච්ච Shaggy ගේ විලාසීතා අනුගමනය කිරිම කියලයි මට හිතෙන්නේ.


ඔය මෝස්තරේට

2000 ඉපදුන උනුත් අදිනව
90 ඉපදුන උනුත් අදිනව
80 ඉපදුන උනුත් අදිනව
70  ඉපදුන උනුත් අදිනව
60 ඉපදුන සමහරක් පොරවලුත් අදිනව
50 හේ 40 හේ ඉපදුන උනුත් ඔය මෝස්තරෙන් ඉන්නව බෙල්ට් එකක් ඇදලා නැති වෙලාවට දෙකක් දාගත්තහම , එහෙම වෙලාවට බැහැපු කලිසම උස්ස ගන්ඩ කියල ‍පෙන්නුවහම හරිම ලස්සනයි උස්ස ගන්න විදිහ , කලිසමේ දෙපැත්තේ ලූප් වලින් අල්ලල ගස්සල ආයේත්  කලිසම අස්සට බහින විදිහ බලාගන ඉන්ඩ ආසයි.

තුන් හාරදාහක ජොකෙක් ඇදල , හත් අටදාහක කලිසමකට තව දෙතුන් දාහක බෙල්ට් එකක් දාලා හත් අටදාහක සෙකරපත්තු දෙකකුත් ඇදගන , හාර පන්දාහක කමිසයක් දාලා ඉන්න කොට නං පොඩි ගතියක් තියනව තමා ,

හැබැයි ඉතින් වර්ල්ඩ් මාකර්ට් එකෙන් ගත්ත එක්දාස් පන්සියේ ඩෙනිමට යටින් ඕල්කට් මාවතෙන් ගත්ත එකසිය දහයේ  ජොකෙක් ඇදගන ඉන්නකොටනං ඉතින් අපෝ කියල හිතෙනව තමා.

අනික් කාරනාව තමයි සංගීතේ . හයියෝ මේ දැන් හැදෙන උන් බැනුම් අහන තරමක් උන් අහන සින්දු හන්දා , අපේ කාලෙත් ඔය කතන්දරය තිබුනා , අපි ආත්මලාගේ , නාමල්ලගේ , කුමාරසිරිලගේ , දොලමුල්ලලගේ , ප්‍රීන්ස්ලගේ සින්දු අහනකොට , අපේ තාත්තල ඒ කැසට් එක එලියට දාලා මිල්ටන් පෙරේරලගේ , ක්ලැරන්ස්ලගේ , ජෝතිලගේ , ඇනස්ලිලගේ කැසට් දැම්මා ,

හැබැයි තාත්තලට දැනුනේ නැ අපි කැමති සින්දු වලට එයාල කැමති නැති උනාට , එයාල කැමති ඒවා අපිත් රසවිදින බව ,

ඒ වාගෙම තමා   අමරදේවලගේ ,  කපුගේලගේ , වික්ටර්ලගේ සින්දුවක් යනකොට එයාලවත් අපිවත් වහල දැම්මේ වත් සද්දෙ අඩු කලේවත් නැ , ඒ ගැන අපේ අතරේ තිබුන නිහඩ අත්සං නොකල සම්මුතියක් , ගිවිසුමක් . අපේ මිනිස්සුන්ගේ ඒ ගුණය නැති වෙන්ඩ ගත්තේ , බත් එකක් , සීනි කාලක් , කරවල සීයක් ඔතාගන ආපු කොළ කෑල්ල හරි කියවන එක අත ඇරිච්ච දා ඉදං , එහෙම බලන කොට අපි හරිම වාසනාවන්ත මිනිස්සු.

හොද රසවින්දනයක් තියන මිනිහෙකුට පුලුවං අමරදේවගේ , එඩ්වඩ්ගේ , ක්ලැරන්ස්ගේ , කසුන්ගේ , ජොලි සීයගේ , පොඩි ළමයගේ , චින්තිකගේ ඔය කාගේ උනත් සින්දුවක් රස විදින්න , හැබැයි ඉතින් ඒ  ගීතයට අදාල  ඉට්ටයිල් එකට අනුකුලව ඒක නිර්මානය වෙලා තියෙන්න ඕන සහ නිර්මාණයට දායක වෙච්ච සියල්ලන් සින්දුවට සාදාරණයක් ඉෂ්ඨ කරල තියෙන්න ඕන .

තවත් පට්ට ගහන කාරනාවක් තියනව ඒක තමයි කණ්ඩායම් සංගීතය ,  සංගීතය කණ්ඩායම් , භාවිතා කරන සංගීත භාංඩ , සහ සංගිත භාංඩ භාවිතා කරන ආකාරය ,

අටමත් කාලයක් ඔය බෑන්ඩ් උණ හැදිලා කනට කරාබුවක් එහෙම දාගන කොන්ඩෙත් පෝනි ටේල් එකක් දාගන , බේස් ගිටාර් එකක් කරේ දාගන ෆ්රැක්ටිස්  කොලා

ජීම් පප්පා ....ජීම් පප්පා .....ජිම්පප්පගේ ..ලොකු අක්කා .....ජිම්පප්පා   ජිම් පප්පා ....ජිම් පප්පගේ ලොකු අම්මා කියල .

කාලයක්  ෆ්රැක්ටිස්  කොරනකොට ඒක එපාවෙලා බැස්සා ඔක්ටපැඩ් ගැහිල්ලට අන්න ඒකනං නැගල ගියා , මටනං හිතෙන්නේ ඔය බෑන්ඩ්වලින් ස්ටේජ් එකේ ගහන හොදම භාන්ඩේ තමා ඔක්ටපැඩ් ඒක , බෑන්ඩ් එකක් ජනප්‍රීය වෙන්ඩ ලොකුම සාධකයක් තමයි එයාල පාවිච්චි කරන ඔක්ටපැඩ් ප්‍රමාණය , ඔක්ටපැඩ් වර්ගය සහ වාදන ශීල්පියා .

බැන්ඩ් වල ඔක්ටපැඩ් ගහන කොල්ලන්ට බයින තරමක් , ටකරං සංගීතේ කියයි , සින්දු කනව කියයි , අනේ එහෙම පරමාර්ථයක් උන්ට නැ , උන් හරිම ආසාවෙන් , ආදරෙන් , භක්තියකින් ඔය රස්සාව කරන්නේ,

ඩ්‍රම් සෙට් එකක් අවශ්‍ය නැති , අටවන්ඩ විදිහක් නැති තැනකට ඩ්‍රම් සෙට් එකේ ජොබ් එක ගොඩ දාන්ඩ කියල ජපානේ හදාපු ඔක්ටපැඩ් එකෙන් තබ්ලා ටෝන් , තබ්ලා බීට් හදාගන මවාගන දාන සෙල්ලං වලට අපේ කොල්ලන්ට මල් තියල වදින්ඩ ඕන කියලයි මට හිතෙන්නේ...................................................................................................................

ඔව්වා ඔහොම වෙද්දි දැං හැදෙන කොල්ලන්ට නං දරාගැනීමේ හැකියාව ඉස්සර කොල්ලන්ට තරම් නැද්ද කියල වෙලාවකට හිතෙනව , ඇයි හත් දෙයියනේ කෙල්ල දාලා ගියා කියල මේ යක්කු මල් ගහගන , පෙති ගහගන , කුඩු ගහගන කෙලින පිස්සු දැක්කහම මටනං අපෝ කියල හිතෙනව.